Ditẹrọnọmị 9:5 - FỊAFỊA BAỊBỤLỤ

⁵ Ọmịna karakara, anịanịa ọmịna ḅioḅẹngbọ ḅụ ọ́ kọn karakara ḍumo gotẹ ọ́ sọ ịna ama mẹ nyana ḅẹ mu-a; kụma mịna opu asịẹ ma si-sịḅịḅio mie KỊNỊNYANAḄỌ ọmịna Tamụnọ ḅe gotẹ ọmịna tọrọkọ in dee pakamarị ye, mịẹtẹ ẹkwẹn mẹ tẹ KỊNỊNYANAḄỌ ḅe ye karị ḅara kẹ kọn ọmịna aḍapụ Ebira-amụ pịrị, Ayịzịkị pịrị, Jekọbụ pịrị ẹkwẹn mẹ ori anị mịẹ kụrọma ḅẹ ḅara.

Ditẹrọnọmị 9:5 Iomraidhean Croise

Suku-saakị 12:7

Anịtẹso KỊNỊNYANAḄỌ ḅe nwẹnị ḅụụ pakama Ebiramụ ḍie tẹ ḅẹẹ, “ị́ ḅụụ ḅụ paka-ḅo apụ mie à mị ama mẹ kẹ pịrị ḅarị ye” Mie ḅụ ọ̀ nwẹnị gbọrụ agbamịẹ-anga nama kẹ KỊNỊNYANAḄỌ ḅe tẹ ḅụụ pakama ò ḍie ḅọ ḅe pịrị.

Suku-saakị 13:15

kẹ gotẹ ọkọ ḅẹẹarị, kiri mẹ tẹ ị́ tọrụngbọ kẹ ẹrị anga mamgba à kẹ ị́yẹrị na, í furo-ḅẹ-apụ na pịrị gbamaso ḅa.

Suku-saakị 15:16

Inia ḅụọ-ḅẹ-atomi karama apụ ḅụ mie ịn pịkịma mịanga ḅo ḅarịye kẹ gotẹ ọkọ ḅẹẹarị, Amọrayịtị apụ ma amụ ịn mịẹarị iri-aị ma mịẹ karama-a ẹrẹsị.”

Suku-saakị 15:7

Anịtẹso ọ̀ nwẹnị ọ̀ ḅẹẹ, “Yẹrị anie KỊNỊNYANAḄỌ ḅe tẹ Babịlonịya ḅẹ opu ama Họ ḅụ ị́ pakama-ḅo ḅọ, mị ama mẹ kẹ ị́ pịrị nyana ḅẹ ẹrẹsị.”

Suku-saakị 17:8

Anịsakị ọmịnị igoni ḅara kẹ angarị ama mẹ, Kenanị ama mẹmgba à kẹ ị́yẹrị na, ị́ ḅọrọ tẹso, í furo-ḅẹ-apụ na pịrị ḅa, anị nyana gbamaso ḅara ḅụ, tẹ arị ịna Tamụnọ sọ ḅa.”

Suku-saakị 19:29

Tamụnọ tụndụ ogboku ḅẹ opu ama ma ḅaa guluguluma sakị mị-ḅara mie anị sime-ḅara; Tamụnọ Ebira-amụ kẹ ḅiokoromam, tẹ Lọtị fịrịma pakamam ḅaa fama mẹ ogbo-ḅio ḅụ, ori opu ama ma tẹ Lọtị anga sime opu ama ma ḅaa fama sakị.

