Egberima-Ẹkwẹn 22:4 - FỊAFỊA BAỊBỤLỤ

⁴ KỊNỊNYANAḄỌ ḅe ḅịḅịpoki, ḅụụ-iderima, tẹ ị́ ngọ na, kụn na nangwọ ḍumo na nyana ḅa.

Egberima-Ẹkwẹn 22:4 Iomraidhean Croise

Egberima-Ẹkwẹn 19:23

KỊNỊNYANAḄỌ ḅe ḅịḅị poki tẹ nangwọ ḍumo kọn, ye ị́ na iḅi tẹ í ye ḅụụ la-a ḅara kẹ kpaịn sime ḅa.

Egberima-Ẹkwẹn 21:20

Ye-nimiapụ ngọ-kọn na opu ḅara kẹ ye-mịẹ ḍumo na kọn-arị, kụma apantu amẹẹ ma ini igbigi mẹ nyana ḅo sakị na ini anị fama sakị na gbọrụ sakị.

Egberima-Ẹkwẹn 21:21

Iḅi ḅara kẹ jen-apụ na mịẹ, pịkị kịnị mingirima ma, anịsakị ị́ nangwọ ḍumo kọn ḅa jen-apụ pịkị ị́ mangịma tẹ ị́ la kiri kẹ ị́ pịrị ḅara kẹ ị́ na anga ḅa.

Egberima-Ẹkwẹn 22:3

Sịḅịḅio nyana apụ ḅoarị ḅụụ-fụka ẹrị tẹ anị kọkọrọ ḅa, kụma ḅẹrẹ kuroma-kuroma-a ḅọ tọrụ-gelegele mẹnjị mu anị ḅio sọ tẹ ọḅụkọ tiye-ì-gbo ḅẹẹ ḅa.

Egberima-Ẹkwẹn 22:5

Í í ḍumo ḅẹlẹmarị ḅẹḅẹ, etela akaka ḅụ si-sịḅịḅio-sụapụ ma kuun-sịẹma-sịẹma ḍiein ma ḍiki ḅụụ-kịẹn.

Egberima-Ẹkwẹn 29:23

Opu ẹkwẹn ị́ ḅịkị dogi-ḅo ḅa, kụma ị́ ḅụụ-lẹgịmarị ḅẹḅẹ, tomi kụn kẹ ị́ pịrị ḅa.

Egberima-Ẹkwẹn 3:16

Nimi nangwọ ḍumo kẹ ị́ daarị, pịkị pẹrẹ na kụn na sọ.

Egberima-Ẹkwẹn 31:30

Iḅi, sịḅịḅio simarị; anịsakị iḅi ịmaịn-faarị, kụma KỊNỊNYANAḄỌ ḅe mangịmarị ẹrẹḅọ ma kịnị á tokini ḅa.

Ayịzaya 33:6

tẹ mịẹ tẹ opu sịẹ mẹ jike-a ḅara kẹ sịẹsime ḅa. Sakị mamgba ori amịna atomi gbaịn ḅọrọma tẹ nimi na ye-ḍawọ-ḍịịn na kẹ ịn pịrịarị. Ḍụḅa tẹịn ngọ tẹ ịn nyana ye anie fịafịa ḍumo ḅụ KỊNỊNYANAḄỌ ḅe mangịma.

Ayịzaya 57:15

“Yẹrị anie gele tẹ fịafịa Tamụnọ ḅe tẹ ḍumo mu ḅẹẹ-sakị ḅẹẹ-sakị laarị ḅọ ḅee. Geletẹ fịafịa yọ ḅụ mie arị angarị, kụma à pịkị ḅụụ-iderima tẹ si ḅụ pịkị tẹmẹ nyana apụ na simearị, mịẹ tẹ arị inetẹ ịn pịkị-ḅo amịna ḅụụ-nimi na ḅiokpọ na ḅụ suu ḅẹ ḅara.

Danẹlị 4:36

Tomina ye-nimi ị̀ sịḅị ḅio sọ ḅo tẹso, ịn nwẹnị ị̀ kụn na, ì opu na pịkị ì ama-da ebube na pịkịma-ḅo ị̀ pịrị. Ị̀ fịrịmẹnjịapụ na ì opu-apụ na nwẹnị ị̀ da warị su, tẹ ịn nwẹnị ị̀ amada-kụrọ pịkịma-ḅo ị̀ pịrị, tẹ pịkị tarị à nyana kụn nẹngịma kụn kẹ ị̀ pịrị.

Matiyo 6:33

Anie nakara, ọ́ mịẹ ḅẹẹye-ḅẹẹye nẹngị na-iḅi ye anie, Tamụnọ Ama-da mẹ na ò ḅiiarị ọ́ mịẹ ḅẹ kura-aị ma na ḍọkịị, tẹ ori nwẹnị ḅarana osi-aị mamgba mịẹ tẹ arị ḅo ọmịna ḅara la.

1 Timoti 4:8

Meni-oju mẹ aḍaka ḍiki tẹ anị mịẹ kụrọma mẹ nyana iḅi emi, kụma tẹmẹ gboloma ye ḅụ ḅụụ aḍaka ḍiki tẹ anị mịẹ kụrọma mẹ ḅọkọ-ḅọkọ ḅụ iḅi famam, kẹ gotẹ ọkọ ḍukoarị, mịọkụ simearị ḍumo mẹ ḅụ anị nyana iḅi emi, pịkị tọrọkọ-jụ ḅo ḅarị ḍumo mẹ ḅụ sọ anịḅẹ iḅi emi.

Jemụsị 4:10

Ọ́ KỊNỊNYANAḄỌ ḅe tọrọkọ ḅụ ḅụụ lẹgịma, anịsakị ori ọ́ saakị-gelema ḅa.

Jemụsị 4:6

Kụma Tamụnọ kẹ tomi pịrịarị ḍiki-ḅụụjịrị mẹ kụrọ anị nẹngịm. Anie Fịafịa Ḍiri mẹ ḅẹẹarị ḅara, “Tamụnọ opu amịẹaị mịẹ apụ na tụḅụrụarị, kụma ò ḍiki-ḅụụjịrị nyana ḅụụ iderima apụ ma pịrịarị.”