Ditẹrọnọmị 7:12 - FỊAFỊA BAỊBỤLỤ

¹² Anịsakị ọ́ mịna kụrọ ḅara-ḅio sime apụ sụa oloko ma koko, tẹ arị mịẹ ẹrẹsị, KỊNỊNYANAḄỌ ọmịna Tamụnọ ḅe ọmịnị na, ọḅọkụ mẹ na jike-a ḅẹlẹma mẹ na, tẹ ò ye karị ḅara kẹ minini ọmịna aḍapụ pịrịm ịn koko ḅẹ ye mẹ, koko ḅa.

Ditẹrọnọmị 7:12 Iomraidhean Croise

1 Amadapụ 8:23

tẹ ḅẹẹ, “Yei KỊNỊNYANAḄỌ, Izirẹlịapụ tẹkẹarị Tamụnọ, So-ḅio ḅẹ ọgọnọ-jụ ḅụ na suku-ḅio ḅẹ kiri mẹ na ḅụ í pembema Tamụnọ ofori! Ị́ ị́ atomi ma na fị ọḅọkụ mẹ kokom tẹ ị́ ḅẹlẹma kẹ ịn ḍiem ini ịna bebe ḅioḅẹngbọ mẹmgba kẹ ị́ ḅịḅị poki tẹ ị́nịna anga sakị sakị

Nehimaya 1:5

Yẹrị mẹẹ, “yei So-ḅio ḅẹ KỊNỊNYANA-TAMỤNỌ, gburo-gburotẹ tẹmẹ-naịn-naịnma Tamụnọ, tẹ ọḅọkụ koko tẹ jike-a ḅẹlẹma wẹrị kẹ ọ̀ ḅẹlẹma tẹ ori oloko koko apụ pịrị ḅọ,

Nehimaya 9:32

“Anịẹrẹsị mịọkụ yei wamịna Tamụnọ, gburo-gburotẹ kụrọ-nyanatẹ tẹmẹ-naịn-naịnmarị Tamụnọ! Tẹ ọḅọkụ na jike-a ḅẹlẹma na kokoarị ḅọ, yee Asiriya ḅẹ amadapụ ma sakị kụra-ḅio ḅo mịmgba la ḅụ wamịna amadapụ na, wamịna amadapụ awọmẹ na, wamịna agbamịẹapụ na, wamịna ịkịankoroapụ na, wamịna ḍapụ na, í atomi mamgba na ọgọnọ gbana ḅụụ-fụka mamgba ị́ ḅụụ kalịye sọma.

Devidi-Anume 103:18

anie ịna ḅụ karakara ḅara kẹ sịẹsime ori ọḅọkụ mẹ pịrị tẹ ḅioḅẹngbọ-kẹ-sịrẹrẹ-niḅi ḅara kẹ ọ̀ tọn kuroma aị ma poki tẹ kokoarị apụ ma.

Devidi-Anume 149:9

kẹ fomu-ḅara kẹ sịẹ-sịẹ ma pịrị. Tamụnọ tọn tẹ ḅara ḅụ. Miemẹ anie Tamụnọ atomi ma owu-ḅara-iḅi mẹ. Ọ́ KỊNỊNYANAḄỌ ḅe tokinii!

Paka-so 15:26

Ọ̀ ḅẹẹm, “Ọmịnị ma nwẹnị yẹrị ọmịna Tamụnọ ḅe pọkọ poki tẹ bala ḅara kẹ iḅiọkụ aniemẹ tẹ ị̀ tọrụ ḅụ kuraye mịẹ, tẹ à tọnm mịẹ ḅẹ aị ḍiki mịẹ, pịkị kẹẹ wararị oloko mamgba kokom ḅẹḅẹ, obi ma tẹ à kẹ Ijiputi-ḅẹ-apụ ma ọgọnọ gbana aị ma ḅẹ gberie-sọ à kẹ ọmịna ọgọnọ gbana ḅịa, gbala yẹrị anie KỊNỊNYANAḄỌ ḅee, ọ́ gwọarị ḅọ ḅe ẹrẹsị.”

Jerimaya 11:5

Anịtẹso àrị à minini ịna elemu aḍapụ ma pịrị ye mịẹm, tẹ ḅụụ-ḅẹlẹmatẹ iḅiọkụma fịye so-pakamarị amakiri mẹ kẹ ịn pịrịm, mịọkụ ịna ḅara la tẹ amakiri mẹ.” À ḅẹẹm, “KỊNỊNYANAḄỌ, ọkọọ.”

Danẹlị 9:4

À KỊNỊNYANAḄỌ ị̀ Tamụnọ ḅe tẹkẹ tẹ ị̀ atomi ma asi ma ḍuko-pakamam. À ḅẹẹm, “KỊNỊNYANA-TAMỤNỌ, Ị́ ḍụḅam, tẹ wa ị́ kụn-arị. Í ḅioḅẹngbọ kẹ ḅụụ ḅụ gbana na-iḅi ḅara sime ị́ ọḅọkụ mẹ pịrịarị tẹ kuno-kuno-a ḅẹlẹma kẹ ị́ ḅẹlẹma tẹ í oloko kokoarị apụ ma ḍiearị.”

Mayịka 7:20

Ị́ wẹrịtẹ kẹ iḅere-iḅerea kụra-ḅio wamịna atẹngịapụ karịma ḅara, ị́ í minini na, jike-a ḅẹlẹma na nyana ị́ atomi, Ebira-amụ ḅụụ paka-ḅo apụ ma na, Jekọbụ ḅụụ paka-ḅo apụ ma na pịrị ḅa.

Luku 1:55

Ò ḅiokoroma tẹ ḍiki-ḅụụjịrị nyana Ebira-amụ na, pịkị ò furo-ḅẹ-apụ mamgba na pịrị gbamaso tẹ!”

Ditẹrọnọmị 1:8

Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 11:13

Anịsakị ọ́ nwẹnị KỊNỊNYANAḄỌ ọmịna Tamụnọ ḅe ḅẹlẹma, tẹ ọmịna ḅioḅẹngbọ mẹmgba na ọmịna tẹmẹ mẹmgba na kẹ fịrịmẹnjị ọ̀ pịrị ḅẹẹm tẹ ì oloko ma tẹ mịmgba à tọn ọ́ pịrị aị ma poki poki,

Ditẹrọnọmị 5:10

Kụma à jike-a ḅẹlẹma nyana kẹ ịna aḅụụ kịnị maa ẹndẹ oyia asi finji finji pịrịarị, inima tẹ ị̀ ḅẹlẹma tẹ ì oloko ma kokoarị apụ ma.

Ditẹrọnọmị 7:11

Ọmịnị anịẹrẹsị ḅụụ ẹbị-bịtẹ oloko mẹ na, kẹẹ wararị oloko ma na, kụrọ ḅara ḅio sime apụ sụa oloko ma na tẹ mịmgba à tọn ọ́ pịrị aị ma mịẹ ḅa.

Ditẹrọnọmị 7:9

Ọkọẹrẹsị ó nimi mịnẹ KỊNỊNYANAḄỌ ọmịna Tamụnọ ḅe anie Tamụnọ, minini nyana Tamụnọ, tẹ ọḅọkụ koko tẹ jike-a ḅẹlẹma nyana kẹ inima tẹ ọ̀ ḅẹlẹma tẹ ori oloko koko apụ ma pịrịarị mu ḅụọ maa ẹndẹ oyia asi finji finji laarị,