Ditẹrọnọmị 7:16 - FỊAFỊA BAỊBỤLỤ

¹⁶ Tomi-kụlọkụlọ tẹ KỊNỊNYANAḄỌ ọmịna Tamụnọ ḅe saḅama ọ́ pịrị ḅarị apụ goyegoye ọmịnị ịn ḅaa ḅa, ọmịnị ịn ḍiki sịḅị-jịrị ma, ọ́ pịkị fịrịmẹnjị ịna oru-atamụnọ pịrị ma, kẹ gotẹ ọkọ ḅẹẹarị, aniemẹ ḍiein sọ ọ́ pịrị ḅa.

Ditẹrọnọmị 7:16 Iomraidhean Croise

Devidi-Anume 106:34

Ini oru nimi apụ ma ḅaa-a, KỊNỊNYANAḄỌ ḅe tọn ịn pịrịm ịn mịẹ ḅẹ ḅara,

Devidi-Anume 106:36

Tamụnọ atomi ma sunsin oru-afụḅara pịrịm, tẹ miemẹ ịn ḅaa guluguluma ye sọm.

Paka-so 23:33

Ini ọmịna ama mẹ ḅio anga ḅịa; anieofori ịn ḅofa ọ́ mịẹ tẹ ọmịnị ị̀ ḅụụ si mịẹ; kẹ gotẹ ọkọ ḅẹẹarị, ọ́ fịrịmẹnjị ịna oru-atamụnọ ma pịrị-pịrị, tụkụma ḅara ḅụ anị ḍiein sọ ọ́ pịrị ḅa.”

Jerimaya 21:7

Kụma ị́yẹrị na, í fịrịmẹnjị-opuapụ na, ama mẹ ḅio ọmụ ḅụ na ḅuru-kụrọ ḅụ na obi ḅụ na fịị-a so apụ ma na wẹrịso tẹ Ama-da Nebukadineza na si kẹ ọ́ tọn apụ tẹ ọ́ ḅaa ḅẹ ḍọkịarị apụ ma na ó kun-so ḅa. Ọmịna ḅụ ḅụụ ọ̀ wẹrịso ḅẹ ḅọ ofori, anịanịa ọkụrụkụrụ, anịanịa ḍiki-sịḅịjịrị nyana gbọrụḅọ kịngẹ sọ pịrị ḅịa. Yẹrị, KỊNỊNYANAḄỌ ḅe ọkọ ḅẹẹm.”

Kịẹn-aḅịḅị 33:55

Kụma ọmịnị ọmịna tọrọkọ ḅụ ama mẹ ḅẹ apụ ma dee pakama fama-a ḅẹḅẹ, anịrẹ ini ḅẹ apụ ma tẹ ọ́ wẹrịso tẹ sime apụ ma ḅala kẹ ọmịna atọrụngbọ temi apụ na, ọmịna agaga kpara anangị na sọ ḅa; anịsakị ama mẹ tẹ ọmịnị angarị anga mẹ ḅụ ini ọmịna ḅụụ fụkama ḅa.

1 Kọrịntị 15:33

Ọ́ ḍụkụ tẹ kịnị oḅori kẹ ọ́ sịn ma. “Si ikia-ogbo iḅi-yemịẹ-ḅara sima simam.”

Ditẹrọnọmị 13:8

ọ́ ḅụụ-sịkị ọ̀ pịrị anịanịa ò poki ma, anịanịa ọmịnị ò ḍiki sịḅị-jịrị, anịanịa wẹrịso ọ̀ pịrị, anịanịa ọ̀ gbaịn;

Ditẹrọnọmị 13:9

kụma ọmịnị ọ̀ ḅaa ḅa; ọ̀ ḅaa ḅụ, ọmịna ḅara tarị ọ̀ da-paka ḅa, anịtẹrẹmẹ tomi mamgba ḅara sọ ḅa.

Ditẹrọnọmị 19:13

Ọmịnị ò ḍiki sịḅị-jịrị ma, kụma ọmịnị Izirẹlị ḅụ mịẹye-ofori ọmbie ḅẹrẹ-ḅarasii mẹ sịkịrị sin ḅa, mịẹtẹ anị ọmịnị na iḅi ḅẹ ḅara.

