Egberima-Ẹkwẹn 1:1 - FỊAFỊA BAỊBỤLỤ

¹ Sọlọmọnị, Devidi Tụḅọ, pịkị Izirẹlị amadaḅọ ḅe egberima-ẹkwẹn.

Egberima-Ẹkwẹn 1:1 Iomraidhean Croise

1 Amadapụ 2:12

Sọlọmọnị amada-kụlọ ḅụ ọ̀ ḍa Devidi kiri ọkịm anịsakị ori ama-da kụrọ mẹ ini iḅiọkụ anị mịẹ pakama lamam.

1 Amadapụ 5:12

KỊNỊNYANAḄỌ ḅe nwẹnị ọ̀ kẹ Sọlọmọnị karịma nimi mẹ kẹ ọ̀ pịrị. Dein nwẹnị Hiramụ na Sọlọmọnị na ogboku sime, tẹ ịn nwẹnị jụmọ-jụmọ na ḅịḅị-kẹ-ogbosọ ḅara kẹ ḅịḅị-ọkịya tẹ ḍiri kẹẹ tẹ ḅara-pono.

1 Paka-aị 22:9

Kụma ị́ gbọrụ owiḅọtụḅọ iyi ḅa. Ò dein tomḅọ sọ ḅa, tẹ ori na fịya-a apụ mamgba ikelema-koro ḅụ à dein kẹ ọ̀ pịrị ḅa; ịn kẹ ọ̀ sịn ḅarị ẹrẹ Sọlọmọnị, anịsakị à dein na gbene na kẹ ori ene ma ḅụ Izirẹlị pịrị ḅa.

1 Paka-aị 28:5

Anịsakị ị̀ owiapụ-awọmẹ mamgba ogboku ḅụ — gbala KỊNỊNYANAḄỌ ḅe tọnwa owiapụ-awọmẹ kẹ ị̀ pịrị tẹ ẹrẹsị — ori ị̀ owiḅọtụḅọ Sọlọmọnị sẹlẹ-ọkị tẹ, ò ḅo Izirẹlị KỊNỊNYANAḄỌ ḅe ama-da mẹ ḅẹ emine mẹ ọgọnọ lẹgị.”

1 Paka-aị 29:23

Anịtẹso Sọlọmọnị ọ̀ ḍa Devidi kiri ọkị tẹ KỊNỊNYANAḄỌ ḅe emine ọgọnọ lẹgịm amadaḅọ ḅara ḅụ; tẹ ò lolom, Izirẹlị mẹmgba pịkị ọ̀ ḅịḅị pokim.

1 Paka-aị 29:28

Anịtẹrẹmẹ tọnwa aḍin ọ̀ sịḅị ḅụ ḅọrọtẹ iḅi ḅara kẹ omongi, ngọ kọn, pịkị kụn nyana tẹ fịịm; tẹ ori owiḅọtụḅọ Sọlọmọnị ò kiri ọkị tẹ ama-dam.

Egberima-Ẹkwẹn 10:1

Ma ma anie Sọlọmọnị egberi ma: Ye-nimi tụḅọ mịẹ tẹ ọ̀ ḍa ọ̀ kẹ ḅụụ-tọn-arị; oḅori-sọarị tụḅọ mẹ ḅioḅẹngbọ si dogi-ḅo mḅọ iyingiḅọ pịrịarị.

Egberima-Ẹkwẹn 22:21

tẹ arị karakara mẹ sime iḅi ḅara kẹ í toluma ḅa. Anịtẹso ini ị́ fịrịma pakama mu anị ḍọkị ḅẹ sakị ị́ karakara pakịrị-ḅịḅị mẹ ọkị-ḅo ḅa.

Egberima-Ẹkwẹn 25:1

Ma ma anie Sọlọmọnị gbaa egberi ma ḅẹ jaị, Hẹzịkaya, Juda ḅẹ amadaḅọ ḅe ogigo ḅio ḅẹ ḍiri kẹ apụ ma kẹ pakama ḅo aị ma.

Nimi Tolumaḅọ 1:1

Mịna ẹkwẹn-aḅịḅị ma anie Nimi tolumaḅọ ḅe kọn ẹkwẹn ma, Devidi owiḅọtụḅọ, tẹ Jeruselemu ḅụ ama-da sime ḅọ ḅe.

Nimi Tolumaḅọ 12:9

Ye-nimi mẹ sikima, Nimi Tolumaḅọ ḅe ye ḍawọ ḍịịn na, ye bala ḅara ḅụ egberima-ẹkwẹn ḍawọ tẹ anị fie ye nimi tẹ anị kẹ anị sime na-iḅi kiri koroma na kẹ tomi tolumam.

Jọnị 16:25

“Egberima-ẹkwẹn ḅụ à mịna aị ma ḍuko ọ́ pịrị tẹ. Kụma sakị ḅo ḅa anie à ḅarị egberima-ẹkwẹn kọn ọ́ pịrị ḅịa sakị, tẹ giregire ḅara kẹ Ḍaḅọ ḅe gboloma ye ḍuko ọ́ pịrị ḅẹ sakị mẹ.