Ditẹrọnọmị 8:5 - FỊAFỊA BAỊBỤLỤ

⁵ Anieḅụ ọmịna ḅioḅẹngbọ ḅụ ó nimii, mịnẹ owiḅọ amịna owiḅọtụḅọ ḅioḅẹngbọ na, ye-mịẹ-ḅara na datụkụma ḅara, mie KỊNỊNYANAḄỌ ọmịna Tamụnọ ḅe kẹ ọmịna ḅioḅẹngbọ na, ye-mịẹ-ḅara na datụkụma ḅara.

Ditẹrọnọmị 8:5 Iomraidhean Croise

2 Samụẹlị 7:14

À ḍaḅọ sọ ọ̀ pịrị ḅa, tẹ ori ì owiḅọtụḅọ sọ ḅa. Ọ̀ mịẹ-irima sakị à tomi kẹ kịnị fomu-fomu mkpara kẹ ò fomu ḅa, tomina owiapụ-awọmẹ fomu-fomu fomuye à nwẹn kẹ ò fomu ḅa.

Devidi-Anume 89:32

anị sakị rẹ mie àrị ịna asi gotẹ fomu-ḅara kẹ ịn pịrị ḅarịye; à mịẹ tẹ ịna mịẹ-irima ma ḅụ ịn tọrụsiẹrị ḅa.

Devidi-Anume 94:12

KỊNỊNYANAḄỌ, mḅọ mịẹ ḅẹ ye ḍuko pịrịarị ḅọ mẹ nyana ḅioḅẹlẹ ḍiki, anie í í oloko kẹ tolumarị ḅọ mẹ!

Egberima-Ẹkwẹn 13:24

Ị́ tụḅọ siye mịẹ tẹ í ò fomu-a ḅẹḅẹ, ị́ ọ̀ ḅẹlẹma-a. Ị́ ọ̀ ḅẹlẹmarị ḅẹḅẹ, ị́ ọ̀ daa-karakarama ḅa.

Egberima-Ẹkwẹn 3:11

Ị̀ tụḅọ, KỊNỊNYANAḄỌ ḅe ị́ datụkụmarị sakị, kpọma kẹ ye-sịn ḅara kẹ anị ọkịị, tẹ kẹ ḅeri nụnụ ye sọma ị́ ḅụụ pịrị.

Egberima-Ẹkwẹn 3:12

KỊNỊNYANAḄỌ ḅe ọ̀ ḅẹlẹmarịapụ mie ọ̀ datụkụmarị, anie ḍaḅọ kẹ ọ̀ kẹ ḅụụ-tọn-arị tụḅọ datụkụma-tụkụma ḅara pembe ḅara.

Nimi Tolumaḅọ 7:14

Ị́ lọkọlọkọ ene ḅụ ḍerekuu, anịsakị ị́ ḅụụ-fụka ene ḅụ ye kẹ ḅiokoromaa; Tamụnọ kẹ gbọrụḅọ tẹmẹ ḅara, mie ọ̀ pịkị kẹ osi-ḅọ sọ tẹmẹ ḅara; mịẹ tẹ tomḅọ ye kẹ Tamụnọ ọlọ ḅịa ḅara.

Ayịzaya 1:3

Nambulo ma sọ amịna nyanaḅọ nimi wararị, yedogi-anama sọ ịn nyanaḅọ fịye kẹ ịn pịrị fị-fị yọ nimi wararị. Kụma ị̀ atomi, Izirẹlịapụ ma nimi-a mịnẹsẹ yẹrị ịna Tamụnọ. Gbala-gbala ini aniemẹ fieye naa-a.”

Izikẹlị 12:3

“Mịọkụ, fịị-fịị tomḅọ, sarasarama saakị dogi ḅẹ aị kobiri fịna wẹrị, gbala ḍumo-mangị kọn ḅẹ ḅọ ḅara, tẹ ene amụ gbaịn koro-a ogbo saakị mẹnjị paka. Yee ḅẹḅọ-ḅẹḅọ í so jen anga muarị ye kẹ ị́ ẹrị. Ẹbịsịya arị kọngọ-kụrọ apụ ma ị́ kẹ elekima sụa ḅa.

Izikẹlị 18:28

Ori ọ̀ mịẹarị ye lekiriarị tẹ si mịẹ dasịẹmarị, anie ḅụ karakaraye ḅụ ọ̀ fịị ḅịa, kụma ò ḍumo tọrọkọ mu ḅa.

1 Kọrịntị 11:32

Kụma KỊNỊNYANAḄỌ ḅe wa kọn tẹ fomu-ḅara kẹ wa pịrị tẹ gotẹ ọ̀ ḅarị wa kẹ Kịrayịsị minini-a apụ ma na sụa ḅẹrẹ-ḅarasii kiri ḅụ wẹrị ḅịa.

Ditẹrọnọmị 1:31

na ịkpa mẹ ḅio ọ́ KỊNỊNYANAḄỌ ọmịna Tamụnọ ḅe owiḅọ ori owiḅọtụḅọ dogi ḅara kẹ etela mẹmgba tẹ ọ́ mẹnjị anga ḅụ ó dogi nwenii ó ḅo mịanga la ḅara ẹrị tẹ ḅara.

Ditẹrọnọmị 4:23

Ọmịnị ọmịna aḅụụ ẹbị, anieofori ó ḅofa KỊNỊNYANAḄỌ ọmịna Tamụnọ ḅe ọḅọkụ mẹ tẹ ori ọmịnị na fị ye mẹ kẹ ḅioḅọrọma, tẹ ḅẹẹye-ḅẹẹye kịkama tẹmẹ ọmịna aḅụụ pịrị, aniemẹ tẹ KỊNỊNYANAḄỌ ọmịna Tamụnọ ḅe kẹ tọn-tọnye sọma ọ́ pịrị tẹ ye mẹ.

Ditẹrọnọmị 4:36

So-ḅio ḅụ ori ọ́ mịẹ tẹ ọmịnị ọ̀ pọkọ naam, mịẹtẹ ori ọmịna ḅioḅẹngbọ na, ọmịna ye-mịẹ-ḅara na datụkụma ḅẹ ḅara; tẹ tomikiri ḅụ ọ̀ mịẹ tẹ ọmịnị ò gburo-gburotẹ opu kọrị fịnị mẹ ẹrịm, tẹ ọmịnị ori ẹkwẹn-aḅịḅị naam kọrị fịnị mẹ ogboku ḅụ.

Ditẹrọnọmị 4:9

Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Ditẹrọnọmị 8:6

Anieḅụ ọ́ KỊNỊNYANAḄỌ ọmịna Tamụnọ ḅe oloko ma koko ḅa, ori etela ma ḅụ mẹnjị na, ò mangịma na ḅụ.

Mịẹfinji 3:19

À ḍiki ịganị tẹ fomu-ḅara kẹ pịrịarị apụ mamgba anie à ḅẹlẹmarịapụ. Ọkọẹrẹsị, ḅụụ sarasara tẹ ị́ asi ḅụ pịkịị.