Ditẹrọnọmị 8:2 - FỊAFỊA BAỊBỤLỤ

² Ọmịnị etela mẹmgba tẹ KỊNỊNYANAḄỌ ọmịna Tamụnọ ḅe mịna kụra amesi ma ḅụ ịkpa mẹ ḅio, mịẹtẹ ọ́ ḅụụ-kpoo ḅẹ ḅara, kẹ ọ́ daaḍiki tẹ ọmịna ḅioḅẹngbọ ḅụ sime ye nimi, ọmịnị ori oloko ma koko ḅarị ḅoto, anịanịa ó koko ḅịa, tẹ ori tọrọkọ tarị ọ́ pịrị etela ma kẹ ḅiokoroma ḅa.

Ditẹrọnọmị 8:2 Iomraidhean Croise

Suku-saakị 22:1

Mịna aị ma ḅọrọ fama tẹso, Tamụnọ Ebira-amụ daaḍikim, tẹ ọ̀ ḅẹẹm, “Ebira-amụ!” Ọ̀ nwẹnị pakịrị, “Mie yẹrị mịanga.”

2 Paka-aị 32:31

Anieḅụ Babịlọnị ḅẹ epele afịrịmẹnjịapụ ma, inima tẹ ịn kẹ ọ̀ fịrịma tẹ ḅo ama mẹ ḅio paka elekima mẹ gbela nimi ḅẹ apụ ma in nwẹn fịrịma ḅo sakị, Tamụnọ nwẹnị ọ̀ ḅụụ ḅụ amịna ḅụụ ḅẹlẹma, kẹ ọ̀ da ḍiki tẹ ò ḅioḅẹngbọ sime aị mamgba nimi ḅẹ ḅara.

2 Paka-aị 33:12

Ò ḅo ḅụụ-ḅalaḅala ḅụ sọ tẹso, ọ̀ nwẹnị KỊNỊNYANAḄỌ ọ̀ Tamụnọ ḅe ḍiki-ḅụụjịrị ḅii, tẹ gburo-gburoma ori aḍapụ ma Tamụnọ ḅe tọrọkọ ọ̀ ḅụụ iderima.

2 Paka-aị 33:19

Ọ̀ kọn tẹkẹ na, Tamụnọ ori ọkụrụkụrụ ḅụ ọ̀ kẹ ọ̀ tẹkẹ ye mẹ ọkị ḅara na, ò si mẹmgba na, ọ̀ nyana-a minini na, tẹ ò gele ayeyọ nama tẹ Asẹra na ò ye kịkama tẹmẹ-aị ma dẹẹ koroma anga ma na, tẹrẹmẹ ori ọ̀ ḅụụ iderima ye na, Izirẹlị Amadapụ Ma Aḅụụ Paka-aị Ḍiri mẹ ḅio kẹẹ wararị.

Nehimaya 9:19

Ị́yẹrị í opu ọkụrụkụrụ ḅụ in sịkị-a ịkpa mẹ ḅio ḅụ; etela mẹ ḅụ ịn kẹ tọrọkọ tarị oḅuto mẹ ịna ḅụụ so-a eneḅaka ḅụ, in mẹnjị na-iḅi etela mẹ belema in pịrị fịnị mẹ ịna ḅụụ so-a ḍin ḅụ.

Jobu 33:17

mịẹ tẹ ò tomḅọ mịẹarị ye ḅụ ọ̀ pịkị siin, tẹ tomḅọ ḅụụ opu amịẹaị pẹlẹ-siin ḅẹ ḅara.

Devidi-Anume 103:2

Ị̀ tẹmẹ, KỊNỊNYANAḄỌ ḅe tokini, tẹ ọ̀ kẹ ị́ na mịẹarị iḅi ḅara mẹ kẹ ḅioḅọrọma ma.

Devidi-Anume 106:7

Ijiputi ḅụ Tamụnọ mịẹ ḅụụ-buama-aị ma fie ye wamịna elemu aḍapụ ma ịn naa ḍin-a; ori ọ̀ ḅẹlẹma kẹ in ḍie tọnwa asakị ma ịn kẹ ḅioḅọrọmam, tẹ ịn nwẹnị kọngọ kụrọma Kụrọmamgba Nyanaḅọ ḅe pịrị Awụ Tọrụ mẹ ḅụ.