Ditẹrọnọmị 19:21

Ọmịna atọrụngbọ anị ẹrị tẹ sịḅị-jịrị ma; anị sime ḅarị ḅara ḍumo sime ḍumo pịrịm, tọrụngbọ sime tọrụngbọ pịrịm, aka gbọrụmgbọ sime aka gbọrụmgbọ pịrịm, ḅara sime-ḅara pịrịm, ḅụọ sime ḅụọ pịrịm.

Ditẹrọnọmị 25:12

anịrẹ ọmịnị á ḅara pẹlẹ-siin ḅa; ọmịnị á ḍiki sịḅị-kụrụkụrụ ma.

Ditẹrọnọmị 7:2

KỊNỊNYANAḄỌ ọmịna Tamụnọ ḅe ịn ḅọrọma ọ́ pịrị tẹ ọmịnị ịn nẹngịma sakị, ọmịnị ịkatakirikọn-a-ḅara kẹ ịn ḅaa nyanam; ọmịnị ini na gbọrụ ọḅọkụ sọ fị tẹ ọkụrụkụrụ nyana ịn pịrị ḅịa.

Ditẹrọnọmị 7:25

Ịn kẹ ye kịkama tẹmẹ wararị ịna oru-atamụnọ ma ọ́ fịnị kẹ arị dọkịma ḅa, arị ọgọnọ simearị seleḅa, anịanịa golu mẹ ọ́ nwẹn mọnị ma, anịanịa arị ọkị ọmịna aḅụụ pịrị; anieofori anị ḅofa ḍiein sọ tẹ ó tuu koroma; kẹ gotẹ ọkọ ḅẹẹarị, anị tọn-tọnye sọ KỊNỊNYANAḄỌ ọmịna Tamụnọ ḅe pịrị wararị.

Jọsụwa 11:20

Gbala ịna aḅioḅẹngbọ ma kụrọma mẹ anie KỊNỊNYANAḄỌ ḅe mịẹarị ye mịnẹ ini Izirẹlị da-paka owu ḅụ mịẹtẹ ini ịkatakirikọn-a-ḅara kẹ fịị ḅẹ ḅara tẹ ḍiki-ḅụụjịrị nyana ḅịa, kụma gbọrsịḅị ịna tọrụ fama ḅẹ ẹrẹsị; KỊNỊNYANAḄỌ ḅe wẹrịtẹ tọn Mozizi pịrị ḅara.

Ḅẹrẹkọn-apụ 2:12

Ịn KỊNỊNYANAḄỌ ḅe, ịna aḍapụ ma Tamụnọ ḅe tẹ Ijiputi ḅẹ ama mẹ ḅio ịn pakama-ḅo ḅọ ḅe sịkịm; ịn tomi ma tẹ ini ikelema-koro wararị apụ ma oru-atamụnọ ma ogbo-ḅio ḅụ oru-atamụnọ ḍukamẹnjịm, tẹ sịḅị-tuu ịn pịrịm, tẹ ịn nwẹnị KỊNỊNYANAḄỌ ḅe ịganị sịn saakị.

Ḅẹrẹkọn-apụ 2:3

Anieḅụ mịọkụ à ḅẹẹm, à ḅarị ọmịna tọrọkọ ịn dee ḅịa; kụma ịn ḅo ọmịnị na fịya-a apụ sọ ḅa, anịsakị ịna oru-atamụnọ ma ḍiein sọ ọ́ pịrị ḅa.”

Ḅẹrẹkọn-apụ 3:6

Ini ịna eremịna-awọmẹ ọkị simem, tẹ ịna soku-ḅẹ eremịna-awọmẹ kẹ ịna owiapụ-awọmẹ pịrị simem; tẹ ịn nwẹnị fịrịmẹnjị ịna oru-atamụnọ ma pịrị.

Ḅẹrẹkọn-apụ 8:27

Gidiyọnị nwẹnị golu mẹ ḅụ ye ọkị tẹ kẹ oru-fụḅara tẹmẹ tẹ kẹ ori opu ama Ọfịra ḅụ koroma; tẹ Izirẹlị mẹmgba nwẹnị anịanga mu-mu anị ḅụ sẹfị tii mẹ kọn, tẹ anị ḅo ḍiein sọ Gidiyọnị na ọ̀ paka-furo na pịrị.