Ditẹrọnọmị 8:6 - FỊAFỊA BAỊBỤLỤ

⁶ Anieḅụ ọ́ KỊNỊNYANAḄỌ ọmịna Tamụnọ ḅe oloko ma koko ḅa, ori etela ma ḅụ mẹnjị na, ò mangịma na ḅụ.

Ditẹrọnọmị 8:6 Iomraidhean Croise

2 Paka-aị 6:31

mịẹ tẹ ini í mangịma tẹ ịn kẹ ị́ kẹ wamịna aḍapụ ma pịrị ama mẹ ḅụ anga ḅarị ene mamgba kẹ ị́ etela ma ḅụ mẹnjị ḅarị ḅara.”

Devidi-Anume 128:1

KỊNỊNYANAḄỌ ḅe ḅịḅị pokiarị apụ ma ḅioḅẹlẹ sime ịn pịrịm, anie ọ̀ tọn kuroma aị ma ḍiki angarị apụ ma.

Paka-so 18:20

tẹ kẹẹ wararị oloko ma na, tọn-pẹlẹ aị ma na kẹ ịn toluma, tẹ mịẹtẹ ini etela mẹ tẹ ịn mẹnjị nyana etela mẹ na ịn mịẹ nyana ye na nimi ḅa.

Luku 1:6

Ini maa apụ mamgba Tamụnọ tọrọkọ iḅi ḍumo kọnm, anie ịn pịkị KỊNỊNYANAḄỌ ḅe oloko mamgba koko kpaịnma ḅara.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Ditẹrọnọmị 5:33

Etela mẹ tẹ KỊNỊNYANAḄỌ ọmịna Tamụnọ ḅe tọn ọ́ pịrị etela mẹmgba ḅụ mie ọ́ mẹnjị ḅarịye, mịẹtẹ ó ḍumo-sime, tẹ anị ọmịnị na iḅi ma mu, anịsakị ama mẹ tẹ ọ́ nyana ḅẹ ama mẹ ḅio ọ́ nangwọ ḍumo nyana ḅẹ ḅara.

Ditẹrọnọmị 8:5

Anieḅụ ọmịna ḅioḅẹngbọ ḅụ ó nimii, mịnẹ owiḅọ amịna owiḅọtụḅọ ḅioḅẹngbọ na, ye-mịẹ-ḅara na datụkụma ḅara, mie KỊNỊNYANAḄỌ ọmịna Tamụnọ ḅe kẹ ọmịna ḅioḅẹngbọ na, ye-mịẹ-ḅara na datụkụma ḅara.

Ditẹrọnọmị 8:7

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị ọkị-ḅo ḅuu-minji tụndụ ogboku na, tụndụ na ḅụ ngụngụḅa na, minji wara-warama sara tẹ tọnwa akuroro pakama wararị iḅi ama ḅio sụarị;

1 Samụẹlị 12:24

Ọmịnị paa KỊNỊNYANAḄỌ ḅe ḍiki-ḅalafaa tẹ minini nyana ḅara kẹ ọmịna ḅioḅẹngbọ mẹmgba kẹ fịrịmẹnjị ọ̀ pịrịị, kẹ gotẹ ọkọ ḅẹẹarị, gburo-gburotẹ opu aị ma tẹ ọ̀ mịẹ-mịẹ ọ́ pịrị tẹ aị ma ọ́ nwẹn kẹ ḅiokoromaa.