Ditẹrọnọmị 7:5 - FỊAFỊA BAỊBỤLỤ

⁵ Kụma mị-ḅara mie ọ́ kẹ ini na mịẹ ḅarịye: ọmịnị ịna ebeka ma kan-sara, tẹ ịna ịḅalị ma kẹ ye fomu pakịrị-pakịrị puu, tẹ ịna oru-fụḅara Asirimu pẹlẹ-gbiin, tẹ fịnị kẹ ịn kẹ ye kịkama tẹmẹ ḅụụ pịrị aị ma dọkịmaa.

Ditẹrọnọmị 7:5 Iomraidhean Croise

2 Amadapụ 10:26

tẹ Balị warị mẹ ḅẹ ịḅalị mẹ pakama-ḅo tẹ anị dọkịma.

1 Paka-aị 14:12

Ini ịna oru-atamụnọ ma wẹrịsom, tẹ Devidi nwẹnị tọn tẹ ini arị dọkịmam.

2 Paka-aị 14:3

Ori igoni ebeka ma na gele ayeyọ ma na saakị siinm, tẹ ịḅalị ma anyịma.

Paka-so 23:24

ọ́ sịḅị-tuu ịna oru-atamụnọ ma pịrị, anịanịa, fịrịmẹnjị ịn pịrị, anịanịa ini ịna akọrịnama kọrịarị ḅara kọrị ma, kụma ọmịnị ịkatakirikọn-a-ḅara kẹ ịn saakị sin, tẹ ịna ịḅalị ma kẹ pakịrị-pakịrị puu ḅa.

Paka-so 32:20

Ọ̀ nwẹnị kala nambulo ḅe tẹ ịn tẹmẹ ye mẹ ọkị tẹ fịnị kẹ anị dọkịma, tẹ anị gbẹẹ fọọn mịẹ, tẹ anị kẹ minji ḅio sara, tẹ nwẹnị Izirẹlị ḅẹ apụ ma mịẹ tẹ ini anị ḅuu.

Paka-so 34:13

Ọmịnị ịna ebeka ma kan-sara, tẹ ịna ịḅalị ma anyịma sara, tẹ ịna ere-oru Asirimu ma pẹlẹ-gbin ḅa.

Ayịzaya 17:8

Ịn ḅarị jen kẹ ini ḅarana nama agbamịẹ-anga ma ḅụ sịrẹrẹ ḅịa, anịanịa ịna ḅara-kuḅu ḅẹ kọrịnama kẹ ḅiokpọma, anie Asiriya oru ma na kụnụaị dọkịma agbamịẹ-anga ma na elekima ma.

Lẹvitikọsị 26:1

“Ọ́ sịḅị-tuu arị pịrị ḅẹ ḅara kẹ gbọrụ kpokobia sọ kara, anịanịa gbọrụ ye na kịkaye tẹmẹ anịanịa ịḅalị saakị sịẹma ọmịna aḅụụ pịrị ma, pịkị ye kịka ḅara sime ḍụḅarị tẹlẹma sịẹma ma; kẹ gotẹ ọkọ ḅẹẹarị, Yẹrị anie KỊNỊNYANAḄỌ ọmịna Tamụnọ ḅee.

Kịẹn-aḅịḅị 33:52

anịtẹrẹmẹ mie ọmịnị ama mẹ ḅe apụ mamgba dee pakama ḅarịye ọmịna tọrọkọ ḅụ, tẹ ịna ḍụḅarị akpokobịa mamgba na, ini ikulele kẹ tẹmẹ oru mẹmgba na ḅaa kọsịma, tẹ pịkị ịna gele ayeyọ (oru-awarị) mamgba kan-sara ḅarịye.

Ditẹrọnọmị 16:21

Ọ́ nama KỊNỊNYANAḄỌ ọmịna Tamụnọ ḅe pịrị ḅarị agbamịẹ-anga mẹ akaka ḅụ ọ́ ḅẹ sịn, ḅẹ sịn sọ ḍiḅi tẹ kẹ ịn kẹ Asịra sịn oru mẹ sọma ma.

Ditẹrọnọmị 16:22

Anịsakị ọmịnị ịḅalị tẹ KỊNỊNYANAḄỌ ọmịna Tamụnọ ḅe ḍiki-ḅioḅuarị gbọrụ ịḅalị sọ pike ma.

Ditẹrọnọmị 7:25

Ịn kẹ ye kịkama tẹmẹ wararị ịna oru-atamụnọ ma ọ́ fịnị kẹ arị dọkịma ḅa, arị ọgọnọ simearị seleḅa, anịanịa golu mẹ ọ́ nwẹn mọnị ma, anịanịa arị ọkị ọmịna aḅụụ pịrị; anieofori anị ḅofa ḍiein sọ tẹ ó tuu koroma; kẹ gotẹ ọkọ ḅẹẹarị, anị tọn-tọnye sọ KỊNỊNYANAḄỌ ọmịna Tamụnọ ḅe pịrị wararị.

Ditẹrọnọmị 9:21

Anịtẹso arị asambịrịma nambulo mẹ, siye mẹ tẹ ọ́ tẹmẹ ye mẹ ọkịm, tẹ fịnị kẹ anị dọkịma tẹ anị kọsịmam. Àrị anị gbẹẹ tẹ anị ḅẹ mgbọlị ịrụ lama nwenii anị fọọn ḍọkọḍọkọ ḅara ḍọkọḍọkọm; tẹ à fọọn mẹ kẹ kuroro mẹ tẹ tụndụ mẹ ḅụ puu ideriarị minji mẹ ḅio ngumam.