Ditẹrọnọmị 7:6 - FỊAFỊA BAỊBỤLỤ

⁶ Gbala ọmịnị anie fịafịa tẹ sime KỊNỊNYANAḄỌ ọmịna Tamụnọ ḅe pịrị gbọrụ atomi ẹrẹsị. KỊNỊNYANAḄỌ ọmịna Tamụnọ ḅe ọ́ sẹlẹ-ọkị tẹ kẹ gbọrsịḅị ori atomi tẹ sime ọ̀ pịrị apụ sọma tẹẹ, bebe tomikiri mẹmgba ḅụ.

Ditẹrọnọmị 7:6 Iomraidhean Croise

1 Amadapụ 3:8

Mie yẹrị ị́ sẹlẹ-ọkị tẹ kẹ ị́ atomi mịẹtẹ apụ ma ogboku, tọnwa tọnwa ḅẹ atomi tẹ kịnị inetẹ kịẹn ḅịa atomi ma.

Ẹzịra 9:2

kẹ gotẹ ọkọ ḅẹẹarị, ini ịna eremịna-awọmẹ ma ḅẹ jen-apụ sime ọkị tẹẹ, pịkị sime ịna owiapụ-awọmẹ pịrị tẹẹ; anie mịẹtẹ fịafịa furo mẹ anị ḅụụ kẹ ama mẹ ḅẹ atomi ma na gụa pikiri tẹ. Anịsakị mị minini nyana-a mẹ, fịrịmẹnjị-opuapụ ma na, sịḅịdapụ ma na anie anị kẹ tọrọkọ tarị tẹịn ye.”

Devidi-Anume 114:2

Juda KỊNỊNYANAḄỌ ḅe fịafịa atomi sọm, Izirẹlị ḅo ori ḅarana nyana apụ sọm.

Devidi-Anume 135:4

Ori Jekọbụ sẹlẹ ọ̀ ḅụụ pịrịm, Izirẹlịapụ ma ori ịn kẹ ori atomi sọmam.

Devidi-Anume 50:5

Ori mẹẹ, “Ọmịnị ì minini atomi ma kobiri ḅo ị̀ pịrịị, ini ma tẹ agbamịẹ ḅụ ị̀ na ọḅọkụ fị apụ ma.”

Paka-so 6:7

anịsakị arị ọmịnị ọkị tẹ kẹ ị̀ atomi mịẹ ḅa, tẹ arị ọmịna Tamụnọ sọ ḅa, tẹ ó nimi ḅa mịnẹ yẹrị anie KỊNỊNYANAḄỌ ọmịna Tamụnọ ḅee, oriḅe tẹ Ijiputi-ḅẹ-apụ ma dogi-aị ma suku-ḅio ḅụ ọ́ pakama-ḅo ḅọ ḅe.

Ayịzaya 41:8

Kụma, Izirẹlị, ị̀ fịrịmẹnjịḅọ, ọmịnị mie à sẹlẹ ọkị tẹ apụ ma, Ebira-amụ, ì ikiaḅọ ḅe furo-ḅẹ-apụ ma.

Ayịzaya 41:9

Tomikiri ḅẹ ịkọlị ma ḅụ àrị í ọkị-ḅom; sụma tẹịn ịkọlị ma ḅụ í simearị tẹ àrị ị́ sịn tẹ ị́ ḅẹẹm, ị́yẹrị ị̀ fịrịmẹnjịḅọọ. Àrị ị́ sịkị-a, kụma àrị ị́ sẹlẹ ọkịm.

Ayịzaya 6:13

Gbọrụḅọ kịngẹ ḅọrọ kọn sọ owiapụ ḅụ ama kiri mẹ ḅio, ori sọ ini ọ̀ ḅaa guluguluma ḅa; opu sịn pẹlẹ-gbin tẹ suku mẹ kọn ḅara anie ọ̀ kịka ḅarịye.” Suku mẹ sịẹ Tamụnọ atomi ma tẹ ịwọma saakị ḅarị apụ ma pịrị ḅa.

Ayịzaya 62:12

Ịn kẹ ịn sịn ḅarị ye: “Tamụnọ Fịafịa Atomi, KỊNỊNYANAḄỌ Ḅe Ḅọrọma Tẹ Apụ.” Ịn kẹ Jeruselemu sịn ḅarị ye: “Ḍọkị Pakama-ḅotẹ Ama, Tamụnọ Sịkị-a Opu Ama Mẹ.”

Jerimaya 2:3

Izirẹlị, í sime yẹrị ngẹrị pịrịm; ị́ tọn-tọn ḅara sime ị̀ pịrịm. Ye kẹ ị́ lama ḅọ lama ḅọ, à tọrụsiẹrị na opu ḅụụ-fụka na kẹ mḅọ fịrịmam. Yẹrị, KỊNỊNYANAḄỌ ḅe ọkọ ḅẹẹm.