Devidi-Anume 136:16

Ori ori atomi ma tọrọkọ-sụn tẹ ịn kẹ ịkpa mẹ ḅio mẹnjị ḅọrọ; ọ̀ ḅẹlẹma sime gbamasom.

Devidi-Anume 77:11

KỊNỊNYANAḄỌ, àrị ị́ kọrị tẹ opu aị ma kẹ ḅiokoroma ḅa; ḅọrọ tẹ sakị ḅụ ị́ mịẹ ḅụụ-buama-aị ma à sịn pịkị-ḅo ì ḅioḅẹngbọ suu ḅa.

Devidi-Anume 81:7

Ọ́ ḅụụ-fụka ḅio sọ sakị, ọmịnị ị̀ sịn tẹ arị ọ́ ḅọrọmam. À kikima tẹ sime erise mẹ ḅio àrị ọmịna ḅịḅị ọkịm. Mẹrịba ḅẹ ngụngụḅa ma akaka ḅụ àrị ọ́ daaḍikim.

Paka-so 15:25

Tẹ Mozizi owu KỊNỊNYANAḄỌ ḅe pịrịm tẹ KỊNỊNYANAḄỌ ḅe nwẹnị gbọrụ sịn-pakịrị kẹ ò ḍie. Ọ̀ nwẹnị anị kẹ minji mẹ ḅio gbin suu, tẹ minji mẹ nwẹnị ḅo ḅẹlẹ. Anịjụ mie KỊNỊNYANAḄỌ ḅe ịn sime-ḅara ḍọkị-nimi tẹ kẹẹ wararị oloko na, kụrọ ḅara-ḅio sime ḅọ oloko na pakama ịn pịrị ye.

Paka-so 16:35

Tẹ Izirẹlịapụ ma kụra amesi kẹ mana mẹ fịm; ịn mana mẹ fị nwenii ịn ḅo ini anga na-iḅi anga lam, nwenii in ḅo Kenanị ama mẹ ḅe agara lam.

Paka-so 16:4

Anịtẹso KỊNỊNYANAḄỌ ḅe nwẹnị Mozizi ḅẹẹ, “Ḍikii, So-ḅio à fịye kẹ eene sara ḅara sara ọ́ pịrị ḅa, anịsakị tomi ma paka-mu ene mẹ ḅụ ịn fị ḅarị kiri kobiri ọkị ḅa ene-ḅaaene-ḅaaene, tẹ arị ịn sime-ḅara-ḅara ḍọkị nimi ḅa, ini ì oloko ḍiki mẹnjị ḅẹ na, ịn mẹnjị ḅịa na,

Paka-so 20:20

Tẹ Mozizi nwẹnị tomi ma ḅẹẹ, “Ọ́ ḅalafa ma, gbala Tamụnọ ọ́ daaḍiki ḅẹ ẹrẹsị ḅom, tẹ mịẹtẹ ò mangịma mẹ ọmịna atọrụngbọ ḅio so ḅịa, mịẹtẹ ọ́ ḅarị si mịẹ ḅịa ḅara.”

Egberima-Ẹkwẹn 17:3

Fịnị mie tomi kẹ golu na seleḅa sime-ḅara tọn-ḍikiarị, tẹ tomḅọ ḅioḅẹngbọ mẹ KỊNỊNYANAḄỌ ḅe mie anị tọn-ḍikiarị.

Ayịzaya 2:17

Tomḅọ opu ẹkwẹn mẹ ideri ḅa, tẹ tomina ḅụụ-gelema mẹ ḅo ḅụụ-iderima ḅa; KỊNỊNYANAḄỌ ḅe ngẹrị Geleḅọ sọ ḅa anị ene mẹ ḅụ,

Jerimaya 2:6

Ini ì gbolomaye kẹ ye-sịn-a, karakaraye yẹrị Ijiputi ḅara-ḅio ịn pụkọ-pakamaḅom sọ tẹ tọrọkọ tarị tẹ si piri-ḅio na ịkpa aḅio na onwin ịgwa-ịgwa ḅara sime kiri na, samụnọ tẹ ḍumo fama ḅara sime amakiri na tẹ gbọrụḅọ-sọ anga-a, tẹ gbọrụḅọ-sọ jene-jene ḅọrọ ye mu-mu-a yọ na ḅụ ịn kẹ tolu-ḅọrọ ye.

