Ditẹrọnọmị 9:7 - FỊAFỊA BAỊBỤLỤ

⁷ Ọ́ sịḅị-kụrọma kụrọma KỊNỊNYANAḄỌ ḅe pịrịm ọmịnị Ijiputi ḅẹ ama ḅio paka-ḅo ene, nwenii ó ḅo mịanga la sakị la, ọ́ kẹ ịkpa mẹ ḅio KỊNỊNYANAḄỌ ọmịna Tamụnọ ḅe ịganị sịn saakị tẹ ori ịganị ḅara kẹ ḅiokoroma tẹ anị kẹ ḅioḅọrọma ma.

Ditẹrọnọmị 9:7 Iomraidhean Croise

Paka-so 14:10

Fero sọma-ḅo kpekim, tẹ Izirẹlịapụ ma tọrụ saakị tẹ Ijiputi-ḅẹ-apụ ma mẹnjịma ịn dama-ḅoarị ḅara mẹ ẹrị tẹso, ịn gburo-gburotẹ ḅalafa nyanam; tẹ Izirẹlịapụ ma nwẹnị oloku-oloku owu KỊNỊNYANAḄỌ ḅe pịrị.

Paka-so 14:11

Ịn nwẹnị Mozizi ḅẹẹ, “Anie gbala Ijiputi ḅụ ḍuḅu ḅarị ofori mie í gotẹ wa dogi-ḅo ịkpa mẹ ḅio ḅaa ḅẹ ḅo ye? Ị́ nwẹn kẹ Ijiputi ḅụ wa pakama-ḅo ye mẹ ị́ tiye mịẹ wa pịrị tẹ?

Paka-so 16:2

Tẹ bebe Izirẹlịapụ ma tomina-ogbo mẹ ịkpa mẹ ḅio mbụrụmbụrụ Mozizi na Erọnị na pịrịm,

Paka-so 17:2

Anịẹrẹsị tomi ma nwẹnị Mozizi ḅụụ si ḍọkị, tẹ ḅẹẹ, “Minji kẹ wa pịrịị, wa ḅuu.” Mozizi nwẹnị pakịrị tẹ ịn ḅẹẹ, “Ó tiegotẹ ị̀ ḅụụ si ḍọkịarị? Ó tiegotẹ KỊNỊNYANAḄỌ ḅe daaḍikiarị.”

Paka-so 23:21

Ọmịnị ò ḍikiḍiki mẹnjị tẹ ò ḍuko ye mịẹ, ọ́ sịḅị-kụrọma ọ̀ pịrị ma, kẹ gotẹ ọkọ ḅẹẹarị, ọmịnị oloko kan ọ̀ wẹrịso ọ́ pịrị ḅịa gbala ị̀ ẹrẹ ọ̀ ḅụụ emi ẹrẹsị.”

Ayịzaya 48:8

À nimim mịnẹ anie ḅioḅẹngbọ kẹ ḅụụ ḅụ gbana ḅẹ ḅọ-a, anie sakị mamgba kịnị kọngọ-kụrọ ḅọ ḅara kẹ ì nimi tẹ mẹ. Anie ẹrẹsị gbala-gbala mie mamgba ị́ naa-a, anie ẹrẹsị anị ḅẹ ẹkwẹn gbọrụmgbọ-sọ ḅo ị́ aḅeri laa-a.

Jerimaya 11:10

Ịn pịkị ịna elemu aḍapụ ma asi ma da tẹ ọḅụ kẹ ì gbin tẹ, anie ḍụkụ tẹ à ḍuko ye mịẹ-a apụ ma in sunsin oru-atamụnọ pịrịm. Ini maa apụ ma, Izirẹlị na Juda na, à kẹ ịna elemu aḍapụ ma na fị ọḅọkụ mẹ kan tẹ.

Jerimaya 32:30

Izirẹlị na Juda na ḅẹ apụ ma ḅẹ tarị suku ḅụ saakị kụra ḅio ini ì ḅioḅẹngbọ sima tẹ ị̀ ịganịma tẹ ịn mịẹ tẹ aị ḅụ.