Izikẹlị 20:5

À ḍuko-aị ye mẹ ḍuko ịn pịrị. Arị Izirẹlị sẹlẹ ọkị sakị à ye minini ịn pịrịm. Àrị ị̀ ḅụụ pakama in ḍiem Ijiputi ḅụ, tẹ ḍuko ịn pịrịm: Yẹrị anie KỊNỊNYANAḄỌ ọmịna Tamụnọ ḅe.

Lẹvitikọsị 20:24

Kụma à ḍuko ọ́ pịrị tẹ, ọmịnị ịna ama mẹ ḅio anga ḅa, tẹ arị anị kẹ ọ́ pịrị tẹ ọmịnị anị nyana ḅa, anie ḅụụ-ḅẹlẹmatẹ iḅiọkụma fịye so-pakamarị amakiri mẹ. Yẹrị anie KỊNỊNYANAḄỌ ọmịna Tamụnọ ḅe tẹ tomi ma ḅụụ ó ḅelema ḅọ ḅee.

Lẹvitikọsị 20:26

Ọmịnị ọmịna aḅụụ mịẹ fịafịama ị̀ pịrịị, gbala yẹrị KỊNỊNYANAḄỌ ḅe à fịafịa wararị ẹrẹsị, tẹ osi atomi ma ḅụụ ó puu-ḅelema tẹẹ, mịnẹ ó sime ị̀ pịrịị.

Emọsị 3:2

Tomikiri emi asịẹ mamgba ḅụ ọmịnị ngẹrị mie à nimi wararị, tẹ pịkị kokoarị apụ. Aniemẹ mịẹ tẹ ọmịna asi mị-ḅara kẹ ḅalafama ḅakarị, tẹ anie mịẹ à gotẹ ó fomu ḅarịye.

Malakayị 3:17

Kụrọmamgba nyana KỊNỊNYANAḄỌ ḅe ḅẹẹm, “Ini ị̀ atomi sọ ḅa. Anị ene ḅụ, àrị à mịẹ ḅẹ ye mịẹ sakị, in sime ị̀ pịrị apụ sọ ḅa karakara-ḅara-ḅụ. Àrị ọkụrụkụrụ nyana ịn pịrị ḅa, ḍaḅọ ọkụrụkụrụ nyana ọ̀ tụḅọ tẹ fịrịmẹnjị ọ̀ pịrịarị ḅọ pịrị ḅara.

Fịrịmẹnjịapụ 13:17

Izirẹlịapụ ma Tamụnọ ḅe wamịna atẹngịapụ ma sẹlẹ-ọkị tẹ ịn kẹ opu sịẹ sọma tẹ Ijiputi ḅụ ini igoniapụ ḅara kẹ anga sime ogbo, Tamụnọ opu kụrọ kẹ ịn pakama-ḅom Ijiputi ḅụ,

Romu 9:4

Ini anie Tamụnọ atomi ma; ori ḅarana ịn kẹ ori awọmẹ sọma, tẹ ori ebube kẹ in ḍiem; ori ini na ọḅọkụ fị tẹ Oloko mẹ kẹ ịn pịrịm; ini anie karakara Tamụnọ tẹkẹ mẹ nyana ye; Tamụnọ minini ịn pịrị aị ịn nyana tẹ;

Ditẹrọnọmị 14:2

Kẹ gotẹ ọkọ ḅẹẹarị, ọmịnị anie fịafịa sime KỊNỊNYANAḄỌ ọmịna Tamụnọ ḅe pịrị gbọrụ atomi, anịsakị KỊNỊNYANAḄỌ ḅe ọ́ sẹlẹ-ọkị tẹ kẹ ó soku ḅụ ọ̀ nyana gbọrụ atomi sọma tẹ tomi-kụlọkụlọ ma tẹ tomikiri tọrụ mẹ ḅụ simearị apụ ma ḅụụ ḅụ.

Ditẹrọnọmị 14:21

Ḅẹẹye-ḅẹẹye tẹ ḅarana ngẹrị fịị ye goyegoye, ọ́ pẹị ma; ọmịnị inetẹ anị kẹ jen sịẹ ḅẹ ḅọ tẹ ọmịna ama ma ḅio simearị ḅọ pịrị ḅa mịnẹ mḅọ inetẹ anị pẹị ḅa, anịanịa ọmịnị inetẹ anị kẹ mḅọ dẹrị ḅa. Ọmịnị anie fịafịatẹ sime kẹ KỊNỊNYANAḄỌ ọmịna Tamụnọ ḅe pịrị apụ. Ọmịnị oḅori iyingiḅọ ndo-minji kẹ pịrịarị kala-oḅori sọọ pẹị ma.

