Ditẹrọnọmị 7:1 - FỊAFỊA BAỊBỤLỤ

¹ KỊNỊNYANAḄỌ ọmịna Tamụnọ ḅe ọmịnị ọkị-ḅo tẹ ama mẹ tẹ ọ́ sọ-mu anị ọkị nyana ḅẹ muarị ama mẹ ḅio suu, tẹ ọmịna tọrọkọ tọnwa opu asịẹ, Itayịti apụ ma na, Gagasayịtị apụ ma na, Amọrayịtị apụ ma na, Kenanị ḅẹ apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na, gburo-gburotẹ, kụrọ nyana ọ́ nẹngị-nẹngịtẹ sọnọma opu asịẹ ọfịn sin sakị.

Ditẹrọnọmị 7:1 Iomraidhean Croise

1 Amadapụ 16:31

Gbala Nebatị owiḅọtụḅọ Jerobohamụ asi ma ḅụ sịẹ mẹnjị mẹ ọ̀ ḅụụ feke-feke ye sọ lamam. Ọ̀ nwẹnị pịkị mu Etibalị, Sidọnị ḅẹ amadaḅọ ḅe ẹrẹḅọtụḅọ Jezibẹlị na sime, tẹ mu fịrịmẹnjị Balị pịrị tẹ sunsin ọ̀ pịrị.

1 Paka-aị 1:14

Kenanị anie pịkị Jebusayịtị apụ ma na, Amọrayịtị apụ ma na, Gagasayịtị apụ na,

2 Paka-aị 8:7

Hitahiti apụ na, Amọrayịtị apụ na, Pẹrịzayịtị apụ na, Hivayịtị apụ na, Jebusayịtị apụ na ḅụụ kọn apụ tẹ Izirẹlị ḅụ ḅo-a,

Ẹzịra 9:1

Mịna aị ma mịẹ ḅọrọ tẹso, fịrịmẹnjị-opuapụ ma nwẹnị ị̀ ḍọkụma-ḅo tẹ ḅẹẹ, “Kenanị ḅẹ apụ ma na, Itayịti apụ ma na, Pẹrịzayịtị apụ ma na, Jebusayịtị apụ ma na, Amọnị ḅẹ apụ ma na, Mohabụ ḅẹ apụ ma na, Ijiputi-ḅẹ-apụ ma na, Amọrayịtị ḅẹ apụ ma na ini ama ḅẹ apụ ma na, ịna tọn-tọn-aị ma na ḅụụ Izirẹlịapụ ma na, agbamịẹapụ ma na, Livayị furo-ḅẹ-apụ ma na paa amịna ḅụụ sikima-a,

Nehimaya 13:23

Arị ene ma ḅụ à pịkị Juu-ḅẹ-apụ ma tẹ Asịdọdị na, Amọnị na, Mohabụ na ḅẹ ereme sime apụ ma ẹrịm.

Devidi-Anume 78:55

Ori atomi ma ḅo kpekiarị sakị, ori anị yọ anga apụ ma dee-dee pakamarị; ori ịna kiri mẹ ḍie Izirẹlị afuro ma pịrị tẹ ịna anga ayọ ma kẹ ori atomi pịrịm.

Paka-so 15:7

Ị́ ama-da opu mẹ ḍụḅa ḅụ, ị́ ị́ na sọarị apụ ma nẹngịmam; ị́ í owi ịganị fịrịma pakamam, tẹ anị orumo samụnọtẹ asịra dọkịma ḅara kẹ ịn dọkịmam.

Paka-so 23:28

Anịsakị à tarị ọmịna tọrọkọ ḅịlagbin kẹ fịrịma ḅa, arị aị ma tẹ ọmịna tọrọkọ Hivayịtị apụ na, Kenanị ḅẹ apụ na, Itayịti apụ na dee-pakama ḅarị aị ma.

Paka-so 23:32

Ọmịnị ini, anịanịa ịna oru-atamụnọ ma na gbọrụ ọḅọkụ sọ fị ma.

Paka-so 23:33

Ini ọmịna ama mẹ ḅio anga ḅịa; anieofori ịn ḅofa ọ́ mịẹ tẹ ọmịnị ị̀ ḅụụ si mịẹ; kẹ gotẹ ọkọ ḅẹẹarị, ọ́ fịrịmẹnjị ịna oru-atamụnọ ma pịrị-pịrị, tụkụma ḅara ḅụ anị ḍiein sọ ọ́ pịrị ḅa.”

Paka-so 33:2

À gbọrụ enjẹlị kẹ ọmịna tọrọkọ fịrịma ḅa, anịsakị à Kenanị ḅẹ apụ ma na, Amọrayịtị apụ ma na, Itayịti apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na dee-pakama ḅa.

