Ditẹrọnọmị 8:10 - FỊAFỊA BAỊBỤLỤ

¹⁰ Anịsakị ó fịye fị furo ḅinma ḅa, tẹ KỊNỊNYANAḄỌ ọmịna Tamụnọ ḅe kẹ ọ́ pịrị tẹ iḅi ama mẹ gotẹ ò boma ḅa.

Ditẹrọnọmị 8:10 Iomraidhean Croise

1 Paka-aị 29:14

“Mịọkụ yẹrị ḅọrọ tụḅọ, anịsakị ị̀ atomi ma nwẹnị tọ apụ, tẹ wa inetẹ nwẹn pembe ḅara kẹ wamịna kuroma ḅo ḅara kẹ agba mịẹ? Kẹ gotẹ ọkọ ḅẹẹarị, ye mamgba ị́ ḅụụ ḅom, anịsakị ị́ nye ḅụ mie wa ye ọkị-ḅo ị́ pịrị ye.

Devidi-Anume 103:2

Ị̀ tẹmẹ, KỊNỊNYANAḄỌ ḅe tokini, tẹ ọ̀ kẹ ị́ na mịẹarị iḅi ḅara mẹ kẹ ḅioḅọrọma ma.

Egberima-Ẹkwẹn 3:9

Kẹ KỊNỊNYANAḄỌ ḅe kụn ḅụ, í kiri pakama-ḅoarị aị ḅụ iḅitẹịn aị ma kẹ ḅo ọ̀ pịrịị.

Ayịzaya 5:1

Pokii, à mị nume mẹ sụarị sakị, ì ikiaḅọ na ọ̀ girepu-ḍụọ na gboloma nume: Ì ikiaḅọ gbọrụ girepu-ḍụọ nyanam, tụndụ ọgọnọ ḅụ, ye pakamarị iḅi kiri ḅụ.

Jowẹlị 2:26

Mịọkụ ọ́ tọnwa fịaị nyana tẹ fị ḅa, tẹ anị ọmịnị na iḅi ḅa. Ọ́ KỊNỊNYANAḄỌ ọmịna Tamụnọ ḅe tokini ḅa, anie ḅụụ-buama-aị mịẹ ọ́ pịrị ḅọ ḅe. Kịnị ḅarị jen kẹ gbala-gbala ị̀ atomi ma ḍiki-sima ḅịa.

Matiyo 14:19

Ọ̀ nwẹnị tọn tomi ma pịrị mịnẹ ini osuka mẹ ọgọnọ lẹgị-simee; anịtẹso ọ̀ nwẹnị ịna ḅara fịturu sọnọ akpo ma na inji maa mgbọ ma na daa-ọkị, tọrụ saakị so da, tẹ ịmịẹtẹ kẹ Tamụnọ ḅẹẹ. Ọ̀ nwẹnị fịturu kpo-kpo ma paịn-paịntẹ kẹ ò ḍukamẹnjịapụ ma pịrị, tẹ ini nwẹnị kẹ tomi ma pịrị.

Jọnị 6:23

Tayịberiyasị ḅụ ḅo ja arụ nwẹnị KỊNỊNYANAḄỌ ḅe ịmịẹtẹ kẹ Tamụnọ ḅẹẹ tẹ fịturu kẹ tomina-ogbo mẹ pịrị fị anga mẹ na kpeki pọkụ ḅụ sọma.

Romu 14:6

Gbọrụ ene ọkị gelemarị ḅọ mẹ gotẹ ọkọ mịẹarị ye mḅọ kụn kẹ KỊNỊNYANAḄỌ ḅe pịrị ḅẹ ḅara; fị-fị ye goyegoye fị ḅẹ-ḅiiarị ḅọ mẹ sọ KỊNỊNYANAḄỌ ḅe kụn gotẹ mịẹarị, gbala ọ̀ fịye mẹ gotẹ ịmịẹtẹ kẹ Tamụnọ ḅẹẹarị. Ja afịaị fị ḅẹ ḍọkị-a ḅọ mẹ sọ KỊNỊNYANAḄỌ ḅe kụn ḅẹ gotẹ ọkọ mịẹarị, tẹ ori ịmịẹtẹ kẹ Tamụnọ ḅẹẹarị.

1 Kọrịntị 10:31

Iḅim, kụma ị́ mịẹarị ye, mịẹarị ye sọ, ị́ fị-aro, í ḅuu-aro anịmgba kẹ ebube kẹ Tamụnọ pịrị ḅẹ ḅara mịẹ.

Ditẹrọnọmị 31:20

Kẹ gotẹ ọkọ ḅẹẹarị, àrị ịn ọkị-ḅo ḅụụ-ḅẹlẹmatẹ iḅiọkụma fịye so-pakamarị amakiri mẹ, anie à ye karị ḅara ḅụ kẹ ịna aḍapụ ma pịrị ḅẹ minini ye mẹ, tẹ ịn fịye fị ịna furo ḅinma tẹ ḅẹlẹkị sụa sakị, ịn tọrụ pịkị oru-atamụnọ da tẹ fịrịmẹnjị ịn pịrị, tẹ ì ḍiki-sima tẹ ị̀ ọḅọkụ mẹ kan ḅa.

Ditẹrọnọmị 8:9

ama tẹ ó fịye ḍọkị tẹrẹmẹ fịye fị ḅịa ama, ama tẹ ọ́ ḍọkị ḅẹ ye ofori ama, ama tẹ anị ḅẹ aḍụḅarị ma ikulele, anịsakị anị ḅẹ atụndụ ma ḅụ ini ịn kẹ kọpa (anie alapẹlẹa) sịn ye soku-soku pakama-ḅoarị ama mẹ.

1 Tẹsalonịka 5:18

paka ye, paka ye sọ, ọmịnị ịmịẹtẹ kẹ Tamụnọ ḅẹẹ. Miemẹ anie Tamụnọ ọmịna aḅara ḅiiarị ye, ọ́ Kịrayịsị na gbọrụ ḅụ sime tẹ kọn-arị ḍumo mẹ ḅụ.