Ditẹrọnọmị 8:11 - FỊAFỊA BAỊBỤLỤ

¹¹ Ọmịnị ọmịna aḅụụ ẹbị anieofori ó ḅofa KỊNỊNYANAḄỌ ọmịna Tamụnọ ḅe kẹ ḅioḅọrọma ori oloko ma na, kụrọ ọ̀ ḅara-ḅio emi tẹ ọ̀ sụa oloko ma na, ori oloko ma tẹ kẹẹ wararị aị ma na, arị aị ma tẹ mịmgba à tọn ọ́ pịrị aị ma koko-a ḅụ,

Ditẹrọnọmị 8:11 Iomraidhean Croise

Devidi-Anume 103:2

Ị̀ tẹmẹ, KỊNỊNYANAḄỌ ḅe tokini, tẹ ọ̀ kẹ ị́ na mịẹarị iḅi ḅara mẹ kẹ ḅioḅọrọma ma.

Devidi-Anume 106:21

Ini ịn ḅọrọma Tamụnọ ḅe kẹ ḅioḅọrọmam, kụrọ akọrịnama kẹ Ijiputi ḅụ ịn ḅọrọma ḅọ ḅe.

Egberima-Ẹkwẹn 1:32

Ye-mịẹmịẹ-ḅara nimi-a apụ fịị ḅa ịn nimi sịkịarị ẹrẹsị. Oḅori-sọarị atomi ma ịna ye-kẹ-yesịn-a mẹ ịn ḅaa gulugulumarị.

Egberima-Ẹkwẹn 30:9

À nyana ọkọ nẹngịma kụma, ẹbịsịya à ḅẹẹ ḅa arị ị́ kẹ mịẹ ḅẹ ye ofori. Kụma arị igoin kụma ẹbịsịya à furu tẹ ị̀ Tamụnọ tọrụ-tuu ḅa.

Ayịzaya 51:13

Ọ́ tẹmẹ KỊNỊNYANAḄỌ ḅe ọmịnị ọ̀ kẹ ḅioḅọrọma tẹ, anie So ma nụnụ finjima tẹ kiri mẹ suku-saakị ḅọ ḅe? Ó tiegotẹ sakị mamgba ḅalafa ḅara kẹ ḍumo kọn ḅẹ ó ponomarị apụ ma owi-ịganị ḅụ, tẹlẹma tẹ ọ́ ḅaa guluguluma ḅẹ-yearị apụ ḅụ? Ịna owi-ịganị mẹ ḅarị jen kẹ ọ́ la ḅịa.

Jerimaya 23:27

In kuromarị mịnẹ ịn ḍawọ tẹ ḍukoarị aị ma ḅụ ịn ḅọrọtẹ ị̀ atomi mịẹ tẹ ini ị̀ kẹ ḅioḅọrọma ḅa, ịna aḍapụ ị̀ kẹ ḅioḅọrọma tẹ pịkị Balị dama-mu gbọrụ ḅara mẹ.

Lẹvitikọsị 13:48

ḅẹẹ ḍoritẹ ḅịtẹ goyegoye ḅụ, anịanịa nama oju apara ḅụ, anịanịa ḅẹẹye-ḅẹẹye tẹ ịn nama oju-apara kẹ mịẹ ye ḅụ,

Malakayị 4:4

“Ọmịnị ị̀ fịrịmẹnjịḅọ Mozizi toluma aị ma kẹ ḅiokoromaa, à sụa oloko ma na à tọn koroma aị ma na Sayịnayị Tụndụ ḅụ, tẹ à kẹ ọ̀ pịrịm ọ̀ kẹ ị̀ atomi Izirẹlịapụ pịrị tẹ in poki tẹ mịẹ ḅẹẹ oloko ma.”

Kịẹn-aḅịḅị 15:39

anịsakị arị nwẹnị ọmịnị ẹrị tẹ KỊNỊNYANAḄỌ ḅe tọn ọ́ pịrị aị mamgba kẹ ḅiokoroma tẹ arị mịẹ ḅẹ ịsaram sọ ọ́ pịrị ḅa, tẹ ḅarị ye kẹ ḅiokoroma-a ḅara kẹ ọmịna aḅioḅẹngbọ tọn-ye tọn-ye na, ọ́ tọrụngbọ kẹ ẹrị-ye ẹrị-ye sọlịma tẹ arị ḍukamẹnjị ḅịa.

Ditẹrọnọmị 11:32

ọmịnị ọmịna aḅụụ ẹbị ḅa, tẹ kẹẹ wararị oloko ma na, kụrọ ḅara-ḅio sime apụ sụa oloko ma na, tẹ mịmgba à kẹ ọmịna tọrọkọ koroma aị mamgba mịẹ ḅa.

Ditẹrọnọmị 4:1

Izirẹlị, mịọkụ ọ́ kẹẹ wararị oloko ma na, kụrọ ḅara-ḅio sime apụ sụa ọ́ pịrị oloko ma na tẹ à kẹ ó toluma aị ma koko tẹ arị mịẹ; mịẹtẹ ó ḍumo tẹ mu KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ ḅara

Ditẹrọnọmị 4:5

Ḍikii, KỊNỊNYANAḄỌ Ị̀ Tamụnọ ḅe tọn ị̀ pịrị ḅara ḅụ à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma tẹ mịnẹ ama mẹ tẹ ọ́ sọ-mu ọkị nyana ḅẹ muarị ama mẹ ḅio ọmịnị arị mịẹ ḅa.

Ditẹrọnọmị 4:9

Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Ditẹrọnọmị 6:11

warị tẹ iḅi aị tẹ ọmịnị fẹ suu-a aị mamgba ḅin wararị awarị na, minji wẹrị anga tẹ ọmịnị pẹlẹ pakama-a anga na, kụrọ-aḍụọ na olivu opu asịn tẹ ọmịnị ḍiḅi-a aị na, anịsakị ọ́ fị tẹ ọmịna furo ḅin sakị,

Ditẹrọnọmị 7:11

Ọmịnị anịẹrẹsị ḅụụ ẹbị-bịtẹ oloko mẹ na, kẹẹ wararị oloko ma na, kụrọ ḅara ḅio sime apụ sụa oloko ma na tẹ mịmgba à tọn ọ́ pịrị aị ma mịẹ ḅa.

Ditẹrọnọmị 8:14

anị sakị ḅụ mie ọmịna ḅioḅẹngbọ saakị gele ḅarịye, tẹ ọmịnị ọmịna Tamụnọ ḅe tẹ Ijiputi ama mẹ ḅụ, ọmịnị omoni-sọ anga mẹ ḅio ọ́ pakama-ḅo ḅọ ḅe kẹ ḅioḅọrọma ḅarịye.

Ḅẹrẹkọn-apụ 3:7

Izirẹlịapụ ma KỊNỊNYANAḄỌ ḅe ḍiki-tọrụ ḅụ siye mịẹm, fịrịmẹnjị-mẹnjị Balị ma na, Asiroti mẹ na pịrị ḅụ KỊNỊNYANAḄỌ ịna Tamụnọ ḅe kẹ ḅioḅọrọmam.