Paka-so 6:8

Tẹ arị ọmịnị ọkị-ḅo ama mẹ tẹ à ye karị ḅara kẹ mininim à kẹ Ebira-amụ na, Ayịzịkị na, Jekọbụ na pịrị ḅarị ama mẹ ḅio suu ḅa; arị anị kẹ ọ́ pịrị tẹ anị ọmịna nye sọ ḅa. Yẹrị anie KỊNỊNYANAḄỌ ḅee,’ ”

Lẹvitikọsị 14:34

“Ó ḅo Kenanị ama mẹ tẹ à kẹ ọ́ pịrị nyana ḅe ama mẹ ḅio sọ ḅo tẹ àrị otito kẹ ọ́ nyana ama mẹ ḅẹ gbọrụ warị ḅụ sụa-sụa,

Kịẹn-aḅịḅị 13:29

Amalẹkị ḅẹ apụ ma Kenanị suku-jụ mẹ ḅio angam; Hitahiti apụ ma na, Jebusayịtị apụ ma na, Amọrayịtị apụ ma na tụndụ ọgọnọ ḅe sịẹ mẹ ḅio angam; anịsakị Kenanị ḅẹ apụ ma Mẹdịterenanị Opu Tọrụ mẹ akaka ḅụ na Jodanị Tọrụ mẹ na ḅụ angam.”

Kịẹn-aḅịḅị 14:31

Kụma àrị ọmịna ḍọkọḍọkọ-awọmẹ ma tẹ ọ́ ḅẹẹm ḅo kun pẹị, pẹị anama sọ ḅa nwẹn ḅẹẹ apụ ma ọkị-ḅo ama mẹ tẹ ó ḍiki-sima ama mẹ ḅio suu tẹ ini anị nimi ḅa.

Fịrịmẹnjịapụ 13:19

Ọ̀ mịẹtẹ Kenanị ḅẹ sọnọma asịẹ fa tẹ ịna kiri kẹ ori atomi ma nye sọmam.

Ditẹrọnọmị 11:29

Anịsakị KỊNỊNYANAḄỌ ọmịna Tamụnọ ḅe ọmịnị ọkị-ḅo ama mẹ tẹ ọ́ sọ tẹ anị ọkị nyana ḅẹ muarị ama mẹ ḅio suu sakị, ó boma gbo koromaa, Gẹrịzimu Tụndụ ọgọnọ ḅụ, tẹ wori-nume gbo koromaa, Ẹbalị Tụndụ ọgọnọ ḅụ.

Ditẹrọnọmị 20:1

Ọmịnị ọmịnị na fịya-a apụ na ọmụgbin ḅẹ sakị, tẹ ọ́ tọnwa asụ na, kirimẹnjị-ọmụarụ na, ḍụḅa ọ́ soku-ḅẹ ọmụ-ogbo nẹngị ọmụ-ogbo na ẹrị-ẹrị, ọmịnị in ḍiki ḅalafaa ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọmịnị na emi, oriḅe tẹ Ijiputi ama mẹ ḅụ ó ḍikiḍiki pakama-ḅo ḅọ ḅe.

Ditẹrọnọmị 20:16

Kụma mịna atomi ma tẹ KỊNỊNYANAḄỌ ọmịna Tamụnọ ḅe kẹ sime anga ḅụ ọ́ pịrị tẹ opu ama ma ḅio ọwụ nụnụ ọkị-ọkị sara, sara pakamarị gberie-sọ ọ́ ḅọrọma tẹ ḍumo-sime ḅịa.

Ditẹrọnọmị 31:20

Kẹ gotẹ ọkọ ḅẹẹarị, àrị ịn ọkị-ḅo ḅụụ-ḅẹlẹmatẹ iḅiọkụma fịye so-pakamarị amakiri mẹ, anie à ye karị ḅara ḅụ kẹ ịna aḍapụ ma pịrị ḅẹ minini ye mẹ, tẹ ịn fịye fị ịna furo ḅinma tẹ ḅẹlẹkị sụa sakị, ịn tọrụ pịkị oru-atamụnọ da tẹ fịrịmẹnjị ịn pịrị, tẹ ì ḍiki-sima tẹ ị̀ ọḅọkụ mẹ kan ḅa.

Ditẹrọnọmị 31:3

KỊNỊNYANAḄỌ ọmịna Tamụnọ ḅe ḅioju ḅarana tarị ọmịna tọrọkọ saḅa-ḅọrọ mu ḅa; ori ọmịna tọrọkọ mịna opu asịẹ ma fama ḅa, mịẹtẹ ọmịnị ịn aḅara ịn nyana aị ọkị ḅẹ ḅara; anịsakị KỊNỊNYANAḄỌ ḅe wẹrịtẹ ḍuko tẹ ḅara, Jọsụwa saḅa mu ọmịna sịḅịda ḅa.

Ditẹrọnọmị 4:38

ọmịna tọrọkọ ḍụḅa ọ́ nẹngị-nẹngịtẹ pịkị kụrọ ọ́ nẹngị-nẹngịtẹ gburo-gburotẹ opu asịẹ deearị, ọmịnị ọkị sọ-ḅo, tẹ ịna ama ma kẹ ọ́ pịrị tẹ ọ́ kẹ sime-anga mịẹ ḅẹ ḅara, anị wẹrịtẹ mịmgba ḅụ sime-ḅara.

