Ditẹrọnọmị 9:2 - FỊAFỊA BAỊBỤLỤ

² Ḍụḅatẹ gele-geletẹ atomi, ḍụḅa tomi nẹngị-nẹngịtẹ atomi ma owiapụ-awọmẹ inima tẹ ọmịnị sọ nimi wararị apụ ma, inima tẹ ó naam, anị mẹẹ: Tụḅọ inetẹ Enakị owiapụ-awọmẹ ma tọrọkọ sịẹ ḅẹ? kẹ ḅẹẹ apụ ma.

Ditẹrọnọmị 9:2 Iomraidhean Croise

Jobu 11:10

Ọ̀ nwẹnị ḅọ ḅọrọ tolu, tẹ ị́ kẹ ikoli suu tẹ ḅẹrẹkọn sịn kụma, tụḅọ inetẹ ọ̀ dasịẹma ḅẹ?

Paka-so 9:11

Tẹ ọpọpọlị ma gotẹ majịkị-mịẹapụ ma ḅarị inetẹ Mozizi tọrọkọ sịẹsime-a, gbala ọpọpọlị ma majịkị-mịẹapụ ma na, Ijiputi-ḅẹ-apụ mamgba na ọgọnọ paka sara wararị ẹrẹsị.

Danẹlị 11:16

Ama ọkị ḅẹ ḅo Siriya ḅẹ ḅọ ḅe ịn kẹ ọ̀ ḅụụ-ḅẹlẹ-ḅẹlẹ ḅara mịẹ ḅa, ini ori na kuḅu dama-a ḅara ḅụ. Ori nwẹnị Minini pịrị Amakiri mẹ ḅụ sịẹsime tẹ gbọrsịḅị anị ḅụ kụrọ nyana ḅa.

Danẹlị 8:4

À Kireinma ḍiki tẹ ẹrịm ejimina ḅe ori ịfalị ma kẹ ịrụa-ideriarị-anga mẹ, ọgọnọ-jụ mẹ na abajị-suku na dam. Ọ̀ dasịẹma ḅẹ gbọrụ nama ofori anịanịa ọ̀ kụrọ ḅụ pụkọ-so. Ọ̀ ḅụụ-ḅẹlẹye-ḅẹlẹye mie ọ̀ mịẹ tẹ pịkị opu aị ẹkwẹn-ẹkwẹn sara ye.

Emọsị 2:9

“Tẹ anịsọ, ị̀ atomi, ọmịna asịḅị mie à gotẹ Amọnị ḅẹ apụ ma ḅaa siin yee anie, sida sịn-arị sịn sịẹ gele ḅara kẹ geletẹ pịkị oku nwẹn-sịn asịn kụrọ ḅara kẹ kụrọ wararị apụ ma.

Nahọmụ 1:6

Tụḅọ inetẹ ye ọ̀ ḅụụ-ḅẹsọ tẹ ọ̀ tọrọkọ sịẹsime ḅẹ? Tụḅọ inetẹ ori ịganị mẹ ḅẹ ọfịrị mẹ inema ḅẹ? Ọ̀ kụrọ ịganị fịnị ọsụma paka ḅara pakam, tẹ ori ịkụ ma kẹ pakịrị-pakịrị puu-puu saram.

Kịẹn-aḅịḅị 13:22

Ịn tarị-tarị mẹnjị mu Kenanị suku-jụ lam, tẹ anịjụ ḅọrọ Hẹbụrọnị lam. Hẹbụrọnị ḅụ simearị apụ anie Anakị ḅẹ nonji-atomi ma: Ahimanị na, Sesahị na Talịmayị na — Hẹbụrọnị paka tẹ sọnọma akụra ḅọrọ tẹrẹmẹ Ijiputi ḅụ Zohanị pakam.

