Ditẹrọnọmị 7:25 - FỊAFỊA BAỊBỤLỤ

²⁵ Ịn kẹ ye kịkama tẹmẹ wararị ịna oru-atamụnọ ma ọ́ fịnị kẹ arị dọkịma ḅa, arị ọgọnọ simearị seleḅa, anịanịa golu mẹ ọ́ nwẹn mọnị ma, anịanịa arị ọkị ọmịna aḅụụ pịrị; anieofori anị ḅofa ḍiein sọ tẹ ó tuu koroma; kẹ gotẹ ọkọ ḅẹẹarị, anị tọn-tọnye sọ KỊNỊNYANAḄỌ ọmịna Tamụnọ ḅe pịrị wararị.

Ditẹrọnọmị 7:25 Iomraidhean Croise

2 Amadapụ 23:14

Ọ̀ nwẹnị ịḅalị ma kẹ pakịrị-pakịrị puu, tẹ Asẹra fụḅara mẹ pẹlẹ-gbin tẹ tomina mgbe kẹ arị sime akiri ma sara ḅinma.

1 Paka-aị 14:12

Ini ịna oru-atamụnọ ma wẹrịsom, tẹ Devidi nwẹnị tọn tẹ ini arị dọkịmam.

Paka-so 20:17

Gbọrụḅọ-sọ amịna pembe tomḅọ warị mọnị ma; mḅọ taḅọ anịanịa diḅọ, anịanịa omoniapụ, anịanịa mḅọ pootẹ-anambulo, anịanịa mḅọ yedogi-nama, anịanịa ḅẹẹye-ḅẹẹye tẹ sime mḅọ pịrị ye goyegoye sọ mọnị ma.

Paka-so 32:20

Ọ̀ nwẹnị kala nambulo ḅe tẹ ịn tẹmẹ ye mẹ ọkị tẹ fịnị kẹ anị dọkịma, tẹ anị gbẹẹ fọọn mịẹ, tẹ anị kẹ minji ḅio sara, tẹ nwẹnị Izirẹlị ḅẹ apụ ma mịẹ tẹ ini anị ḅuu.

Paka-so 8:26

Kụma Mozizi nwẹnị pakịrị, “Anị ḅara mịẹ mẹ kura-a; kẹ gotẹ ọkọ ḅẹẹarị, Ijiputi-ḅẹ-apụ ma tọn-tọn agba mie wa mịẹ KỊNỊNYANAḄỌ wamịna Tamụnọ ḅe pịrị ḅarịye. Wa nwẹnị Ijiputi-ḅẹ-apụ ma tọrụ-ogbo ḅụ ịn tọn-tọn agba mịẹ kụma, ịn ḍụḅarị kẹ wa gbin ḅịa?

Ayịzaya 30:22

Ọmịnị ọmịna oru-afụḅara ma tẹ seleḅa kẹ sara gbaịn wararị aị ma na, golu kẹ sara gbaịn wararị aị ma na dogi so ḅa, tẹ arị kẹ gbin nguma, nguma tẹ ḅẹẹ ḅa, “À ḅarị jen kẹ ọmịnị ẹrị ma!”

Ayịzaya 41:24

Ọmịnị na ọ́ mịẹarị aị mamgba na papaa aị; sunsin ọ́ pịrịarị apụ ma ịn kịnị ḅụụ sịẹarị!

Lẹvitikọsị 13:52

Agbamịẹḅọ ḅe anị dọkịma ḅa, kẹ gotẹ ọkọ ḅẹẹarị, aniemẹ anie gbọrụ ye ḅụ saḅa mu jen ye laarị obi; ịn fịnị kẹ anị ḅụ sụa dọkịma ḅa.”

Lẹvitikọsị 19:4

“Ó sunsin oru-atamụnọ pịrị ma, pịkị ḅara kẹ tẹmẹ oru-atamụnọ tẹmẹ ọmịna aḅụụ pịrị ma. Yẹrị anie KỊNỊNYANAḄỌ ọmịna Tamụnọ ḅee.”

Zẹfanaya 1:3

tomi mamgba na nama amẹẹ na, feni ma na inji na. À mịẹ tẹ si-sịḅịḅio-sụapụ ma ḅịkị ḅa. À tomi mamgba ḅaa guluguluma ḅa, tẹ fịị-a so ḅẹ ḅọ paka ḅịa. Yẹrị KỊNỊNYANAḄỌ ḅe ọkọ ḅẹẹm.”

Ditẹrọnọmị 12:3

Ọmịnị ịna ebeka ma kaan-sara ḅa, tẹ ịna ịḅalị ma kẹ jen-jen fomu pakịrị-pakịrị puu ḅa, tẹ fịnị kẹ ịna oru-tamụnọ ịn kẹ Asirimu sịn ye mẹ dọkịma ḅa; ịna oru-atamụnọ ma tẹ ịn kẹ ye kịkama tẹmẹ-aị ma pẹlẹ-gbin tẹ anịjụ mẹ ḅụ anị ẹrẹ fama ḅa.