Ditẹrọnọmị 26:18

Anịsakị KỊNỊNYANAḄỌ ḅe mịmgba ó gboloma ye mịẹfinji tẹ mịnẹ ọmịnị anie ò soku ḅụ ọ̀ nyana atomi, ọ̀ wẹrịtẹ kẹ ọ́ karịma tẹ ḅara, anieḅụ ọmịnị ori oloko mamgba koko ḅa,

Ditẹrọnọmị 26:19

mịẹtẹ ori ọ́ saakị sịẹma gelema opu asịẹ mamgba tẹ ọ̀ mịẹ tẹ aị ma nẹngị ḅẹ ḅara, tokini ḅụ na, ereso ḅụ na, kụn na ḅụ, anieḅụ ọ́ ḅụụ fịafịama sime KỊNỊNYANAḄỌ ọmịna Tamụnọ ḅe pịrị ḅẹ ḅara, ọ̀ wẹrịtẹ ḍuko tẹ ḅara.

Ditẹrọnọmị 28:9

Ọ̀ wẹrịtẹ ye karị ḅara kẹ minini ọ́ pịrị tẹ ḅara, sime ò ḅioju pịrị fịafịatẹ gbọrụ atomi ḅara ḅụ, KỊNỊNYANAḄỌ ḅe ọ́ sịẹma kụrọma ḅa, ọ́ KỊNỊNYANAḄỌ ọmịna Tamụnọ ḅe oloko ma koko, tẹ ori etela ma ḅụ mẹnjị-mẹnjị.

Ditẹrọnọmị 33:3

Karakara-ḅara-ḅụ ori ori atomi ḅẹlẹmam; ịn mịẹ-fịafịama ọ̀ pịrị apụ mamgba ọ̀ ḅara ḅio emi; anị ḅara mie ini ị́ mẹnjị-aḅụọ ḍukamẹnjị ḅịa, ị́ ḅụụ datụkụma ọkịarị,

Ditẹrọnọmị 4:20

Kụma ọmịnị KỊNỊNYANAḄỌ ḅe ọmịna ọkị tẹ, Ijiputi ḅio ḅụ, ikulele orumo ḅio ọ́ pakama-ḅom, ó ḅo ò soku ḅụ ọ̀ nyana atomi sọ ḅẹ ḅara, anị wẹrịtẹ mịmgba sime-ḅara.

Ditẹrọnọmị 4:37

Gbala ori ọmịna aḍapụ ḅẹlẹma tẹ ịn ḅọrọ tẹso, ịna aḅụụ ḅụ paka-ḅo apụ sẹlẹ-ọkịm ẹrẹsị, tẹ ò gburo-gburotẹ opu kụrọ ḅụ ḅarana sime tẹ Ijiputi ḅụ ọ́ pakama-ḅom,

Tayịtọsị 2:14

Ọ̀ wa gotẹ ọ̀ ḅụụ saakị pịrịm, tẹ si-sịḅịḅio mẹmgba ḅụ wa pụkọ-pakamaḅo, tẹ wa mịẹtẹ wa kpaịntẹ atomi sọ tẹ sime ori kịngẹ pịrị, tẹ iḅiye ngẹrị mịẹ ḅẹ ḅio-sẹsẹ nyana.

1 Pita 2:9

Kụma ọmịnị ma anie Tamụnọ sẹlẹ-ọkị tẹ furo, Amadaḅọ agbamịẹapụ, fịafịa sịẹ, sime Tamụnọ pịrị atomi, sẹlẹ pakama-ḅo tẹ Tamụnọ ḅụụ-buama amịẹaị ma ḍuko wasama ḅẹ apụ, anie kanakana ḅio ọ́ sịn pakama-ḅo ḅalafama bele ḅio suu Tamụnọ ḅe.

2 Pita 2:5

Elemu sakị ḅẹ tomikiri mẹ sọ Tamụnọ papaa ḅara kẹ anị wẹrịso-a, kụma ori opu minji kẹ ḅo Tamụnọ nimi-a atomi ma tomikiri mẹ gbaịnm; ọ̀ ḅọrọma apụ anie Noha, tẹ karakara mịẹ ḍuko ḅọ ḅe na, ja sọnọma apụ na ngẹrị.

2 Pita 2:9

Tẹ mị-ḅara ḅụ KỊNỊNYANAḄỌ ḅe ọ̀ kẹ Tamụnọ nimi atomi ma adaa-ḍiki ma ḅụ ịn pụkọ-pakamaḅo ḅẹ ḅara nimi wararị, pịkị ọ̀ kẹ si-sịḅịḅio-sụapụ kẹ fomu-ḅara wẹrịma mu Ḅẹrẹkọn Ene mẹ la ḅẹ ḅara sọ nimi wararị,

1 Samụẹlị 12:22

Kẹ gotẹ ọkọ ḅẹẹarị, KỊNỊNYANAḄỌ ḅe ori atomi kẹ wakị-nguma ḅịa, ori opu ẹrẹ mẹ ẹrẹsị, anị gbala KỊNỊNYANAḄỌ ḅe ḅụụ-ḅẹlẹm ọ́ kẹ gbọrụ atomi mịẹ ọ̀ ḅụụ pịrị.