Suku-saakị 26:4

À mịẹtẹ í furo-ḅẹ-apụ kama tẹ So-tọrụ ḅẹ alolia ma ḅin ḅara ḅin ḅa; tẹ mịna ama mamgba kẹ í furo-ḅẹ-apụ pịrị ḅa; anịsakị í furo-ḅẹ-apụ ḅụụ ḅụ tomikiri mẹ ḅẹ opu asịẹ mamgba ḅọrọ tẹ boma nyana ḅa,

Suku-saakị 28:13

KỊNỊNYANAḄỌ ḅe anị ọgọnọ-jụ akaka ḅụ sịẹsime tẹ nwẹnị ḅẹẹ, “Yẹrị anie KỊNỊNYANAḄỌ ḅee, ị́ aḍapụ Ebira-amụ na Ayịzịkị na sịḅị-tuu pịrị Tamụnọ ḅe; kiri mẹ tẹ ị́ ḅọlọlọ simearị anga mẹ à kẹ ị́yẹrị na, ị́ furo-ḅẹ-apụ na pịrị ḅa;

Paka-so 32:13

Ị́ afịrịmẹnjịapụ Ebira-amụ na, Ayịzịkị na, Izirẹlị na kẹ ḅiokoromaa, inima tẹ ị́yẹrị ḅioju ḅarana ye karị ḅara kẹ ịn ḅẹẹm, À mịẹtẹ ọmịna furo-ḅẹ-apụ lolo-kama tẹ So-tọrụ ḅẹ alolia sime ḅara sime ḅa, anịsakị mị ama mẹ tẹ à minini ye mẹ, à kẹ ọmịna furo-ḅẹ-apụ pịrị ḅa, tẹ ini anị nyana gbamaso ḅa.’ ”

Izikẹlị 20:14

Kụma à mịẹ-a, anie anị ị̀ ẹrẹ sima ḅarị sakị goyegoye, sịẹ-sịẹ ma ogboku ḅụ anie àrị Ijiputi ḅio Izirẹlị tọrọkọ tarị tẹ ịn pakama-ḅoarị ye mẹ kẹ ị̀ ẹrị tẹ apụ ma.

Izikẹlị 36:22

“Mịọkụ ọkọ ẹrẹsị, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe nyana Izirẹlịapụ ma pịrị oku mẹ kẹ ịn pịrịị: ‘À mịẹ ḅẹ-yearị ye mẹ arị ọmịnị Izirẹlị ḅẹ apụ ma gotẹ mịẹ-a, kụma ị̀ fịafịa ẹrẹ gotẹ, anie ó mu sịẹ-sịẹ ma ḅụ ọmịnị anị tọrụ-tuu tẹ ye mẹ.

Izikẹlị 36:32

Izirẹlị, à ḅiiarị ó nimi mịnẹ àrị ọmịna asịḅị gotẹ mie-mẹmgba mịẹ-a. À ḅiiarị ọ́ mịẹarị aị ma ḅẹ ḅụụ-jịrị na tọrụ-tuu na ọmịna aḅụụ ịnọ. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.’ ”

Lẹvitikọsị 18:24

“Ọ́ mịna aị ma ḅụ ḅẹẹye-ḅẹẹye sọ kẹ ọmịna aḅụụ pilema ma, kẹ gotẹ ọkọ ḅẹẹarị, mịna aị mamgba ḅụ mie ọmịna tọrọkọ à kẹ wakị ngumarị opu asịẹ ma kẹ ịna ḅụụ pilema aị.

Lẹvitikọsị 18:25

Tẹ ama mẹ nwẹnị ḅo pilema, anie mịẹtẹ àrị anị ḅẹ iri-mịẹye mẹ fomum, tẹ ama mẹ anị ḅio anga apụ ma ọsụ pakamam.

Mayịka 7:20

Ị́ wẹrịtẹ kẹ iḅere-iḅerea kụra-ḅio wamịna atẹngịapụ karịma ḅara, ị́ í minini na, jike-a ḅẹlẹma na nyana ị́ atomi, Ebira-amụ ḅụụ paka-ḅo apụ ma na, Jekọbụ ḅụụ paka-ḅo apụ ma na pịrị ḅa.

Fịrịmẹnjịapụ 3:25

Ori ịkịankoroapụ ma ḅụ Tamụnọ ḅọrọ tẹ minini tomi pịrị aị ma sime ọ́ pịrịm, tẹ Tamụnọ ọmịna atẹngịapụ ma na fị ọḅọkụ mẹ ọmịnị sọ anị ḅụ ḍiekiri nyana wararị. Anie ori Ebira-amụ ḅẹẹ ḅara, ‘Ị́ furo-ḅẹ-apụ ḅụ mie à ḅọrọ tẹ tomikiri simearị atomi mamgba boma ḅarịye.’

