Egberima-Ẹkwẹn 10:3 - FỊAFỊA BAỊBỤLỤ

³ KỊNỊNYANAḄỌ ḅe ḍụkụ tẹ iḅi atomi ḅuru-pọkọtarị ḅụ so ḅịa, kụma ọ̀ ḍụkụ tẹ si-sịḅịḅio-sụapụ in ḅiiarị ye nyana ḅịa.

Egberima-Ẹkwẹn 10:3 Iomraidhean Croise

Jobu 15:23

Ọ̀ paka jen anga mu tẹ fịye gotẹ ikele-ikele tẹ gbelarị, ‘Anị tọ-anga emi?’ Ò nimim mịnẹ kanakana gbọrụ ene tẹlẹmatẹ ḅo kpeki tẹẹ;

Jobu 20:28

Ọ̀ warị ḅio sime-aị mamgba in dogi-so ḅa; Tamụnọ ịganị eneḅaka mẹ ḅụ in arị fọnọ-so ḅa.

Jobu 5:20

Ịnụ ḅio ọ̀ fịị ḅụ ị́ ḅọrọma ḅa tẹ ọmụ ḅio okologie kụrọ mẹ ḅụ ị́ ḅọrọma ḅa.

Devidi-Anume 10:14

Kụma ị́ ẹrịarị; ị́ ḅụụ-fụka na tọrụsiẹrị na kẹ elekima sụarị tẹ sakị mamgba ḅarasụa ḅẹ tẹ tẹlẹma wararị. Ḅarasụa pịrị ḅọ nyana-a tomḅọ ḅe amịna ḅụụ saakị ị́ pịrịarị; sakị mamgba ị́ ḅarasụa mịẹḅẹ-ọkụ-ofori apụ pịrịarị.

Devidi-Anume 112:10

Si-sịḅịḅio-sụa apụ ma miemẹ ẹrị tẹ ịganịarị, in ḍiki-ḅioḅu kẹ bio-bioma ḍiki tẹ so tẹ kịnị ḅarị ini ẹrị-a, ịn kẹ ḅiokpọma sime aị ma fa gbamaso tẹ.

Devidi-Anume 33:19

Ọ̀ fịị ḅụ ịn ḅọrọmarị: ḅuru-ḅa ḅụ ọ̀ mịẹ tẹ in ḍumo tọrọkọ muarị.

Devidi-Anume 37:19

Si sakị ḅụ in tọrụsiẹrị ḅịa; ḅuru-ḅa sakị ḅụ ini ini na iḅi ḅẹ ḅara kẹ fịye nyana ḅa.

Devidi-Anume 37:25

Mịọkụ àrị omongi tẹ, à nangwọ sakị kẹ tomikiri anga tẹ: kụma jene-jene amụ àrị ẹrị-a KỊNỊNYANAḄỌ ḅe iḅi tomḅọ kẹ gbin kuroma-so tẹ sakị, anịanịa mḅọ awọmẹ fịye ḅii ma ḅọrọarị anga.

Devidi-Anume 37:3

KỊNỊNYANAḄỌ ḅe kẹ ḅiokpọma tẹ iḅiye mị; amakiri mẹ ḅụ anga tẹ kpaịn simee.

Egberima-Ẹkwẹn 13:25

Karakaraye-mịẹapụ ma fị furo ḅinma ḅẹ ye nyana wararị, kụma si-sịḅịḅio-sụapụ ma sakị mamgba ḅuru ịn tarịarị.

Egberima-Ẹkwẹn 14:32

Si-sịḅịḅio-sụa apụ ma ịna si amịẹaị mie ịna ḅịkị dogi-ḅoarị, kụma iḅi-apụ ma ịna gasịtẹ ḍumo mie ịn gbaịn ḅọrọmarị.

Egberima-Ẹkwẹn 28:25

Amịna ḅụụ ngẹrị bala mẹ ḅụụ-fụka kịngẹ mie anị dogi-ḅoarị ye. Ị́ KỊNỊNYANAḄỌ ḅe kẹ ḅiokpọma iḅi anị nẹngị ye ḅụram.

Egberima-Ẹkwẹn 28:9

Í oloko mẹ koko-a ḅẹḅẹ, anị ḅụụ-fụkama ḅa Tamụnọ ị́ atẹkẹ naa, ori arị ḍiki-ḅioḅuarị ḅara sime ḅaka ḅa.

Ayịzaya 33:16

Anịsakị ye ḅarị ị́ la ḅịa, ị́ pịkị ye ḅụụ la-la anga ḅụ emi ḅọ ḅara sime ḅa, gbala ọmụ la-laa kụrọnị-anga ḅụ í emi ye ọkụ. Ị́ fịye nyana tẹ fị ḅa, pịkị minji nyana tẹ ḅuu ḅa.

Zẹfanaya 1:18

Anị ene mẹ ḅụ, KỊNỊNYANAḄỌ ḅe ori owi-ịganị ḍie-pakama ḅarị sakị mẹ ḅụ, ịna seleḅa na golu na kịngẹ sọ ịn ḅọrọma ḅịa. Ori ịganị ḅụ fịnị bebe tomikiri mẹ guluguluma ḅa. Ò tomikiri ḍumo simearị ḅọ goḅọ-goḅọ ḍumo kẹ ḅo kunoma lama ḅaa-a bẹkẹ kunoma.

Luku 12:31

Anie nakara ọ́ Tamụnọ ama mẹ rẹ gotẹ ḅio-sẹsẹẹ, tẹ mịna aị ma sọ ọ̀ mịẹtẹ ọ́ nyana ḅa.