Ditẹrọnọmị 9:12 - FỊAFỊA BAỊBỤLỤ

¹² Anịtẹso KỊNỊNYANAḄỌ ḅe nwẹnị ị̀ ḅẹẹ: Saakịị! mịanga fọnya kuro soo, kẹ gotẹ ọkọ ḅẹẹarị, ị́ atomi inima tẹ Ijiputi ḅụ í ọkị-ḅo tẹ atomi ma ịn si ḅara kẹ ye mịẹ tẹ; etela mẹ tẹ à tọn ịn pịrị ye mẹ ḅụ ịn fọnya tọrụ-pịkị akaka da tẹ; in ye kịkama tẹmẹ amịna ḅụụ pịrị tẹ.

Ditẹrọnọmị 9:12 Iomraidhean Croise

Devidi-Anume 78:57

kụma ini ịna aḍapụ ma kịka tẹ kọngọ kụrọma tẹ sịḅị-tuu ọ̀ pịrị-a, kpịkịma-kpịkịmatẹ ḍiein tẹ tẹịnḅọ ḅiotọn anga da-mu mu-a ye ọkụ.

Paka-so 13:3

Mozizi nwẹnị tomi ma ḅẹẹ, “Ọ́ mị eneḅaka mẹ kẹ ḅiokoromaa — mị ene mẹ tẹ KỊNỊNYANAḄỌ ḅe ọ̀ ḅara ḅẹ ịnyọ ḅụ Ijiputi, ọmịnị omoni-sọ anga mẹ, ḅio ọ́ pakama-ḅo mị yọ mẹ lama ene mẹ. Sunmatẹ gbọrụ fịturu sọ ọ́ fị ma.

Paka-so 32:1

Tomi ma ẹrịm mịnẹ Mozizi tụndụ mẹ ọgọnọ ḅụ ḅarị kpekele ideri-ḅoa tẹso, ịn nwẹnị ịna aḅụụ kobiri gboloma tẹ Erọnị ḍọkụma-ḅo tẹ ọ̀ ḅẹẹ, “Saakịị, oru-atamụnọ tẹmẹ wa pịrịị, wa kẹ tọrọkọ sụn ḅẹ aị; ḅie Mozizi ḅe tẹ Ijiputi ama ḅụ wa pakama-ḅo ḅọ ḅe, ọ̀ ḅụụ paka tẹ ye wa nimi-a.”

Hosiya 6:4

Kụma KỊNỊNYANAḄỌ ḅe ḅẹẹarị, “Izirẹlị na Juda na, àrị ọ́ kẹ mịẹ ḅẹ-yearị ye tiye? Ọ́ nyana ị̀ pịrị ḅẹlẹma sarama soarị ḅara dede si-so kaan-so ḅara anị dede igirigi kịkarị anie dede-funfun ịmaịn-faarị ye mẹ.

Galesiya 1:6

Àrị ó gotẹ ḅụụ-buam! Gbọrụ sakị sọ ḅọrọ-a ḅara ḅụ ọ́ Kịrayịsị, ḍiki-ḅụụjịrị ḅụ ọ́ sịn ḅọ ḅe, sịkị tẹ jen iḅi-oku daa-ọkịarị.

Ditẹrọnọmị 31:29

Kẹ gotẹ ọkọ ḅẹẹarị, à nimi wararị mịnẹ, à fịtẹ so sakị ọ́ tụkụma ḅara ḅụ ó sime iḅi ḅara mẹ sima ḅara kẹ ye mịẹ ḅa; tẹ etela mẹ tẹ à tọn ọ́ pịrị ye mẹ ḅụ vuunma tọrụ pịkị akaka da ḅa; anịsakị ḅo ḅarị ene ma ḅụ siye ḅo ọmịna ọgọnọ gbana ḅa, gbala ọ́ KỊNỊNYANAḄỌ ḅe ḍiki-tọrụ ḅụ aniemẹ tẹ siye mịẹ ḅa ẹrẹsị, tẹ ọmịna aḅara ḅẹ kọrịnama ḅụ ori ịganị sịn saakị ḅa.