Jerimaya 44:9

Juda ḅẹ ama ma ḅio na, Jeruselemu etela-ogbo ma ḅụ na ọmịna elemu-aḍapụ na. Juda ḅẹ amadapụ ma na ịna ereme na, ọmịnị na ọmịna tapụ na mịẹ tẹ si-sịḅịḅio amịẹaị ma ọ́ kẹ ḅioḅọrọma tẹ?

Izikẹlị 20:13

Kụma ịkpa mẹ ḅio kịngẹ sọ ini ị̀ na pikiam. Ini ì oloko ma kan tẹ à tọn-koroma-aị ma sịkịm, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma. In ye-kọnma ḅara kẹ Ịnyọsara-Ene mẹ simam. À tẹlẹmam ịn mịẹ tẹ ini ị̀ ịganị mẹ kụrọ laa ḅara laa ḅara da anịanga ịkpa mẹ ḅio tẹ in guluguluma.

Izikẹlị 20:43

Anịtẹso ọ́ kẹ ḅiokoroma ḅa tọrụ-tuu amịẹaị mamgba tẹ ọ́ mịẹ tẹ aị ma na ọ́ wẹrịtẹ ọmịna aḅụụ pilematẹ ḅara na. Ọmịnị ọmịna aḅụụ ḍiki sịḅị-ngụngụn ḅa, ọ́ mịẹ tẹ si-aị mamgba ẹrẹsị.

Izikẹlị 20:8

Kụma ini ị̀ na pikiya tẹ ḍụkụ tẹ ị̀ ḅịḅịpoki-a. Ịna sịḅị-ngụngụnma oru-afụḅara ma ịn kẹ wakị-nguma-a, anịanịa Ijiputi ḅẹ atamụnọ ma ḅụ ḅara-siin. À tẹlẹmam anịanga Ijiputi mẹ ḅụ ị̀ ịganị ḅẹ kụrọ laa ḅara laa ḅara kẹ ịna ọgọnọ sara tẹ anị ini ịnọ.

Izikẹlị 36:31

Ọmịnị ọmịna si-yemịẹ-ḅara mẹ na iri-aị ma na inoma aị tẹ ọ́ mịẹ tẹ aị ma na kẹ ḅiokoroma ḅa, tẹ ọmịna aḅụụ ọmịna sịḅị-ngụngụnma ḅa, ọmịna asi ma na inoma aị ma na ẹrẹsị.

Kịẹn-aḅịḅị 11:4

Mịọkụ kịrị-kịrị anga ḅẹ atomi ogbo tẹ ịna ogbo-ḅio simearị apụ ma kụrọ ye ḅii lamam tẹ Izirẹlịapụ ma sọ pịkị siin tẹmẹ-la ḅara kẹ owu tẹ ḅẹẹm, “yei, mimgbe wa nama nyana tẹ pẹị ḅẹ namịna!

Kịẹn-aḅịḅị 14:22

tomi ma tẹ ì ebube mẹ na, ị̀ elekima ma tẹ arị Ijiputi ḅụ na, ịkpa mẹ ḅio na kọrị aị ma ẹrị, tẹ anịsọ mịna oyi asakị ma kẹ ị̀ daaḍiki, tẹ ị̀ pọkọ poki tẹ mịẹ-a apụ ma ḅẹ gbọrụḅọ sọ,

Kịẹn-aḅịḅị 17:10

KỊNỊNYANAḄỌ ḅe nwẹnị Mozizi ḅẹẹ, “Erọnị mkpara mẹ pịkịma mu Ọḅọkụ-Igbe mẹ tọrọkọ koromaa, mịẹtẹ anị elekima sọ ḅara kẹ sime sịḅị-kụrọtẹ apụ ma pịrị, mịẹtẹ ọmịnị ịn kọọn ị̀ pịrịarị ịna mbụrụmbụrụ ma kunoma ḅarị ḅara, anieofori ịn ḅofa fịị.”

