Egberima-Ẹkwẹn 1:4 - FỊAFỊA BAỊBỤLỤ

⁴ Egberima-ẹkwẹn inetẹ mịẹ tẹ ye-mịẹmịẹ-ḅara nimi-a tomḅọ ḍumo aka nimi ḅọ sọ ḅa, arị pịkị asambịrịma atomi toluma tẹ in mịẹ na-iḅi aị ḍọkị pakama-ḅoarị apụ sọ ḅa.

Egberima-Ẹkwẹn 1:4 Iomraidhean Croise

Egberima-Ẹkwẹn 8:5

Amụ ọ́ ḍụḅa paka-ḅo tomi la-a? Ọ́ ḍụḅa paka-ḅo tomi la tẹ ḅara simee. Ọmịnị oḅori-sọarị aro? Ọ́ ḍawọ tẹ sịḅịḅio nyanaa.

Egberima-Ẹkwẹn 8:17

Àrị ị̀ ḅẹlẹmarịapụ ḅẹlẹmarị; ị̀ ḍọkịḅọ-ḍọkịḅọ inetẹ ị̀ ḍọkị-ẹrị ḅa.

Devidi-Anume 119:9

Ndẹẹ asambịrịma tụḅọ inetẹ amịna ḍumo wẹrị kpaịnma ḅẹ ḅara? Ị́ tọn kuroma aị ma poki tẹ mịẹ ḅụ.

Egberima-Ẹkwẹn 8:32

“Mịọkụ, asawọ, ọmịnị ì pokii. Ọmịnị à ḍuko ḅara mịẹẹ, anịsakị ó ḅioḅẹlẹ ḅa.

Egberima-Ẹkwẹn 8:12

Yẹrị Nimi, à pịkị ye ḅio sime ye lekiri nyana wararị; à ḍawọ ye ḍin wararị, tẹ karakara ḅẹrẹkọn-arị.

Devidi-Anume 119:130

Ị́ atoluma-aị ma puu-finji mẹ bele pịrịarị tẹ nimi ọkị-ḅo ye nimi-a ḅọ mẹ pịrịarị.

Tayịtọsị 2:6

Anị gbọrụ ḅara mẹ ḅụ ḍuko kụrọma asawọ ma pịrị tẹ ini ịna ḅụụ ọlọ.

2 Timoti 2:22

Asambịrịma sịḅịḅio lẹgẹlẹgẹ amịẹaị ma ḍiki ḅụụ-kịẹn, tẹ ḅụụkụrọma tẹ karakara mịẹ na, minini na, ḅẹlẹma na, dein na nyana ḅẹ ḅara ḍọkịị, fịafịatẹ ḅioḅẹngbọ ḅụ KỊNỊNYANAḄỌ ḅe sịn-sịn tẹ ọ̀ ḅara ḅarasụa ḅiiarị apụ ma na gbọrụ ḅụ sime ḅụ.

Ayịzaya 35:8

Anị anga opu etela paka ḅa, ini anị sịn ḅa, “Fịafịa Si Ofori Etela Mẹ.” Gbọrụ si-mịẹḅọ sọ anị etela mẹnjị ḅọrọ ye mu ḅịa; gbọrụ oḅori-ḅọ sọ anị mẹnjịarị apụ ma da-irima ḅịa.

Egberima-Ẹkwẹn 3:21

Ị̀ tụḅọ, í nimi na í ye suku ḅio simearị ye lekiriarị ye mẹ na ọlọ-sịẹmaa. Gbala-gbala ḍụkụ tẹ arị ị́ ḅara pẹlẹ so ma.

Devidi-Anume 34:11

Ì ikiapụ, asambịrịma apụ, ó ḅoo, tẹ ì pokii: à KỊNỊNYANAḄỌ ḅe kụn-kụn ḅara kẹ ó toluma ḅa.

Devidi-Anume 19:7

KỊNỊNYANAḄỌ ḅe oloko mẹ karakara famam, anị ịwọ ịnyọ pịrịarị. KỊNỊNYANAḄỌ ḅe tọn kuroma aị ma ḅioḅẹngbọ kẹ arị ḅụụ gbana na-iḅim, nimi kẹ ye-nimia-apụ pịrịarị.

Nimi Tolumaḅọ 11:9

Yei asambịrịma tomḅọ, ị́ asa sakị ḅụ ḍerekuu, anịsakị yee ị́ asambịrịma sakị mẹ ḅụ í ḅioḅẹngbọ ị́ ḅụụ kuroma ye sọ; í ḅioḅẹngbọ tọn ị́ pịrị etela, etela na, ị́ atọrụngbọ ẹrị ye, ẹrị ye na ḅụ mẹnjịị. Kụma nimi mịnẹ, mịna aị mamgba gotẹ, Tamụnọ ị́ kẹ ḅẹrẹkọn ḅo ḅa.

Devidi-Anume 116:6

KỊNỊNYANAḄỌ ḅe ọ̀ ḅarasụa-pịrịḅọ nyana-a ḅọ mẹ gbaịn-arị; à siye kẹ ị̀ mịẹ ḅẹ ye ḅio sọ sakị ori ị̀ ḅọrọmam.

Ditẹrọnọmị 4:6

Ọmịnị arị koko tẹ arị mịẹ; kẹ gotẹ ọkọ ḅẹẹarị, aniemẹ ọmịna ye-nimi na, ọmịna yefieye naa na sọ ḅa tomi ma tọrụ ḅụ, inima tẹ mịna ọmịna kẹẹ wararị oloko mamgba naa ḅarị apụ ma arị naa ḅẹ sakị ịn ḅẹẹ ḅa: Tụkụma ḅara ḅụ mị gburo-gburotẹ opu sịẹ mẹ anie ye-nimi, tẹ yefieye naarị atomi.