Romu 11:28

Ini Iḅi Oku mẹ sịkịm ẹrẹsị ini Juu-ḅẹ-apụ ma ḅo Tamụnọ na fịya-a apụ sọ tẹ, ọmịnị Ja asịẹ ḅẹ apụ ma sịḅị ẹrẹsị. Tamụnọ ịna atẹngịapụ ma sẹlẹ-ọkị ye ḅụ in ḅo ori ikiapụ sọ tẹ.

Romu 15:8

À gbala mịẹ tẹ ó nimiarị mịnẹ Kịrayịsị ḅo kọn, kọrịnama kọrị ja apụ pịrị ḍumo mẹ, Juu-ḅẹ-apụ sịḅị mie ó gotẹ anị kọn ye, kẹ mịẹtẹ tomi ẹrị, mịnẹ Tamụnọ anie ḅioḅẹngbọ-kẹ-sịrẹrẹ-niḅi ḅọ; ọ̀ mịẹ tẹ ò minini ịna atẹngịapụ ma pịrị aị ma mịẹ tẹ aị sọ ḅẹ ḅara;

Ditẹrọnọmị 1:8

Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 12:31

Ọmịnị ọkọ kẹ sunsin KỊNỊNYANAḄỌ ọmịna Tamụnọ ḅe pịrị ma, kẹ gotẹ ọkọ ḅẹẹarị, tọn-tọnye tẹ KỊNỊNYANAḄỌ ḅe ḍiki-ḅioḅuarị ye goyegoye ịn mịẹ ịna oru-atamụnọ ma pịrị tẹ; kẹ gotẹ ọkọ ḅẹẹarị, ịna owiapụ-awọmẹ na, ịna eremịna-awọmẹ na sọ ịn fịnị ḅio dọkịma ịna oru-atamụnọ ma pịrị tẹ.

Ditẹrọnọmị 18:12

Kẹ gotẹ ọkọ ḅẹẹarị, mịna aị ma mịẹḅọ, mịẹḅọ KỊNỊNYANAḄỌ ḅe ḅụụ tọn-tọnye mịẹarị; anịsakị mịna tọn-tọn amịẹaị ma mie KỊNỊNYANAḄỌ ọmịna Tamụnọ ḅe kẹ ọmịna tọrọkọ ịn dee pakamarị ye.

Ditẹrọnọmị 18:9

Ọmịnị ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ḅio sọ-ḅo sakị, ọmịnị arị opu ama ma mịẹarị tọn-tọn amịẹaị ma ḍukamẹnjị ḅẹ ḍawọ ma.

Ditẹrọnọmị 20:18

mịẹtẹ ini ịna tọn-tọn amịẹaị mamgba, ịn wẹrịtẹ mịẹ-mịẹ ḅara mẹ kẹ ó toluma tẹ ọ́ mịẹ ḅịa ḅara, arị aị ma tẹ fịrịmẹnjị ịna oru-atamụnọ ma piri ḅụ ịn mịẹ tẹ aị ma, tẹ mị ḅara ḅụ KỊNỊNYANAḄỌ ọmịna Tamụnọ ḅe ḅụụ si mịẹ ḅịa ḅara.

Tayịtọsị 3:5

ọ̀ nwẹnị wa ḅọrọma. Wamịnị ḅarana mịẹ gbọrụ iḅi mịẹye sọ ẹrẹsị-a, kụma ori ọkụrụkụrụ ẹrẹsị ọ̀ wa ḅọrọmam, ọ̀ Fịafịa Tẹmẹ ḅe ḅụ, anie sin iyi na ịwọ ḍumo na kẹ wa pịrịarị ḅọ ḅe, wa sịkịrị ḅụ.