Ditẹrọnọmị 7:18 - FỊAFỊA BAỊBỤLỤ

¹⁸ Ọmịnị ịn ḍiki-ḅalafa ma; kụma ọ́ KỊNỊNYANAḄỌ ọmịna Tamụnọ ḅe kẹ Fero na, Ijiputi mamgba na mịẹ ye kẹ ḅiokoroma ḅa.

Ditẹrọnọmị 7:18 Iomraidhean Croise

Devidi-Anume 105:5

Ọmịnị ò kọrị tẹ ḅụụ-buama akọrịnama na ḅụụ-gbiripuma aị ma na kẹ ḅiokoroma, na ọ̀ kọn tẹ aḅẹrẹ ma na.

Devidi-Anume 77:11

KỊNỊNYANAḄỌ, àrị ị́ kọrị tẹ opu aị ma kẹ ḅiokoroma ḅa; ḅọrọ tẹ sakị ḅụ ị́ mịẹ ḅụụ-buama-aị ma à sịn pịkị-ḅo ì ḅioḅẹngbọ suu ḅa.

Devidi-Anume 77:12

Àrị ị́ mịẹ tẹ aị mamgba kẹ kuroma ḅụ suu ḅa; àrị ị́ kọrị tẹ opu kụrọtẹ aị mamgba pekele-ḍiki ḅa ì ḅioḅẹngbọ ḅụ.

Devidi-Anume 78:11

Ọ̀ kọrị tẹ aị ma ịn kẹ ḅioḅọrọmam, ọ̀ mịẹ tẹ ịn tọrụngbọ kẹ ẹrị ḅụụ-buama-aị ma.

Kịẹn-aḅịḅị 13:9

Benijamịnị furo ḅụ, Paliti, Refu owiḅọtụḅọ ḅe

Kịẹn-aḅịḅị 21:34

Kụma KỊNỊNYANAḄỌ ḅe nwẹnị Mozizi ḅẹẹ, “Ịn ḍiki-ḅalafa ma; kẹ gotẹ ọkọ ḅẹẹarị, àrị ori na ori atomi mamgba na, ori ama na kẹ ị́ ḅara-ḅio ḅụ ị́ pịrị tẹẹ; anịsakị ị́ kẹ Siyọnị Amọrayịtị apụ ma amadaḅọ ḅe tẹ Ẹsịbọnị ḅụ anga ḅọ ḅe mịẹ ḅara kẹ ọ̀ mịẹ ḅa.”

Ditẹrọnọmị 1:21

Ḍikii, KỊNỊNYANAḄỌ ọmịna Tamụnọ ḅe ama mẹ kẹ ọmịna tọrọkọ koroma tẹẹ; ọmịnị iwo muu, tẹ KỊNỊNYANAḄỌ ọmịna aḍapụ ma Tamụnọ ḅe ḍuko ọ́ pịrị ḅara ḅụ ọkị nyanaa; ọ́ ḅalafa, anịanịa, ḅụụ tukutuku nyana ma.

Ditẹrọnọmị 1:29

Anịtẹso, à nwẹnị ọ́ ḅẹẹ: Ọmịnị opu ḅalafa nyana, anịanịa in ḍiki-ḅalafa ma.

Ditẹrọnọmị 1:30

KỊNỊNYANAḄỌ ọmịna Tamụnọ ḅe tẹ ọmịna tọrọkọ-tarịarị ḅọ ḅe ḅarana owu mẹ sọ ọ́ pịrị ḅa, ọ̀ wẹrịtẹ Ijiputi ḅụ ọmịna atọrụngbọ mịẹ ọ́ pịrị ḅara pembema ḅara,

Ditẹrọnọmị 20:1

Ọmịnị ọmịnị na fịya-a apụ na ọmụgbin ḅẹ sakị, tẹ ọ́ tọnwa asụ na, kirimẹnjị-ọmụarụ na, ḍụḅa ọ́ soku-ḅẹ ọmụ-ogbo nẹngị ọmụ-ogbo na ẹrị-ẹrị, ọmịnị in ḍiki ḅalafaa ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị na emi, oriḅe tẹ Ijiputi ama mẹ ḅụ ó ḍikiḍiki pakama-ḅo ḅọ ḅe.

Ditẹrọnọmị 3:6

Wa ịkatakirikọn-a-ḅara kẹ ịn ḅaam, wa kẹ wẹrịtẹ Siyọnị, Ẹsịbọnị ḅẹ amadaḅọ ḅe mịẹ ḅara, opu ama goyegoye ḅụ owiapụ na, ereme na, awọmẹ na ḅaa ḅụ.

Ditẹrọnọmị 31:5

KỊNỊNYANAḄỌ ḅe ịn saḅama ọ́ pịrị ḅa, tẹ tọn wararị ḅara mẹmgba tẹ à tọn ọ́ pịrị tẹ ḅara mẹ kẹ ọmịnị ịn mịẹ ḅa.

Ditẹrọnọmị 31:6

Iḅi ḅiokpọ ḅụ ọ́ kụrọ sịẹsime, ó siye ḅụụ la ḅẹ kuroma, anịanịa opu ḅalafa nyana ma ịna aḅụụ; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe mie ọmịnị na muarị ye; ori ó pikirima, anịanịa ọ́ sịkị ḅịa.”

Jọsụwa 8:1

KỊNỊNYANAḄỌ ḅe nwẹnị Jọsụwa ḅẹẹ, “Ḅalafa, anịanịa ḅụụ-tukutuku ma; owu mẹ sọarị owiapụ mamgba ọkị ị́ ḅụụ sụa, tẹ saakị tẹ iwo Ayị muu. Ḍikii, à Ayị ḅẹ amadaḅọ ḅe na, ori atomi na, ori opu ama na, ori ama na kẹ ị́ ḅara-ḅio ị́ pịrị tẹ.

Ḅẹrẹkọn-apụ 6:13

Gidiyọnị nwẹnị ọ̀ ḅẹẹ, “Àrị ị́ tẹkẹm, sịḅịdaḅọ, KỊNỊNYANAḄỌ ḅe wamịnị na emi nwẹn ḅẹẹ kụma, mie mẹmgba tiegotẹ ḅo wamịna ḅụụ pakaarị. Ndẹẹ ọ̀ ḅụụ-gbiripuma amịẹaị ma tẹ wamịna ḍapụ ma ḍuko wa pịrị-pịrị aị ma, tẹ ḅẹẹm, Ijiputi ḅụ wa ọkị-ḅo ḅọ ḅe KỊNỊNYANAḄỌ ḅe ori-a? Kụma mịọkụ KỊNỊNYANAḄỌ ḅe wa kẹ wakị nguma tẹ, wa kẹ Midiyanị ḅara-ḅio suu tẹ.”