Ditẹrọnọmị 9:9 - FỊAFỊA BAỊBỤLỤ

⁹ À tụndụ mẹ kpọlị iwo tẹ ye kẹẹ aḍụḅarị ma ọkị ḅẹ mu sakị, ọḅọkụ mẹ ḅẹ ye kẹẹ aḍụḅarị ma tẹ KỊNỊNYANAḄỌ ḅe ọmịnị na mịẹ ye mẹ; arị eneḅaka amesi na ḍin amesi na kẹ tụndụ mẹ ọgọnọ simem; à fịye fị-a, à minji sọ ḅuu-a.

Ditẹrọnọmị 9:9 Iomraidhean Croise

1 Amadapụ 19:8

Ịlayịja nwẹnị saakị tẹ yefị, pịkị ḅụụ, tẹ ọ̀ fị fịye mẹ kẹ ọ̀ pịrị ịnyọ ḅụ ọ̀ nwẹnị eneḅaka amesi na ḍin amesi na kẹ mẹnjị mu Orẹbụ Tamụnọ Tụndụ mẹ la.

2 Amadapụ 6:22

Ọ̀ nwẹnị pakịrị, “Ị́ ịn ḅaa ḅịa. Ị́yẹrị í okologie na ḍiein na kẹ kun-a apụ ma ḅaa ḅẹ? Fịye na minji na kẹ ịn pịrị ịn fị, pịkị ḅuu tẹ so ịna sịḅịdaḅọ ḍọkụma-mu.”

Paka-so 24:12

KỊNỊNYANAḄỌ ḅe nwẹnị Mozizi ḅẹẹ, “Tụndụ mẹ ọgọnọ-jụ ḅụ ị̀ ḍọkụma-ḅo tẹ anị yọ ḅụ sime koru anịsakị à ḍụḅarị ma tẹ arị à kẹ ịn toluma ḅẹ oloko ma na, à tọn aị ma na kẹ kẹẹ wararị aḍụḅarị ma kẹ ị́ pịrị ḅa.”

Paka-so 24:15

Anịtẹso Mozizi tụndụ mẹ kpọlị iwom, tẹ oḅuto tụndụ mẹ gbaịnm.

Paka-so 24:18

Tẹ Mozizi mẹnjị oḅuto mẹ ḅio sọ-mu, tẹ tụndụ mẹ kpọlị iwom. Tụndụ mẹ ọgọnọ-jụ ḅụ Mozizi ḍin amesi na, eneḅaka amesi na simem.

Paka-so 31:18

Sayịnayị Tụndụ ọgọnọ ḅụ ò Mozizi na ẹkwẹn fama tẹso ori oloko ma ḍie-pakamarị ḍụḅarị maa apakịrị ma, Tamụnọ ḅara-tụngbalị kẹ kẹẹ aị ma kẹ Mozizi pịrịm.

Paka-so 32:1

Tomi ma ẹrịm mịnẹ Mozizi tụndụ mẹ ọgọnọ ḅụ ḅarị kpekele ideri-ḅoa tẹso, ịn nwẹnị ịna aḅụụ kobiri gboloma tẹ Erọnị ḍọkụma-ḅo tẹ ọ̀ ḅẹẹ, “Saakịị, oru-atamụnọ tẹmẹ wa pịrịị, wa kẹ tọrọkọ sụn ḅẹ aị; ḅie Mozizi ḅe tẹ Ijiputi ama ḅụ wa pakama-ḅo ḅọ ḅe, ọ̀ ḅụụ paka tẹ ye wa nimi-a.”

Paka-so 34:28

Tẹ ori anịjụ ḅụ KỊNỊNYANAḄỌ ḅe na ḍin amesi na, eneḅaka amesi na simem; fịye sọ ọ̀ fị-a, ọ̀ pịkị minji sọ ḅuu-a, tẹ ò ye kẹẹ aị ma ọgọnọ ọḅọkụ mẹ ḅẹ ẹkwẹn-aḅịḅị ma kẹẹm, Oyi Oloko Ma.

Matiyo 4:2

Jizọsị ḍin amesi na eneḅaka amesi na kẹ ḅuru-ịmọ fama tẹso, ḅuru nwẹnị ọ̀ tarị.

Galesiya 4:24

Mịna aị ma egberima-aị ḅara mie kịnị kẹ inetẹ arị naa ḅarịye: maa ereme ma sịẹ maa ọḅọkụ pịrị wararị. Omoni kiri ḅụ amịna awọmẹ iyi ḅọ ma anie Ega, anịsakị árị sịẹ Sayịnayị Tụndụ ọgọnọ fị ọḅọkụ mẹ pịrịm.

Ditẹrọnọmị 8:3

Ọ̀ mịẹtẹ ọ́ ḅụụ-kpoom, tẹ wẹrịso tẹ ḅuru ọ́ tarị tẹ ori ịn kẹ mana sịn fịye kẹ ó kokom, aniemẹ tẹ ó nimi-a, ọmịna aḍapụ sọ nimi-a ye mẹ; ori ọ́ mịẹtẹ ó nimi ḅẹ ḅara mịnẹ tomi fịye ngẹrị ḅụ ḍumo-a, kụma ḅẹẹye-ḅẹẹye tẹ KỊNỊNYANAḄỌ ḅe ḅịḅị-ḅio paka-ḅo ye ḅụ mie tomḅọ ḍumoarị ye.

Ditẹrọnọmị 9:11

Anịsakị eneḅaka amesi na, ḍin amesi ma na kunoma ḅụ KỊNỊNYANAḄỌ ḅe ọḅọkụ mẹ ḅẹ ye kẹẹ maa aḍụḅarị ma kẹ ị̀ pịrịm.

Ditẹrọnọmị 9:15

Anieḅụ à tụndụ mẹ ọgọnọ ḅụ tuuideri ḅom, anịsakị fịnị tụndụ mẹ ḅụ kọrịarị; tẹ ọḅọkụ mẹ ḅẹ ye kẹẹ maa aḍụḅarị ma ị̀ ḅara-ḅio simem.

Ditẹrọnọmị 9:18

Anịtẹso à nwẹnị ị̀ tọrụkuḅu kẹ KỊNỊNYANAḄỌ ḅe tọrọkọ àrị iḅo-ḅo ḅara kẹ eneḅaka amesi na ḍin amesi na kẹ iḅo; à fịye fị-a, à minji sọ ḅuu-a, si mamgba tẹ ọ́ mịẹ tẹ aị ma gotẹ KỊNỊNYANAḄỌ ḅe ḍiki-tọrụ ḅụ siye mẹ tẹ ọ́ mịẹ tẹ kẹ ori ịganị ḅẹ ḅara ḅụ ori ịganị sịn saakị ye mẹ.

Hiburu 9:4

Anị ḅio ḅụ golu kẹ tẹmẹ Kụnụaị-dọkịma-dẹbịlẹ tẹ ini anị ọgọnọ kụnụaị dọkịma dọkịma ye mẹ na, Ọḅọkụ Igbe mẹ tẹ golu gbaịn koro ye mẹ — tẹ anị ḅio ịn mana kẹ sụa wararị golu-mọngị sime ye mẹ — na, Erọnị mkpara tẹ ịnyịnya sụa ye mẹ na, ḍụḅarị maa apakịrị ma tẹ Oyia Oloko ma kẹẹ wararị aị ma na sọ simem.