Ditẹrọnọmị 7:10 - FỊAFỊA BAỊBỤLỤ

¹⁰ anịsakị inima tẹ ò ḍiki-ḅioḅu apụ ma ori ịna tọrụ-ogbo ḅụ ịn mịẹye mẹ kẹ ịn gbẹẹarị ịn ḅaa guluguluma ḅụ, anịsakị ori oriḅe tẹ ò ḍiki-ḅioḅuarị ḅọ ḅe ḅụ ọ̀ ḅara foofoma ḅịa, ọ̀ tọrụ-ogbo ḅụ ọ̀ mịẹye mẹ kẹ ọ̀ gbẹẹ ḅụ.

Ditẹrọnọmị 7:10 Iomraidhean Croise

Paka-so 20:5

Ọ́ sunsin anịanịa fịrịmẹnjị arị pịrị ma, gbala yẹrị KỊNỊNYANAḄỌ ọmịna Tamụnọ ḅe anie afana Tamụnọ ẹrẹsị. À fomu-ḅara kẹ inima tẹ ị̀ ḍiki-ḅioḅuarị apụ ma pịrịarị, pịkị anị kẹ ịna awọmẹ ma ọgọnọ gbana mu tẹrẹị karama ḅụọ-ḅẹ-apụ na, ini karama ḅụọ-ḅẹ-apụ na laarị.

Paka-so 34:7

À jike-a ḅẹlẹma nyana tomi pịrịarị mu ḅụọ-fa-ḅụọ-paka la. Àrị iri-amịẹaị na, oloko kan na, si na wẹrịsoarị; kụma gbala-gbala à ḅẹrẹ-ḅarasii-ḅọ mẹ wẹrịso ḅịa, tẹ ḍapụ-na-iyingiapụ-na mịẹ asi ma gotẹ fomu-ḅara kẹ ịna awọmẹ na, taa-awọmẹ na, ile-awọmẹ na ọgọnọ gbanarị.”

Egberima-Ẹkwẹn 11:31

Iḅi atomi mịẹ ye tomikiri ḅụ, ini ịna gbẹẹ-ye nyanarị; mie ḅụ í inetẹ nimi ḅa mịnẹ si-sịḅịḅio-sụa si-mịẹapụ ma sọ amịna gbẹẹ-ye nyana ḅa.

Ayịzaya 59:18

Si kẹ ọ̀ tọn apụ ma mịẹ ye mie ò ḍiki tẹ fomu-ḅara kẹ ịn pịrị ḅarịye, jen-a jen-a sụma-jụ ḅẹ amakiri ma ḅụ angarị apụ ma.

Jerimaya 32:18

Í kuno-kuno-a ḅẹlẹma nyana kịnị ẹndẹ-ẹndẹ pịrịarị, kụma ị́ pịkị fomu-ḅara kẹ tomi pịrịarị ịna ḍapụ-na-iyingiapụ-na asi gotẹ. Ị́yẹrị anie opu na kụrọ na nyana Tamụnọ; ị́yẹrị anie Kụrọmamgba nyana KỊNỊNYANAḄỌ ḅee.

Nahọmụ 1:2

KỊNỊNYANAḄỌ ḅe anie afana Tamụnọ, tẹ gbẹẹfị ḅiiarị ḅọ; KỊNỊNYANAḄỌ ḅe ọ̀ gbẹẹfị ḅiiarị, tẹ pịkị kụrọ ịganị kọn-kọnm; KỊNỊNYANAḄỌ ḅe ori na fịya-a apụ ḅara gbẹẹfị ọkịarị tẹ ịganị wẹrị ori na fịya-a apụ pịrị-pịrịm.

Kịẹn-aḅịḅị 10:35

Anị sakị Ọḅọkụ-Igbe mẹ saakị mẹnjị sakị mẹnjị sakị Mozizi ḅẹẹm: “Saakịị, Yei KỊNỊNYANAḄỌ! Tẹ yee í na fịya-a apụ ma gala-gala, tẹ yee í ḍiki-ḅioḅuarị apụ ma ị́ tọrọkọ ḍumo-mangị kọn.”

