Ditẹrọnọmị 9:1 - FỊAFỊA BAỊBỤLỤ

¹ Yei Izirẹlị, ọ́ naa! mịmgba ọ́ mị Jodanị mẹ saḅa-ḅọrọ tẹ mu ḍụḅa ọ́ nẹngị pịkị ịnyọ nyana ọ́ nẹngị-nẹngịtẹ opu asịẹ ḅara ḅụ ịn nyana ye ọkị ḅẹ muarị, gburo-gburotẹ ini ọmụ gotẹ mịẹ kụrọma kụrọma mu so lama wararị opu ama ma.

Ditẹrọnọmị 9:1 Iomraidhean Croise

Suku-saakị 11:4

Anịtẹso ịn nwẹnị ḅẹẹ, “Ó ḅoo, yee wa gbọrụ opu ama nama wamịna-aḅụụ pịrị, na pịkị sịḅị mu so la tẹ gbọrụ kụrọtẹ gele-warị na, tẹ ẹrẹ nyana wamịna-aḅụụ pịrị, anieofori wa ḅofa bebe tomikiri tọrụ mẹ ḅụ gala-gala ọrụ-jụjụ da.”

Paka-so 32:1

Tomi ma ẹrịm mịnẹ Mozizi tụndụ mẹ ọgọnọ ḅụ ḅarị kpekele ideri-ḅoa tẹso, ịn nwẹnị ịna aḅụụ kobiri gboloma tẹ Erọnị ḍọkụma-ḅo tẹ ọ̀ ḅẹẹ, “Saakịị, oru-atamụnọ tẹmẹ wa pịrịị, wa kẹ tọrọkọ sụn ḅẹ aị; ḅie Mozizi ḅe tẹ Ijiputi ama ḅụ wa pakama-ḅo ḅọ ḅe, ọ̀ ḅụụ paka tẹ ye wa nimi-a.”

Danẹlị 4:11

Anị nwẹnị gele tẹ ịnyọ nyana, nwenii mu So-tọrụ la, tẹ ḅẹḅọ-ḅẹḅọ tomikiri mẹ ḅụ anị ẹrịm.

Emọsị 2:9

“Tẹ anịsọ, ị̀ atomi, ọmịna asịḅị mie à gotẹ Amọnị ḅẹ apụ ma ḅaa siin yee anie, sida sịn-arị sịn sịẹ gele ḅara kẹ geletẹ pịkị oku nwẹn-sịn asịn kụrọ ḅara kẹ kụrọ wararị apụ ma.

Kịẹn-aḅịḅị 13:22

Ịn tarị-tarị mẹnjị mu Kenanị suku-jụ lam, tẹ anịjụ ḅọrọ Hẹbụrọnị lam. Hẹbụrọnị ḅụ simearị apụ anie Anakị ḅẹ nonji-atomi ma: Ahimanị na, Sesahị na Talịmayị na — Hẹbụrọnị paka tẹ sọnọma akụra ḅọrọ tẹrẹmẹ Ijiputi ḅụ Zohanị pakam.

Kịẹn-aḅịḅị 33:51

“Izirẹlịapụ ma ḅẹẹ, ọ́ Jodanị mẹ saḅa-ḅọrọ tẹ mu Kenanị ḅẹ ama mẹ ḅio sọ sakị,

Ditẹrọnọmị 1:28

Wa iwo tọ anga muarị? Wamịna amịnapụ mịẹ tẹ wamịna aḅioḅẹngbọ sanị tẹẹ. Ịn ḅẹẹm, “tomi ma ịn gburo-gburo na, gele na kẹ wa nẹngị wararị, opu ama ma ḍụḅa ḍụḅa wararị, tẹ ini ọmụ-aị kẹ arị mịẹ kụrọma mu so la wararị; anie sikima, wa anịjụ ḅụ nonji-atomi ma owiapụ ma ẹrị tẹẹ.”

