Ditẹrọnọmị 8:7 - FỊAFỊA BAỊBỤLỤ

⁷ Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị ọkị-ḅo ḅuu-minji tụndụ ogboku na, tụndụ na ḅụ ngụngụḅa na, minji wara-warama sara tẹ tọnwa akuroro pakama wararị iḅi ama ḅio sụarị;

Ditẹrọnọmị 8:7 Iomraidhean Croise

Suku-saakị 49:11

Ori ori asambịrịma yedogi-nama kẹ kụrọ suku kpọm, Iḅitẹịn kụrọ mẹ suku ori ori owi asambịrịma yedogi-nama kpọm; Iru ḅio ori ori opu akapa sịkịrịm, Ọmbie awụ tọrụ ḅịya iru ḅio ori ọ̀ kapa sịkịrịm.

2 Amadapụ 18:32

nwenii à ḅo ọmịnị ọkị tẹ kẹ sọ-mu ọmịna ama mẹ pembe ama, tẹ sịnmgbọlị na, iru na, fịye na, kụrọ-aḍụọ na, olivu asịn na, ḅẹm na sime ama ḅụụ koroma ḅa, mịẹtẹ ó ḍumo ḅa, tẹ fịị ḅịa ḅara. Ọmịnị Hẹzịkaya poki ma ori ọmịna toluma irima ḅụ ḅẹẹ ḅa, KỊNỊNYANAḄỌ ḅe wa ḅọrọma ḅa.

Devidi-Anume 104:10

Ị́ mịẹ tẹ ngụngụḅa aminji ma ogilolo puu ideri-mu tụndụ ma ogboku ḅọrọarị, tẹ piri ọgọnọ ḅẹ atọrụ ma tụndụ ma ogboku mangị-ḅọrọarị.

Devidi-Anume 106:24

Anịtẹso ini iḅi amakiri mẹ sịkịm, ịn Tamụnọ minini ịn pịrịye mẹ minini-a ẹrẹsị.

Paka-so 3:8

Miemẹ gotẹ à kuro ḅo Ijiputi-ḅẹ-apụ ma aḅara ḅio ịn ḍụa pakama ḅa ḅo tẹẹ. Àrị in sakị pakama iḅitẹ wulala wararị sịẹ ḅo ḅa, anie ḅụụ-ḅẹlẹmatẹ iḅiọkụma fịye so-pakamarị amakiri mẹ. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.

Ayịzaya 36:17

nwenii tẹ Asiriya tomikiri mẹ daarị ḅọ ḅe ọ́ kẹ ọmịna amakiri mẹ kịka jen anga mu koroma ḅẹ sakị la, anị yọ kụrọ aḍụọ emi tẹ iru kẹ ọ́ pịrị ḅa, tẹ mbịaka pịkị emi tẹ ọ́ kẹ fịturu mịẹ ḅa.

Ayịzaya 5:1

Pokii, à mị nume mẹ sụarị sakị, ì ikiaḅọ na ọ̀ girepu-ḍụọ na gboloma nume: Ì ikiaḅọ gbọrụ girepu-ḍụọ nyanam, tụndụ ọgọnọ ḅụ, ye pakamarị iḅi kiri ḅụ.

Jerimaya 2:7

Arị ini ọkị-ḅo fie-pakamarị kiri lam, anị ḅẹ fịye-soku sakị ḅẹ iḅi fịye, pịkị ja iḅi aị na. Kụma anie nakara ini ì kiri mẹ sima guluguluma tẹ; ini à kẹ ịn pịrị bebe yọ mẹ pilema tẹẹ.

Izikẹlị 17:5

Anịtẹso ori Izirẹlị amakiri ḅụ ịwọma so-pakarị sịn ọkị tẹ kẹ ye pakama-pakama ḍụọ-ḍiḅi-kiri ḅụ ḍiḅi mu minji sakị mamgba sime-sime anga lam, mịẹ tẹ anị so-paka ḅẹ ḅara.

Izikẹlị 20:6

Anị ene mẹ ḅụ, à minini mịnẹ àrị ịn ọkị paka-so ḅa Ijiputi ḅụ, tẹ ịna tọrọkọ-sụn tẹ ịn kẹ mu à sẹlẹ ịn pịrịtẹ amakiri mẹ la ḅa, ḅụụ-ḅẹlẹmatẹ iḅiọkụma fịye so-pakamarị amakiri mẹ — kiri mamgba ḅụ iḅitẹịn amakiri mẹ.

Ditẹrọnọmị 8:6

Anieḅụ ọ́ KỊNỊNYANAḄỌ ọmịna Tamụnọ ḅe oloko ma koko ḅa, ori etela ma ḅụ mẹnjị na, ò mangịma na ḅụ.

Ditẹrọnọmị 8:8

ama tẹ witi na bali na nwẹn-sịn fịaị na, girepu na, figi na, omburo na, olivu na, ḅẹm na ḅin wararị ama;

Ḅẹrẹkọn-apụ 18:10

Ó mu sakị, ó ḅo kịnị ye kẹ ḅiotọn pịrị-a apụ la ḅa. Ama mẹ finjima wararị; inn, Tamụnọ anị kẹ ọmịna aḅara-ḅio ọ́ pịrị tẹ, ye-yọ tẹ tomikiri ḅụ ofori ye ofori ḅẹ anga.”