Kịẹn-aḅịḅị 14:18

KỊNỊNYANAḄỌ ḅe ọ̀ nwana-nwanama ịganị ịganị-a, tẹ jike-a ḅẹlẹma ọ̀ ḅụụ emi, tẹ mịẹ-irima na oloko kan na wẹrịsoarị. Kụma ò gotẹ ḅẹrẹ-ḅarasii-ḅọ mẹ wẹrịso ḅẹ ye ofori, tẹ ḍapụ-na-iyingiapụ-na mịẹ asi ma gotẹ fomu-ḅara kẹ ịna awọmẹ na, taa-awọmẹ na, ile-awọmẹ na ọgọnọ gbanarị.’

Romu 12:19

Ì ikiapụ, ọ́ gbẹẹfị ḅii ma, kụma anie nakara ọ́ wẹrịso Tamụnọ pịrị tẹ ori ḍiki tẹ ḅii. Kẹ gotẹ ọkọ ḅẹẹarị, Fịafịa Ḍiri mẹ ḅẹẹm, “À gbẹẹfị ḅii ḅa, à gbẹẹ gbasịma ḅa, KỊNỊNYANAḄỌ ḅe ọkọ ḅẹẹm.”

Ditẹrọnọmị 32:25

Etela-ogbo ḅụ okologie mẹ kịnị ḅaa ḅa tẹ kala-ḅio ḅụ tẹmẹ-naịn-naịn paka ḅa asawọ na iriawọ na fịị ḅa, ndo-ndoarị tụḅọ ḅe na, iḅulu sịḅị ḅụ ḅịyatẹ owiḅọ ḅe na sọ.

Ditẹrọnọmị 32:35

Gbẹẹfị ḅii na, gbẹẹ-pịkị na ị̀ nye, ịna ḅụọ sịnịnị ḅarị sakị ḅụ; gbala ịna ḅụụ-fụka ene mẹ ḅara-ku la tẹ anịsakị ịna fịị ḅẹrẹkọn fọnya ḅoarị.

Ditẹrọnọmị 32:41

à nwanam-ma ḅịyarị ì okologie mẹ farị oḅuma, tẹ ị̀ ḅara ḅẹrẹkọn ọkị ọlọ-ọlọọ, arị ì ḍiki-ḅioḅẹlẹ-a apụ ma ḅụụ gbẹẹfị ḅii ḅa, tẹ inima tẹ ì ḍiki-ḅioḅuarị apụ ma mịẹ ye kẹ ịn gbẹẹ ḅa.

Ditẹrọnọmị 5:9

Ọ́ sunsin arị pịrị ma, pịkị fịrịmẹnjị arị pịrị ma, kẹ gotẹ ọkọ ḅẹẹarị, yẹrị KỊNỊNYANAḄỌ ọmịna Tamụnọ ḅe anie afana Tamụnọ tẹ ḍapụ ma mịẹ-irima ye mẹ kẹ awọmẹ ma ọgọnọ gbanarị mu inima tẹ ì ḍiki-ḅioḅuarị apụ ma ḅụ tẹrẹị karama ḅụọ na, ini karama ḅụọ na laarị.

Ditẹrọnọmị 7:11

Ọmịnị anịẹrẹsị ḅụụ ẹbị-bịtẹ oloko mẹ na, kẹẹ wararị oloko ma na, kụrọ ḅara ḅio sime apụ sụa oloko ma na tẹ mịmgba à tọn ọ́ pịrị aị ma mịẹ ḅa.

Ditẹrọnọmị 7:9

Ọkọẹrẹsị ó nimi mịnẹ KỊNỊNYANAḄỌ ọmịna Tamụnọ ḅe anie Tamụnọ, minini nyana Tamụnọ, tẹ ọḅọkụ koko tẹ jike-a ḅẹlẹma nyana kẹ inima tẹ ọ̀ ḅẹlẹma tẹ ori oloko koko apụ ma pịrịarị mu ḅụọ maa ẹndẹ oyia asi finji finji laarị,