Ditẹrọnọmị 9:6 - FỊAFỊA BAỊBỤLỤ

⁶ Anịẹrẹsị ó nimi mịnẹ KỊNỊNYANAḄỌ ọmịna Tamụnọ ḅe ọmịna karakara gotẹ mị iḅi ama mẹ kẹ ọ́ nyana ḅẹ tẹ ọ́ pịrị-a, kẹ gotẹ ọkọ ḅẹẹarị, ọmịnị anie kịnị na kura-a atomi.

Ditẹrọnọmị 9:6 Iomraidhean Croise

2 Paka-aị 30:8

Mịọkụ ọ́ ḅarị kọngọ kuroma ma, ọmịna ḍapụ ma wẹrịtẹ sime-ḅara, kụma ọmịnị ọmịna aḅụụ sịkị KỊNỊNYANAḄỌ ḅe pịrịị, tẹ ọ̀ fịafịa yọ ḅoo, anịanga mẹ tẹ ọ̀ mịẹ fịafịama gbamaso tẹ anga mẹ, tẹ fịrịmẹnjị KỊNỊNYANAḄỌ ọmịna Tamụnọ pịrịị, mịẹ tẹ ọ̀ ḅalafama ịganị mẹ ọmịna ḅụụ ḅụ pịkị so ḅe ḅara.

2 Paka-aị 36:13

Ọ̀ nwẹnị pịkị sịḅị kụrọma Amadaḅọ Nebukadineza tẹ ọ̀ mịẹ tẹ ọ̀ Tamụnọ ḅụụ ye karị ḅo ḅe pịrị; ori ọ̀ kọngọ kụrọma tẹ ò ḅioḅẹngbọ kụrọma pịkị KỊNỊNYANAḄỌ Izirẹlịapụ tẹkẹarị Tamụnọ ḅe pịrịm.

Devidi-Anume 78:8

Ini ịna elemu aḍapụ ma kịka ḅịa ḅara, anie kọngọ kụrọma na ḅịḅịpoki-a na atomi ma, gbala-gbala Tamụnọ kẹ ḅiokpọma kuroma-kuroma-a apụ ma, tẹ ḅioḅẹngbọ-kẹ-sịrẹrẹ-niḅi ḅara kẹ koro-sime ọ̀ pịrị-a apụ ma.

Paka-so 32:9

KỊNỊNYANAḄỌ ḅe nwẹnị Mozizi ḅẹẹ, “Ḍikii, mịna atomi ma arị ini ẹrị tẹ, inima anie kọngọ kụrọtẹ atomi.

Paka-so 33:3

Ọ́ saakị ḅụụ-ḅẹlẹmatẹ iḅiọkụma fịye so-pakamarị amakiri mẹ muu; kụma àrị ọmịna ogbo-ḅio sime tẹ ọmịnị na mu ḅịa, anieofori à ḅofa ọ́ ḅaa fama etela mẹ ḅụ, kẹ gotẹ ọkọ ḅẹẹarị, ọmịnị anie kọngọ kụrọtẹ atomi.”

Paka-so 34:9

tẹ ọ̀ nwẹnị ḅẹẹ, “Yei KỊNỊNYANAḄỌ à nwẹnị mịọkụ í ḍiki-tọrụ ḅụ ị́ ḅụụ-ḅẹlẹarị ḅẹḅẹ, yee KỊNỊNYANAḄỌ ḅe wamịna ogbo ḅio sọ-mu, arị ị́ tẹkẹm, wamịnị kọngọ-kụrọtẹ atomi ḅẹsọ; tẹ wamịna mịẹ-irima na, wamịna si na wẹrịsoo, tẹ wa ọkị ị́yẹrị nyana apụ sọmaa.”

Izikẹlị 2:4

Ini ma anie ḍukoye naa-a apụ, tẹ ị̀ mangịma-a, mie ḅụ yẹrị ị́ kẹ fịrịmarị, ḍuko ịn pịrị yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḍuko ịn pịrịarị ye mẹ.

Izikẹlị 20:44

Àrị ị̀ kụn wẹrị kpaịnma ḅẹ ẹrẹsị ye mị sakị, ọmịnị Izirẹlịapụ ma nimi ḅa mịnẹ yẹrị anie KỊNỊNYANAḄỌ ḅe, àrị ọmịna si-sịḅịḅio si amịẹaị ma gbẹẹ ḅara kẹ ọmịnị na mịẹ-a ẹrẹsị.” Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.

Izikẹlị 36:22

“Mịọkụ ọkọ ẹrẹsị, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe nyana Izirẹlịapụ ma pịrị oku mẹ kẹ ịn pịrịị: ‘À mịẹ ḅẹ-yearị ye mẹ arị ọmịnị Izirẹlị ḅẹ apụ ma gotẹ mịẹ-a, kụma ị̀ fịafịa ẹrẹ gotẹ, anie ó mu sịẹ-sịẹ ma ḅụ ọmịnị anị tọrụ-tuu tẹ ye mẹ.

Fịrịmẹnjịapụ 7:51

Sitivini paa ẹkwẹn ma mu tẹ ḅẹẹm, “Ọmịnị kpọma sịḅịḅio kụrọtẹ atomii! Ọmịna aḅioḅẹngbọ ma oru nimi apụ aḅioḅẹngbọ sime-ḅara simem, anie mịẹ ẹrẹsị ó ḅeri-iningima Tamụnọ oku mẹ pịrịm. Ọmịna atẹngịapụ ma sime gbọrụ ḅara mẹ mie ọmịnị sọ simearị ḅara. Sakị mamgba ọmịnị sọ Fịafịa Tẹmẹ ḅe dasịẹma tẹ!

Ditẹrọnọmị 10:16

Anịẹrẹsị ọmịnị ọmịna ḅioḅẹngbọ ḅẹ tarị ḅụụ mẹ sin tẹ ḅarị jen-maaịn kẹ kịnị na kura-a ḅara sime ma.

Ditẹrọnọmị 3:18

Anịsakị mẹ ḅụ à tọn ịn pịrị tẹ ḅẹẹm: KỊNỊNYANAḄỌ wamịna Tamụnọ ḅe mị ama mẹ kẹ ó pịrị tẹ ọmịnị anị nyana-a; ọmịna owu-akọnịapụ mamgba owu aị kẹ ḅụụ-tẹlẹma tẹ ọmịna amịnapụ Izirẹlịapụ ma tọrọkọ tarị saḅa-ḅọrọ ḅa.

Ditẹrọnọmị 31:27

Kẹ gotẹ ọkọ ḅẹẹarị, arị ọ́ sịḅị-kụrọ la ḅara na, ọ́ kịnị na kura-a la ḅara na, nimi wararị; ḍikii, mịmgba à paa ḍumo tẹ ọmịnị na sime wararị sakị ḅụ sọ ọ́ sịḅị-kụrọma KỊNỊNYANAḄỌ ḅe pịrị tẹ, à fịtẹ so sakị, anị tọ-ḅara la ḅara kẹ ḅaka ḅa!

Ditẹrọnọmị 9:13

KỊNỊNYANAḄỌ ḅe nwẹnị pịkị siin ị̀ ḅẹẹ: Mịna atomi ma àrị ịn ẹrị tẹẹ, anịsakị ḍikii, ini anie kịnị na kura-a tomi.

Ditẹrọnọmị 9:24

Ene mẹ tẹ à saakị ọ́ nimi kụra-ḅio ọ́ sịḅị-kụrọma KỊNỊNYANAḄỌ ḅe pịrịarị.