Kịẹn-aḅịḅị 21:5

Tomi ma nwẹnị Tamụnọ na Mozizi na tụḅụrụ ẹkwẹn kọn, “Í tiegotẹ Ijiputi ḅụ wa pakama-ḅo tẹ kẹ ịkpa mẹ ḅio ḅaa ḅẹ ḅo? Kẹ gotẹ ọkọ ḅẹẹarị, fịye ofori, minji pịkị ofori, anịsakị wa pịkị mie ye ḅụ ofori fịye mẹ ḍiki-ḅioḅuarị.”

Kịẹn-aḅịḅị 25:2

Mịna aị ma nwẹnị Izirẹlị ḅẹ atomi ma sịn, sịn mu ịna agbamịẹ oru-atamụnọ pịrị ḅụ suu, tẹ tomi ma nwẹnị fịaị ma fị tẹ sịḅị-tuu ịna oru-atamụnọ pịrị.

1 Kọrịntị 15:9

À gotẹ ọkọ ḅẹẹarị, fịrịmẹnjịapụ mamgba ḅụ yẹrị iderima tẹịnm, sụntẹ à kẹ ḅaa-ḅọkọ kẹ Tamụnọ sọsị mẹ ḍọkị ḅara ḅụ fịrịmẹnjịḅọ kẹ ị̀ sịn sọ na-iḅi-a.

Ẹfisọsị 2:11

Ọmịnị Ja asịẹ ḅẹ apụ ma, ọmịnị iyi ḅara ḅụ — Juu-ḅẹ-apụ ma kẹ ọ́ sịn-arị ye anie, “tarị-ḅụụ sin-a apụ”, tẹ nwẹnị “tarị-ḅụụ sin apụ” kẹ ịna aḅụụ sịn-arị (anie tomi kẹ ịna ameni-oju ma mịẹarị ye gboloma ye) — ọ́ ḅọrọ tẹ sakị ḅụ ó sime-ḅara kẹ ḅiokoromaa.

Ditẹrọnọmị 31:27

Kẹ gotẹ ọkọ ḅẹẹarị, arị ọ́ sịḅị-kụrọ la ḅara na, ọ́ kịnị na kura-a la ḅara na, nimi wararị; ḍikii, mịmgba à paa ḍumo tẹ ọmịnị na sime wararị sakị ḅụ sọ ọ́ sịḅị-kụrọma KỊNỊNYANAḄỌ ḅe pịrị tẹ, à fịtẹ so sakị, anị tọ-ḅara la ḅara kẹ ḅaka ḅa!

Ditẹrọnọmị 8:2

Ọmịnị etela mẹmgba tẹ KỊNỊNYANAḄỌ ọmịna Tamụnọ ḅe mịna kụra amesi ma ḅụ ịkpa mẹ ḅio, mịẹtẹ ọ́ ḅụụ-kpoo ḅẹ ḅara, kẹ ọ́ daaḍiki tẹ ọmịna ḅioḅẹngbọ ḅụ sime ye nimi, ọmịnị ori oloko ma koko ḅarị ḅoto, anịanịa ó koko ḅịa, tẹ ori tọrọkọ tarị ọ́ pịrị etela ma kẹ ḅiokoroma ḅa.

Ditẹrọnọmị 9:24

Ene mẹ tẹ à saakị ọ́ nimi kụra-ḅio ọ́ sịḅị-kụrọma KỊNỊNYANAḄỌ ḅe pịrịarị.

Ditẹrọnọmị 9:4

KỊNỊNYANAḄỌ ọmịna Tamụnọ ḅe ọmịna tọrọkọ in sukuruma pakama tẹ so so, ọmịnị ọmịna ḅioḅẹngbọ ḅụ ḅẹẹ ma: Ị̀ karakara mie KỊNỊNYANAḄỌ ḅe kẹ ì ọkị-ḅo su ye à ḅo mị ama mẹ nyana kụma mịna opu asịẹ ma si sịḅịḅio mie KỊNỊNYANAḄỌ ḅe gotẹ ọmịna tọrọkọ ịn dee pakamarị ye.