Izikẹlị 20:19

Yẹrị anie KỊNỊNYANAḄỌ ọmịna Tamụnọ ḅe. Ọmịnị ì oloko ma na à tọn-koroma-aị ma na poki tẹ mị.

Emọsị 2:10

Àrị Ijiputi ḅụ ọ́ pakama-ḅom, ọmịna tọrọkọ-sụn tẹ ọ́ kẹ ịkpa ḅio mẹnjị-tolum kụra amesi ḅụ, tẹ Amọnị apụ amakiri mẹ kẹ ọ́ pịrị tẹ anị ọmịna nye sọm.

Kịẹn-aḅịḅị 14:33

Anịsakị ọmịna awọmẹ ma ịkpa mẹ ḅio kụra amesi kẹ anana ḍikiḍikiapụ sọ ḅa, tẹ ọ́ nyana-a minini gotẹ tọrụsiẹrị ḅa, nwenii ọmịna fịtẹ oju akpakpa ma ḅẹ kunoma ye ịkpa mẹ ḅio ḅịkị-koro ḅa.

Luku 18:14

Jizọsị nwẹnị ḅẹẹ, à ḍuko ọ́ pịrịarị, ama-igbigi da ḅọ ḅe mie Tamụnọ na ḅẹrẹ-fama tẹ ye, ọ̀ warị la sakị, Farịsiiḅọ ḅe-a. Gbala amịna ḅụụ gelema ḅọ, gelema ḅọ ini mḅọ iderima ḅa, tẹ amịna ḅụụ iderima ḅọ, iderima ḅọ ini mḅọ kẹ opu sọma ḅa.”

Jọnị 2:25

Kịnị pịkị gotẹ in gboloma ye ḍuko ọ̀ pịrị-pịrị ye ofori, tomina aḅioḅẹngbọ sime ye ò nimi famam ẹrẹsị.

Ditẹrọnọmị 1:3

Kụra amesi karama kụra mẹ ḅẹ oyi gbọrụ akalụ finji karama akalụ mẹ ḅẹ tarị ene ḅụ, Mozizi KỊNỊNYANAḄỌ ḅe wẹrịtẹ tọn ọ̀ pịrị tẹ mịnẹ ọ̀ tọn in pịrị ḅẹ aị mamgba kẹ ẹkwẹn Izirẹlịapụ pịrịm.

Ditẹrọnọmị 1:33

oriḅe tẹ etela mẹ ḅụ ọmịna tọrọkọ mu ọmịna akpụrụ-awarị pike ḅẹ anga ḍọkị ọ́ pịrị tẹ ḍin ḅụ fịnị, anịsakị eneḅaka ḅụ oḅuto kẹ ọ́ ḅọrọ ḅẹ etela kẹ ó ḍie ḅọ ḅe.

Ditẹrọnọmị 13:3

ọmịnị anị ịkịankoroḅọ ḅe anịanịa anị ḍawọ-puuḅọ ḅe ẹkwẹn-aḅịḅị poki ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọ́ daaḍikiarị, ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ KỊNỊNYANAḄỌ ọmịna Tamụnọ ḅe ḅẹlẹma ḅoto.

Ditẹrọnọmị 2:7

Kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịna aḅara ḅẹ kọrịnama mamgba ḅụ ó boma tẹ, ọ́ mị gburo-gburotẹ ịkpa mẹ mẹnjị-toluḅọrọarị ye mẹ ò nimim; mịna akụra amesi ma ḅụ KỊNỊNYANAḄỌ ọmịna Tamụnọ ḅe ọmịnị na simem, ó ḅii tẹ ọ́ nyana-a gberie-sọ ofori.

