Ditẹrọnọmị 9:4 - FỊAFỊA BAỊBỤLỤ

⁴ KỊNỊNYANAḄỌ ọmịna Tamụnọ ḅe ọmịna tọrọkọ in sukuruma pakama tẹ so so, ọmịnị ọmịna ḅioḅẹngbọ ḅụ ḅẹẹ ma: Ị̀ karakara mie KỊNỊNYANAḄỌ ḅe kẹ ì ọkị-ḅo su ye à ḅo mị ama mẹ nyana kụma mịna opu asịẹ ma si sịḅịḅio mie KỊNỊNYANAḄỌ ḅe gotẹ ọmịna tọrọkọ ịn dee pakamarị ye.

Ditẹrọnọmị 9:4 Iomraidhean Croise

Suku-saakị 15:16

Inia ḅụọ-ḅẹ-atomi karama apụ ḅụ mie ịn pịkịma mịanga ḅo ḅarịye kẹ gotẹ ọkọ ḅẹẹarị, Amọrayịtị apụ ma amụ ịn mịẹarị iri-aị ma mịẹ karama-a ẹrẹsị.”

Izikẹlị 36:22

“Mịọkụ ọkọ ẹrẹsị, yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe nyana Izirẹlịapụ ma pịrị oku mẹ kẹ ịn pịrịị: ‘À mịẹ ḅẹ-yearị ye mẹ arị ọmịnị Izirẹlị ḅẹ apụ ma gotẹ mịẹ-a, kụma ị̀ fịafịa ẹrẹ gotẹ, anie ó mu sịẹ-sịẹ ma ḅụ ọmịnị anị tọrụ-tuu tẹ ye mẹ.

Izikẹlị 36:32

Izirẹlị, à ḅiiarị ó nimi mịnẹ àrị ọmịna asịḅị gotẹ mie-mẹmgba mịẹ-a. À ḅiiarị ọ́ mịẹarị aị ma ḅẹ ḅụụ-jịrị na tọrụ-tuu na ọmịna aḅụụ ịnọ. Yẹrị Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ọkọ ḅẹẹm.’ ”

Lẹvitikọsị 18:3

Ọmịnị Ijiputi ama ḅụ ịn mịẹ ḅara mịẹ ma, ọmịnị anga sime anga mẹ, anịsakị ọ́ pịkị Kenanị ama mẹ tẹ arị ọmịnị ọkị-ḅo koromarị ama mẹ ḅụ ịn mịẹarị ḅara mịẹ ma. Ọmịnị ịna kẹẹtẹ oloko ma ḍiki mẹnjị ma.

Romu 11:20

Ọkọọ. In minini nyana-a mie in gotẹ ini anyịma sin ye, anị kụma ọmịna minini mie pịkị ọ́ kẹ kiri ḅụ wẹrị ye. Kụma ọmịnị anị kẹ opu amịẹaị mịẹ ma; anie nakara ọ́ ḅalafaa.

Romu 11:6

Ò ḍiki-ḅụụjịrị ḅụ ori ịn sẹlẹ-ọkịm, ịn kọrị kọrịnama ḅụ-a. Tamụnọ kọrịnama ḍiki tẹ ịn sẹlẹ-ọkị namịna, ḍiki-ḅụụjịrị ḅarị ḍiki-ḅụụjịrị-a.

1 Kọrịntị 4:4

Ị̀ tẹmẹ ḅioḅẹngbọ fịafịa wararị, kụma anie fie-a mịnẹ ị́yẹrị si-ḅọa. KỊNỊNYANAḄỌ ḅe mie ḅarana ḍiki tẹ ị̀ kọn ḅarịye.

1 Kọrịntị 4:7

Tụḅọ ị́ mịẹtẹ í iḅi ja apụ nẹngị ḅọ sọ? Ị́ nyana aị ma ḅụ Tamụnọ kẹ ị́ pịrị-a ye emi? Nwẹnị ọkọ kụma ndẹẹ ị́ kẹ inetẹ ḅụụ-boma ḅẹ ḅara, gbala ị́ nyana ye mẹ ḍiepịrịye-a ye ọkụ?