Ditẹrọnọmị 11:23

anịrẹ KỊNỊNYANAḄỌ ḅe ọmịna tọrọkọ mịna opu asịẹ mamgba dee pakama fama ḅa, anịsakị ọ́ ḍụḅa ọ́ nẹngị ịnyọ nyana ọ́ nẹngị-nẹngịtẹ opu asịẹ ḅara ḅụ ịn nyana aị ọkị ḅa.

Ditẹrọnọmị 11:31

Kẹ gotẹ ọkọ ḅẹẹarị, sọ-mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ ọkị nyana mẹ ọ́ Jodanị mẹ saḅa-ḅọrọ ḅa; tẹ ọmịnị anị nyana, tẹ anị ḅio anga sakị,

Ditẹrọnọmị 27:2

Anịsakị ọ́ Jodanị mẹ saḅa-ḅọrọ tẹ ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ la ene mẹ ḅụ, ọ́ ḍụḅa-ḍụḅatẹ aḍụḅarị saakị sịẹma tẹ ye-oḅoloye kẹ arị oḅolo ḅa;

Ditẹrọnọmị 3:18

Anịsakị mẹ ḅụ à tọn ịn pịrị tẹ ḅẹẹm: KỊNỊNYANAḄỌ wamịna Tamụnọ ḅe mị ama mẹ kẹ ó pịrị tẹ ọmịnị anị nyana-a; ọmịna owu-akọnịapụ mamgba owu aị kẹ ḅụụ-tẹlẹma tẹ ọmịna amịnapụ Izirẹlịapụ ma tọrọkọ tarị saḅa-ḅọrọ ḅa.

Ditẹrọnọmị 4:1

Izirẹlị, mịọkụ ọ́ kẹẹ wararị oloko ma na, kụrọ ḅara-ḅio sime apụ sụa ọ́ pịrị oloko ma na tẹ à kẹ ó toluma aị ma koko tẹ arị mịẹ; mịẹtẹ ó ḍumo tẹ mu KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ ḅara

Ditẹrọnọmị 4:38

ọmịna tọrọkọ ḍụḅa ọ́ nẹngị-nẹngịtẹ pịkị kụrọ ọ́ nẹngị-nẹngịtẹ gburo-gburotẹ opu asịẹ deearị, ọmịnị ọkị sọ-ḅo, tẹ ịna ama ma kẹ ọ́ pịrị tẹ ọ́ kẹ sime-anga mịẹ ḅẹ ḅara, anị wẹrịtẹ mịmgba ḅụ sime-ḅara.

Ditẹrọnọmị 6:10

KỊNỊNYANAḄỌ ọmịna Tamụnọ ḅe ọmịnị ọkị-ḅo ama mẹ tẹ ò ye karị ḅara kẹ minini ọmịna aḍapụ Ebira-amụ na, Ayịzịkị na, Jekọbụ na pịrịm ọ̀ kẹ ọ́ pịrị ḅẹ ama mẹ, gburo-gburotẹ, iḅitẹ opu ama ma tẹ ọmịnị nama-a ḅẹ ama ma ḅio suu sakị;

Ditẹrọnọmị 7:1

KỊNỊNYANAḄỌ ọmịna Tamụnọ ḅe ọmịnị ọkị-ḅo tẹ ama mẹ tẹ ọ́ sọ-mu anị ọkị nyana ḅẹ muarị ama mẹ ḅio suu, tẹ ọmịna tọrọkọ tọnwa opu asịẹ, Itayịti apụ ma na, Gagasayịtị apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na, gburo-gburotẹ, kụrọ nyana ọ́ nẹngị-nẹngịtẹ sọnọma opu asịẹ ọfịn sin sakị.