Ditẹrọnọmị 29:5

Kụra amesi à nwẹn kẹ etela kẹ ọ́ ḍie tẹ ịkpa mẹ ḅio; ọmịna akapa amụ ọmịna oju ḅụ kaan-a, anịanịa ọmịna okuro ọmịna aḅụọ ḅụ kaan;

Ditẹrọnọmị 32:7

Ọmịnị elemu ene ma kẹ ḅiokoromaa, tọnwa aḅụọ ḅọrọtẹ apụ ma ḅẹ akụra ma kẹ ḅiokoromaa; ọmịnị ọmịna ḍaḅọ gbela, anịsakị ọ̀ kẹ ó ḍie ḅa, ọmịna omongiapụ, anịsakị ịn ḍuko ọ́ pịrị ḅaa.

Ditẹrọnọmị 7:18

Ọmịnị ịn ḍiki-ḅalafa ma; kụma ọ́ KỊNỊNYANAḄỌ ọmịna Tamụnọ ḅe kẹ Fero na, Ijiputi mamgba na mịẹ ye kẹ ḅiokoroma ḅa.

Ditẹrọnọmị 8:16

Oriḅe tẹ ịkpa mẹ ḅio ịn kẹ mana sịn fịye tẹ ọmịna aḍapụ sọ nimi-a fịye kẹ ó koko ḅọ ḅe, mịẹtẹ ọ́ ḅụụ-kpoo, tẹ ọ́ daaḍiki, kunoma ḅụ iḅi kẹ ọ́ mịẹ ḅẹ ḅara.

Jemụsị 1:3

kẹ gotẹ ọkọ ḍukoarị, ó nimi ḅara ḅụ, ọmịna minini daaḍiki da-tolu-ḅọrọ tẹ ḅẹḅẹ, anị dogi-ḅo ḅarịye anie, ịnyọ nyana tẹ akụye inema alama.

Jemụsị 4:10

Ọ́ KỊNỊNYANAḄỌ ḅe tọrọkọ ḅụ ḅụụ lẹgịma, anịsakị ori ọ́ saakị-gelema ḅa.

Jemụsị 4:6

Kụma Tamụnọ kẹ tomi pịrịarị ḍiki-ḅụụjịrị mẹ kụrọ anị nẹngịm. Anie Fịafịa Ḍiri mẹ ḅẹẹarị ḅara, “Tamụnọ opu amịẹaị mịẹ apụ na tụḅụrụarị, kụma ò ḍiki-ḅụụjịrị nyana ḅụụ iderima apụ ma pịrịarị.”

1 Pita 1:7

Ọ́ karakara minini nyana na nyana-a na, mie in nimi ḅẹ tẹ ọ́ daaḍikiarị. Golu tẹ inetẹ gulugulu fa ḅarịye mẹ sọ, ịn fịnị kẹ anị daaḍikiarị tẹ ọmịna minini mẹ, tẹ yela kpọma golu nẹngị ye mẹ rẹ mie ịn daaḍiki tẹ nimi ḅẹ ye anị ene la ḅarị ḅoto. Anị ọkọ paka tẹ ḅẹḅẹ, ó tokini na, ebube na, kụn na nyana ḅa, Jizọsị Kịrayịsị amịna ḅụụ ḍie-pakama ḅarị Ene mẹ ḅụ.

Mịẹfinji 2:23

À pịkị á ḍukamẹnjịarị apụ ma ḅaa ḅa, anịsakị sọsị mamgba nimi ḅa mịnẹ yẹrị anie ọrụḅọ-ọrụḅọ sime-ḅara nimi ḅọ. Ọmịna ḅụ ọrụḅọ-ọrụḅọ mịẹye à nwẹn ḍiki tẹ mḅọ gbẹẹ ḅa.

Ḅẹrẹkọn-apụ 2:22

mịẹtẹ ịna aḅụụ ḅụ àrị Izirẹlị daaḍiki ḅẹ ḅara ịn ḅụụ ẹbị tẹ ịna aḍapụ ma wẹrịtẹ mịẹ ḅara ḅụ KỊNỊNYANAḄỌ ḅe etela mẹ ḅụ mẹnjị, anịanịa mẹnjị ḅịa ḅoto.”

Ḅẹrẹkọn-apụ 3:4

Ịn sime ịn kẹ Izirẹlị daaḍiki pịrịm, kẹ nimi Izirẹlị KỊNỊNYANAḄỌ ḅe tọn aị ma tẹ ò Mozizi ḅụụ ḅụ tọn ịna ḍapụ pịrị aị ma ini ọ̀ ḅịḅị poki ḅarị ḅoto.