Ditẹrọnọmị 13:16

Ọmịnị anị ḅio ḅẹ aị mamgba kobiri anị ḅẹ ama-ogbo ḅụ sara ḅa, tẹ fịnị kẹ bebetẹ dọkịma agba mịẹ ḅara kẹ opu ama mẹ na, anị ḅio ḅẹ fọịn aị mamgba dọkịma KỊNỊNYANAḄỌ ọmịna Tamụnọ ḅe pịrị ḅa; anị gbọrụ kiri ḅụ kpoli sime gbamaso ḅa, ịn ḅarị jen kẹ sin anị nama ḅịa.

Ditẹrọnọmị 17:1

Ọ́ gbọrụ pootẹ-nambulo, anịanịa gbọrụ anana tẹ ḅẹkụ ḅụụ ḅụ emi nama, ḅẹ si ḅara, si ḅara sime ye sọ kẹ agba mịẹ KỊNỊNYANAḄỌ ọmịna Tamụnọ ḅe pịrị ma.

Ditẹrọnọmị 23:18

Kẹ sẹfị-ẹrẹḅọ ọkọ igbigi, anịanịa kẹ sẹfị owiḅọ anie obiri gbẹẹ igbigi ọ́ kẹ KỊNỊNYANAḄỌ ọmịna Tamụnọ ḅe warị mẹ ḅio sọ-ḅo tẹ kẹ gbọrụ ịlọ sọ suma ma; kẹ gotẹ ọkọ ḅẹẹarị, mịna maaịn mamgba anie KỊNỊNYANAḄỌ ọmịna Tamụnọ ḅe tọn-tọn-aị.

Ditẹrọnọmị 27:15

Wori-nume sime oriḅe tẹ ḅara kẹ ye kịkama kara, anịanịa tẹmẹ amịna ḅụụ pịrị ḅọ ḅe pịrị, KỊNỊNYANAḄỌ ḅe ḅụụ tọn-tọn-pịrịye, ḅara akanịḅọ aḅara mịẹ gberie, tẹ ḅọị ḅara kẹ saakị sịẹma ye. Anịsakị tomi mamgba pakịrị tẹ ḅẹẹ ḅa, “Amẹnị.”

Ditẹrọnọmị 7:16

Tomi-kụlọkụlọ tẹ KỊNỊNYANAḄỌ ọmịna Tamụnọ ḅe saḅama ọ́ pịrị ḅarị apụ goyegoye ọmịnị ịn ḅaa ḅa, ọmịnị ịn ḍiki sịḅị-jịrị ma, ọ́ pịkị fịrịmẹnjị ịna oru-atamụnọ pịrị ma, kẹ gotẹ ọkọ ḅẹẹarị, aniemẹ ḍiein sọ ọ́ pịrị ḅa.

Ditẹrọnọmị 7:5

Kụma mị-ḅara mie ọ́ kẹ ini na mịẹ ḅarịye: ọmịnị ịna ebeka ma kan-sara, tẹ ịna ịḅalị ma kẹ ye fomu pakịrị-pakịrị puu, tẹ ịna oru-fụḅara Asirimu pẹlẹ-gbiin, tẹ fịnị kẹ ịn kẹ ye kịkama tẹmẹ ḅụụ pịrị aị ma dọkịmaa.

Jọsụwa 7:1

Kụma Izirẹlị ḅẹ atomi ma “Sime ḅaa na gulugulma na pịrị aị” ma oloko mẹ kanm. Ịn kẹ Ekanị sịn owiḅọ anie Kami owiḅọtụḅọ pịkị Zabidi taa-owiḅọtụḅọ pịkị Zera ile-owiḅọtụḅọ ḅe tẹ Juda furo ḅụ ḅo ḅọ ḅe “Sime ḅaa na guluguluma na pịrị aị” ma ḅẹ jaị ọkịm, tẹ KỊNỊNYANAḄỌ ḅe ịganị nwẹnị kọrị Izirẹlị ḅẹ atomi ma da-paka.

Jọsụwa 7:21

Ọmụ ḅio ọkị aị ma ogbo-ḅio à Sina ḅụ ḅo gbọrụ iḅitẹ ḅara ofori ọgọnọ gbana opu kapa na, seleḅa pakịrị oyia asi na, golu kpoo mesi oyi finji iku kọn golu gbọrụ kpo na ẹrịm, tẹ nwẹnị arị mọnị tẹ arị ọkị; anịsakị ḍikii, arị ị̀ akpụrụ-warị ḅio arị kẹ kiri-ḅio ḍiḅi tẹ seleḅa mẹ kẹ arị suku-ḅio suu wararị.”

Mịẹfinji 17:5

Á fụḅara ḅọkọ ḅụ tomi inetẹ nimi ḅo ḅịa fieye nyana ẹrẹ kẹẹ wararị: “Opu Babịlọnị, ama-mẹnjị-ereme mamgba iyingiḅọ, anie tomikiri mẹ pịkị-iḅoarị apụ ma.”