Ditẹrọnọmị 7:23 - FỊAFỊA BAỊBỤLỤ

²³ Kụma KỊNỊNYANAḄỌ ọmịna Tamụnọ ḅe ịn saḅama ọ́ pịrị ḅa, tẹ ịn kẹ gburo-gburotẹ tọrụ-ḅalaḅala ḅio gbin su ḅa, nwenii ịn fịị fama ḅa.

Ditẹrọnọmị 7:23 Iomraidhean Croise

Paka-so 23:27

“Tomi mamgba tẹ ó ḅo la tẹ da-paka ḅarị apụ ma à tarị ọmịna tọrọkọ ị̀ tẹmẹ-naịn-naịn kẹ ịn fịrịma tẹ ịn kẹ ḅịḅị-kẹ-ogbosọ-a ḅio gbin suu ḅa, anịsakị à mịẹtẹ ọmịnị na fịya-a apụ mangị ḅụ ịna oḅukulo kẹ ọ́ da ḅa.

Ayịzaya 13:6

Akụye ḅụ olokuu! KỊNỊNYANAḄỌ ḅe eneḅaka ḅo kpeki tẹ, KỊNỊNYANAḄỌ ḅe ye guluguluma ḅẹ ene mẹ.

Jerimaya 17:18

Tọrụ-tuu ọkị-ḅo ḅaa-ḅọkọ kẹ ị̀ ḍọkịarị apụ ma pịrịị, kụma ḅara-wẹrị ị̀ pịrị, KỊNỊNYANAḄỌ. Tẹmẹ-naịn-naịn kẹ ịna ḅụụ ḅio suu ḅinma, kụma yẹrị ị̀ tẹmẹ-naịn-naịnma ma. Opu ḅụụ-fụka ọkị-ḅo ịna ọgọnọ gbana tẹ ịn gbẹẹ-kọsịmaa.

Jowẹlị 1:15

Yei, anị ḅalafama ene mẹ! Anị Kụrọmamgba-nyana KỊNỊNYANAḄỌ ḅe amakiri mẹ guluguluma ḅarị ene mẹ ḅo kpeki tẹẹ.

Ditẹrọnọmị 2:15

Gbala KỊNỊNYANAḄỌ ḅe ḅara mẹ akpụrụ-warị mẹ ḅio ịn ḅaa nwenii ịn fịị fa fama ḅẹm ẹrẹsị karakara ḅara kẹ ịn da-pakam.

Ditẹrọnọmị 31:5

KỊNỊNYANAḄỌ ḅe ịn saḅama ọ́ pịrị ḅa, tẹ tọn wararị ḅara mẹmgba tẹ à tọn ọ́ pịrị tẹ ḅara mẹ kẹ ọmịnị ịn mịẹ ḅa.

Ditẹrọnọmị 8:20

Opu asịẹ ma tẹ KỊNỊNYANAḄỌ ḅe ọmịna tọrọkọ ḅụ mịẹtẹ ịn fịị fa ḅara, mie ọ́ fịị fa ḅarị ḅara, gbala ọ́ KỊNỊNYANAḄỌ ọmịna Tamụnọ ḅe pọkọ poki-a ẹrẹsị.

Ditẹrọnọmị 9:3

Anịẹrẹsị mịmgba ó nimi mịnẹ oriḅe tẹ ọmịna tọrọkọ tarị ye guluguluma kọrị fịnị ḅara kẹ saḅa ḅọ ḅe anie KỊNỊNYANAḄỌ ọmịna Tamụnọ ḅe; ori ịn ḅaa ḅa, tẹ mịẹtẹ ịn sịḅị-tuu ḅa ọmịna tọrọkọ, anieḅụ ọmịnị in dee pakama ḅa, tẹ mịẹtẹ ịn fọnya fịị fa ḅa, KỊNỊNYANAḄỌ ḅe kẹ wẹrịtẹ ọ́ karịma tẹ ḅara.

2 Tẹsalonịka 1:9

Ịn la ḅarị fomu-ḅara anie fịị-faa gbamaso, tẹ KỊNỊNYANAḄỌ ḅe tọrọkọ na ori opu ebube kụrọ mẹ na ḅụ ini in sikima ḅa,

Jọsụwa 10:10

KỊNỊNYANAḄỌ ḅe nwẹnị ịn kẹ bẹkẹ ḅalafa ḅio gbin su Izirẹlị tẹ Gibiyọnị ḅụ gburo-gburoma ịn ḅaa apụ ma, tẹ kpọlị iwo Bẹtị-horoni muarị etela mẹ ḅụ ịn ḍuka tẹ ịn ḅaa ma mu Azika na, Makẹda na jụjụ-ḅio la apụ ma tọrọkọ ḅụ.

Ḅẹrẹkọn-apụ 4:15

Barakị owu mẹ saakị sakị, KỊNỊNYANAḄỌ ḅe nwẹnị Sisera na, ò kirimẹnjị-ọmụarụ mamgba na, ori ọmụ-ogbo mẹmgba na tọrụ-ḅalaḅalama. Sisera nwẹnị ò kirimẹnjị-ọmụarụ mẹ ḅio koro tẹ ḅụọ kẹ ḍumo-mangị kọnma so.