Kịẹn-aḅịḅị 13:28

Kụma tomi ma tẹ ama mẹ ḅio angarị apụ ma ini ịnyọ nyana wararị, anịsakị opu ama ma ḍụḅa-ḍụḅa lama wararị, tẹ ini ọmụ-aị kẹ arị mịẹ-mịẹ kụrọma wararị. Arị aị ma sikima, wa pịkị Anakị ḅụụ ḅụ paka-ḅo ḍụḅa-ḍụḅa tomi nẹngị-nẹngịtẹ nonji-atomi ma sọ ẹrịm anịanga.

Kịẹn-aḅịḅị 13:33

Anịjụ wa ịn kẹ Nẹfilimu sịn-arị apụ, anie Anakị owiapụ-awọmẹ tẹ gele-na-ḍụḅa-na tẹ apụ ẹrịm. Wa wamịna-aḅụụ ḍiki tẹ kẹ ini na tọnma sakị, wa ịkpakpa kịkam ịna aḅụụ. Anị ḅara anie ini sọ kẹ wa ẹrị ọkụ.”

Ditẹrọnọmị 1:28

Wa iwo tọ anga muarị? Wamịna amịnapụ mịẹ tẹ wamịna aḅioḅẹngbọ sanị tẹẹ. Ịn ḅẹẹm, “tomi ma ịn gburo-gburo na, gele na kẹ wa nẹngị wararị, opu ama ma ḍụḅa ḍụḅa wararị, tẹ ini ọmụ-aị kẹ arị mịẹ kụrọma mu so la wararị; anie sikima, wa anịjụ ḅụ nonji-atomi ma owiapụ ma ẹrị tẹẹ.”

Ditẹrọnọmị 2:21

tọnwa nonji-atomi tẹ ịn kẹ Anakimu sịn ḍụḅa tomi nẹngị-nẹngịtẹ apụ ma gele ḅara gelem, kụma KỊNỊNYANAḄỌ ḅe ịna tọrọkọ ḅụ ịn ḅaam, tẹ ịna aḅara ḅụ anị ọkị, tẹ ịna sime kiri ḅụ simem;

Ditẹrọnọmị 7:24

Ori ịna amadapụ kẹ ọmịna ḅara-ḅio ọ́ pịrị ḅa, tẹ ó so mẹ suku-ḅio ḅụ ịna ẹrẹ guluguluma fama ḅa; gbọrụ tomḅọ sọ inetẹ ọmịna kuḅu sịẹ ḅịa nwenii ọmịnị ịn ḅaa fama ḅa.

Jọsụwa 11:21

Jọsụwa nwẹnị anị sakị mẹ ḅụ ḅo tẹ ịn kẹ Anakimu sịn ḍụḅa tomi nẹngị-nẹngịtẹ apụ ma ọfịn sin tụndụ ọgọnọ ḅẹ opu sịẹ mẹ ḅụ anie Hẹbụrọnị ḅụ na, Dẹbaya ḅụ na, Anabụ ḅụ na, Juda ḅẹ tụndụ ọgọnọ ḅẹ opu sịẹ mẹmgba ḅụ na, Izirẹlị ḅẹ tụndụ ọgọnọ ḅẹ opu sịẹ mẹmgba na ḅụ, Jọsụwa ịkatakirikọn-a-ḅara kẹ ịn ḅaam tẹ ịna opu ama ma kẹ ini na sụa famam.

Jọsụwa 11:22

Izirẹlịapụ ma ama mẹ ḅio ịn kẹ Anakimu sịn ḍụḅa tomi nẹngị-nẹngịtẹ apụ ma ḅụụ gbọrụḅọ-sọ kọn-a, Gaza ḅio na, Gati ḅio na, Asịdọdị ḅio na ngẹrị mie kịnị kọn ye.

Jọsụwa 15:14

Kẹlẹbụ anịjụ ḅụ Anakị tẹra owiapụ-awọmẹ Sẹsayị na, Ayimanị na, Talịmayị na dee pakamam.