Ditẹrọnọmị 12:31

Ọmịnị ọkọ kẹ sunsin KỊNỊNYANAḄỌ ọmịna Tamụnọ ḅe pịrị ma, kẹ gotẹ ọkọ ḅẹẹarị, tọn-tọnye tẹ KỊNỊNYANAḄỌ ḅe ḍiki-ḅioḅuarị ye goyegoye ịn mịẹ ịna oru-atamụnọ ma pịrị tẹ; kẹ gotẹ ọkọ ḅẹẹarị, ịna owiapụ-awọmẹ na, ịna eremịna-awọmẹ na sọ ịn fịnị ḅio dọkịma ịna oru-atamụnọ ma pịrị tẹ.

Ditẹrọnọmị 31:27

Kẹ gotẹ ọkọ ḅẹẹarị, arị ọ́ sịḅị-kụrọ la ḅara na, ọ́ kịnị na kura-a la ḅara na, nimi wararị; ḍikii, mịmgba à paa ḍumo tẹ ọmịnị na sime wararị sakị ḅụ sọ ọ́ sịḅị-kụrọma KỊNỊNYANAḄỌ ḅe pịrị tẹ, à fịtẹ so sakị, anị tọ-ḅara la ḅara kẹ ḅaka ḅa!

Ditẹrọnọmị 8:17

Ọmịnị ọmịna aḅụụ ẹbị, ó ḅofa ọmịna ḅioḅẹngbọ ḅụ ḅẹẹ: Ị̀ kụrọ na, ị̀ ḅara ḅẹ ịnyọ na ḅụ à mị ngọ mẹ kọnm.

Ditẹrọnọmị 9:24

Ene mẹ tẹ à saakị ọ́ nimi kụra-ḅio ọ́ sịḅị-kụrọma KỊNỊNYANAḄỌ ḅe pịrịarị.

Ditẹrọnọmị 9:5

Ọmịna karakara, anịanịa ọmịna ḅioḅẹngbọ ḅụ ọ́ kọn karakara ḍumo gotẹ ọ́ sọ ịna ama mẹ nyana ḅẹ mu-a; kụma mịna opu asịẹ ma si-sịḅịḅio mie KỊNỊNYANAḄỌ ọmịna Tamụnọ ḅe gotẹ ọmịna tọrọkọ in dee pakamarị ye, mịẹtẹ ẹkwẹn mẹ tẹ KỊNỊNYANAḄỌ ḅe ye karị ḅara kẹ kọn ọmịna aḍapụ Ebira-amụ pịrị, Ayịzịkị pịrị, Jekọbụ pịrị ẹkwẹn mẹ ori anị mịẹ kụrọma ḅẹ ḅara.

Ditẹrọnọmị 9:7

Ọ́ sịḅị-kụrọma kụrọma KỊNỊNYANAḄỌ ḅe pịrịm ọmịnị Ijiputi ḅẹ ama ḅio paka-ḅo ene, nwenii ó ḅo mịanga la sakị la, ọ́ kẹ ịkpa mẹ ḅio KỊNỊNYANAḄỌ ọmịna Tamụnọ ḅe ịganị sịn saakị tẹ ori ịganị ḅara kẹ ḅiokoroma tẹ anị kẹ ḅioḅọrọma ma.

2 Timoti 1:9

Ori wa ḅọrọma tẹ wa sịnm wa ori atomi sọọ, wamịna kọrịnama ḅụ-a, kụma ori tọn ḅara na ó ḍiki-ḅụụjịrị na ẹrẹsị. Kịrayịsị Jizọsị ḅụ mie ọ̀ ḅọrọ tẹ mị ḍiki-ḅụụjịrị mẹ kẹ wa pịrị ye, tomikiri mẹ amụ tẹmẹ-a kụra-ḅio,