Ditẹrọnọmị 32:5

Ini ịn sime iḅi ḅara mẹ sima ḅara kẹ ori na mịẹ tẹ, ịna aḅụụ simearị ḅẹkụ gotẹ, ini ḅarị ori awọmẹ-a; ini anie karakaraye mịẹ-a, pịkị gbọrụ ḅụụ mu-a ḅụọ ḅẹ apụ.

Ditẹrọnọmị 4:16

ọmịnị ọmịna aḅụụ ẹbị anieofori ó ḅofa owiḅọ, anịanịa ẹrẹḅọ ḅẹẹye-ḅẹẹye kịkama ye tẹmẹ ọmịna aḅụụ pịrị ḅụ si mịẹ ḅara kẹ ye mịẹ,

Ditẹrọnọmị 5:15

Ọ́ kẹ ḅiokoroma mịnẹ ọmịnị anie omoniapụ Ijiputi ama mẹ ḅio, tẹ yẹrị KỊNỊNYANAḄỌ ọmịna Tamụnọ ḅe ì opu kụrọ na ị̀ ịnyọ na kẹ anịjụ ọ́ pakama-ḅom. Miemẹ gotẹ anie à tọn ọ́ pịrịarị ọmịnị Ịnyọsara-Ene mẹ kokoo.

Ditẹrọnọmị 9:16

À nwẹnị ḍiki tẹ ẹrị mịnẹ ọ́ KỊNỊNYANAḄỌ ọmịna Tamụnọ ḅe ḅụụ si mịẹ tẹẹ; ọmịnị asambịrịma nambulo tẹmẹ ọmịna aḅụụ pịrị tẹ; etela mẹ tẹ KỊNỊNYANAḄỌ ḅe tọn ọ́ pịrị ye mẹ ḅụ ọ́ fọnya tọrụ-pịkị akaka da tẹ.

Ditẹrọnọmị 9:26

Tẹ à nwẹnị KỊNỊNYANAḄỌ ḅe tẹkẹ: Yei KỊNỊNYANA-TAMỤNỌ, ị́ atomi tẹ ị́ kẹ ínye mịẹ tẹ apụ ma, inima tẹ ị́ í opu ḅụ pakịrị ọkị tẹ apụ ma, inima tẹ Ijiputi ḅụ ị́ kụrọ nyanatẹ opu ḅara kẹ ọkị-ḅo tẹ apụ ma ḅaa fama ma ị́ na.

Ditẹrọnọmị 9:29

Kẹ gotẹ ọkọ ḅẹẹarị, inima anie ị́ atomi, tẹ ị́ kẹ ínye mịẹ tẹ apụ ma, inima tẹ ị́ ị́ opu kụrọ na sụụn-paka tẹ ḅara-kọngọ na ḅụ pakama-ḅo apụ ma.

Judu 1:10

Kụma mịna apụ ma, anị ḅo ịn naa ḍin-a ye la tẹ ḅẹḅẹ wori anume mie ịn tan, tan sararị ye; tẹ in nimim nwẹn ḅẹẹ aị ma, piri-ḅio-ḅẹ anama ḅara mie ịn kẹ arị nimiarị ye, arị ḅo ịna ḅioḅẹngbọ sọ ḅara, sọ ḅara, tẹ ma aị ma mie pịkị in gulugulumarị aị ma.

Ḅẹrẹkọn-apụ 2:17

Anịsọ ini ịna ḅẹrẹkọn-apụ ma poki-a, gbala ịn sịḅị-tuu-tuu oru-atamụnọ ma pịrị sẹfị mẹnjị mẹ kọn-arị ẹrẹsị; ala-a sakị ḅụ ini etela mẹ tẹ ịna aḍapụ ma tẹ KỊNỊNYANAḄỌ ḅe tọn aị ma poki apụ ma mẹnjị tẹ ye mẹ ḅụ pịkị jen anga dam, tẹ ḅarị ọkọ mịẹ-a.