Jọsụwa 1:11

“Ó tomi ma ogbo ḅio mẹnjị tolu tẹ tọn ịn pịrị, ‘Ọmịnị ọ́ fị ḅẹ fịye ḍọkị wẹrịị, kẹ gotẹ ọkọ ḅẹẹarị, tẹra aḍin sakị ḅụ ọ́ mị Jodanị mẹ saḅa-ḅọrọ ḅa, tẹ mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrịm ọ́ nyana ḅẹ ama mẹ sọ-mu ḅa.’ ”

Jọsụwa 1:15

nwenii KỊNỊNYANAḄỌ ḅe ịnyọsara kẹ ọmịna amịnapụ na ọmịnị na pịrị ḅa, anịsakị ịn nwẹnị pịkị anị ama mẹ tẹ KỊNỊNYANAḄỌ ḅe kẹ ịn pịrịarị ama mẹ nyana ḅa; anịtẹrẹmẹ mie ọ́ pịkịma ọ́ nyana ama mẹ ḅo tẹ anị nyana ḅarịye, ama mẹ tẹ Mozizi KỊNỊNYANAḄỌ ḅe fịrịmẹnjịḅọ ḅe Jodanị saḅa-koro ḅụ kẹ ọ́ pịrị ama mẹ ịrụa-saakịarị-anga mẹ da mu anga ḅụ.”

Jọsụwa 14:12

Anieḅụ mịọkụ mị tụndụ ọgọnọ ḅẹ opu sịẹ mẹ kẹ ị̀ pịrị aniemẹ tẹ KỊNỊNYANAḄỌ ḅe anị ene mẹ ḅụ anị gboloma ẹkwẹn kọn ye mẹ; kẹ gotẹ ọkọ ḅẹẹarị, anị ene mẹ ḅụ ḍụḅa tomi nẹngị-nẹngịtẹ nonji-atomi anịjụ ọmụ gotẹ mịẹ kụrọma kụrọmatẹ opu ama ma ḅio sime-ḅara ị́ naam. Sosi-ọkụma KỊNỊNYANAḄỌ ḅe ị̀nịna sime tẹ à KỊNỊNYANAḄỌ ḅe ḅẹẹ ḅara ḅụ in dee pakama ḅa.”

Jọsụwa 3:14

Tomi ma Jodanị mẹ saḅa-ḅọrọ ḅẹ ḅara kẹ ịna akpụrụ-awarị ma ḅio saakị mẹnjị sakị, Ọḅọkụ-Igbe mẹ dogi agbamịẹapụ ma nwẹnị tomi ma tọrọkọ tarị.

Jọsụwa 3:16

ọgọnọ-jụ seri ideri-ḅoarị aminji ma nwẹnị ala-jụ ḅụ pẹlẹ tẹ tunduru sime, ịn kẹ Adamụ sịn opu ama tẹ Zarẹtani akaka simearị ye mẹ ḅụ. Anịsakị seri ideri Araba mẹ ḅẹ tọrụ mẹ na, Fụn Tọrụ mẹ na muarị aminji ma nwẹnị gbọrsịḅị pẹlẹ so; tẹ tomi ma Jeriko na dama-dama ḅụ saḅa-korom.

Jọsụwa 3:6

Jọsụwa nwẹnị agbamịẹapụ ma ḅẹẹ, “Ọmịnị Ọḅọkụ-Igbe mẹ dogi tẹ tarị tomi ma tọrọkọ ḅụ mẹnjị ḅọrọọ.” Tẹ ịn nwẹnị Ọḅọkụ-Igbe mẹ dogi, tẹ tomi ma tọrọkọ ḅụ mẹnjị mu.

Jọsụwa 4:19

Tarị akalụ mẹ ḅẹ oyi aḍin karama ene ḅụ mie tomi ma Jodanị mẹ ḅụ paka-ḅo ye, tẹ nwẹnị Giligalị ḅụ kobiri sime, Jeriko akaka ịrụa-saakịarị-anga mẹ ḅụ.

Jọsụwa 4:5

tẹ Jọsụwa nwẹnị ịn ḅẹẹ, “Ọ́ mẹnjị KỊNỊNYANAḄỌ ọmịna Tamụnọ ḅe Ọḅọkụ-Igbe mẹ tọrọkọ ḅọrọ Jodanị mẹ ogboku ḅụ, tẹ ọmịna aḅụụ gbọrụḅọ gbọrụḅọ gbọrụ ḍụḅarị ḍụḅarị dogi mḅọ apana ọgọnọ, Izirẹlị ḅẹ atomi ma afuro ma kịẹn-ḅịḅị wẹrịtẹ la ḅara.