Ditẹrọnọmị 6:1

Mịọkụ mie oloko mẹ na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ KỊNỊNYANAḄỌ ọmịna Tamụnọ ḅe tọn ị̀ pịrịm à kẹ ó toluma ḅẹ aị ma, mịẹtẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 6:10

KỊNỊNYANAḄỌ ọmịna Tamụnọ ḅe ọmịnị ọkị-ḅo ama mẹ tẹ ò ye karị ḅara kẹ minini ọmịna aḍapụ Ebira-amụ na, Ayịzịkị na, Jekọbụ na pịrịm ọ̀ kẹ ọ́ pịrị ḅẹ ama mẹ, gburo-gburotẹ, iḅitẹ opu ama ma tẹ ọmịnị nama-a ḅẹ ama ma ḅio suu sakị;

Ditẹrọnọmị 6:19

ọmịna tọrọkọ ọmịnị na fịya-a apụ ma sukuruma pakama ḅụ, KỊNỊNYANAḄỌ ḅe wẹrịtẹ minini tẹ ḅara.

Ditẹrọnọmị 6:23

tẹ ori anịjụ wa pakama-ḅom, mịẹtẹ ọ̀ wa ọkị-ḅo tẹ wa kẹ ama mẹ tẹ ò ye karị ḅara ḅụ kẹ wamịna aḍapụ pịrị ama mẹ ḅio suu tẹ kẹ wa pịrị ḅẹ ḅara.

Ditẹrọnọmị 9:1

Yei Izirẹlị, ọ́ naa! mịmgba ọ́ mị Jodanị mẹ saḅa-ḅọrọ tẹ mu ḍụḅa ọ́ nẹngị pịkị ịnyọ nyana ọ́ nẹngị-nẹngịtẹ opu asịẹ ḅara ḅụ ịn nyana ye ọkị ḅẹ muarị, gburo-gburotẹ ini ọmụ gotẹ mịẹ kụrọma kụrọma mu so lama wararị opu ama ma.

Ditẹrọnọmị 9:3

Anịẹrẹsị mịmgba ó nimi mịnẹ oriḅe tẹ ọmịna tọrọkọ tarị ye guluguluma kọrị fịnị ḅara kẹ saḅa ḅọ ḅe anie KỊNỊNYANAḄỌ ọmịna Tamụnọ ḅe; ori ịn ḅaa ḅa, tẹ mịẹtẹ ịn sịḅị-tuu ḅa ọmịna tọrọkọ, anieḅụ ọmịnị in dee pakama ḅa, tẹ mịẹtẹ ịn fọnya fịị fa ḅa, KỊNỊNYANAḄỌ ḅe kẹ wẹrịtẹ ọ́ karịma tẹ ḅara.

Ditẹrọnọmị 9:4

KỊNỊNYANAḄỌ ọmịna Tamụnọ ḅe ọmịna tọrọkọ in sukuruma pakama tẹ so so, ọmịnị ọmịna ḅioḅẹngbọ ḅụ ḅẹẹ ma: Ị̀ karakara mie KỊNỊNYANAḄỌ ḅe kẹ ì ọkị-ḅo su ye à ḅo mị ama mẹ nyana kụma mịna opu asịẹ ma si sịḅịḅio mie KỊNỊNYANAḄỌ ḅe gotẹ ọmịna tọrọkọ ịn dee pakamarị ye.

Jọsụwa 11:3

mu ịrụa-saakịarị-anga na, ịrụa-ideriarị-anga na ḅẹ Kenanị ḅẹ apụ anie Amọrayịtị apụ ma na, Itayịti apụ ma na, Pẹrịzayịtị apụ ma na, Jebusayịtị apụ tụndụ opu sịẹ mẹ ḅio ḅẹ apụ ma na, Mizipa ama mẹ ḅio Amọnị suku-ḅio sime Hivayịtị apụ ma na fịrịma.

Jọsụwa 24:11

Ọ́ nwẹnị Jodanị mẹ mẹnjị saḅa tẹ ḅo Jeriko la, tẹ Jeriko ḅẹ apụ ma ọmịnị na owu-sọm, tẹ Amọrayịtị apụ ma na, Pẹrịzayịtị apụ ma na, Kenanị ḅẹ apụ ma na, Itayịti apụ ma na, Gagasayịtị apụ ma na, Hivayịtị apụ ma na, Jebusayịtị apụ ma na sọ ọmịnị na owu sọm; tẹ arị ịn kẹ ọmịna ḅara-ḅio ḅụ ọ́ pịrịm.

Jọsụwa 3:10

Jọsụwa nwẹnị ḅẹẹ, “Mie ḅụ mie ọ́ nimi ḅarịye mịnẹ ḍumo wararị Tamụnọ ḅe ọmịna ogbo-ḅio emi, tẹ gbarị-a ḅara ḅụ ọmịna tọrọkọ Kenanị ḅẹ apụ ma na, Itayịti apụ ma na, Hivayịtị apụ ma na, Pẹrịzayịtị apụ ma na, Gagasayịtị apụ ma na, Amọrayịtị apụ ma na, Jebusayịtị apụ ma na dee pakama ḅa.