Ditẹrọnọmị 6:7 - FỊAFỊA BAỊBỤLỤ

⁷ Ọ́ karakara ḅara kẹ arị kẹ ọmịna awọmẹ toluma ḅa, tẹ ọmịnị ọmịna warị ḅio lẹgị-sime sakị na, etela ḅụ ọ́ mẹnjịarị sakị ḅụ na, ọ́ ḅọlọlọ sakị ḅụ na, ọ́ saakị sakị na ḅụ arị gbolomaye kẹ ẹkwẹn ḅa.

Ditẹrọnọmị 6:7 Iomraidhean Croise

Suku-saakị 18:19

Àrị ọ̀ sẹlẹ-ọkị tẹẹ, mịẹtẹ ọ̀ tọn ori awọmẹ na ọ̀ warị-suku na pịrị ịn ò ḍikimatẹ karakara na kura ḅẹrẹkọn na ḅụ ì etela mẹ mẹnjị ḅẹ ḅara. Ịn ọkọ mịẹm ḅẹḅẹ, à kẹ Ebira-amụ karịma aị mamgba à mịẹ ọ̀ pịrị ḅa.”

Jobu 8:10

Ịn ye kẹ í toluma tẹ ye ḍuko ị́ pịrị, ḅịa, tẹ ịna ye fie ye naa ḅụ, ẹkwẹn pakama-ḅo ḅịa?

Devidi-Anume 119:13

À ḍuko-ḍuko pakama ḅa ị́ sụa ị̀ pịrị tẹ oloko mamgba.

Devidi-Anume 119:46

Àrị ị́ tọn kuroma aị ma ḍuko wasama amadapụ pịrị ḅa tẹ à ḅụụ-jịrị ḅịa.

Devidi-Anume 129:8

Gbọrụḅọ sọ mẹnjị-ḅọrọarị tẹ ịn ḅẹ ḅịa, “Yee KỊNỊNYANAḄỌ ḅe ó boma! KỊNỊNYANAḄỌ ḅe ẹrẹ ḅụ wa ó bomarị.”

Devidi-Anume 37:30

Iḅi tomḅọ ḅe ẹkwẹn ma nimi àrị ḅio emi, tẹ sakị mamgba ọ̀ pịkị jen tomḅọ inoma-a ḅara kẹ ye mịẹarị.

Devidi-Anume 71:17

Ị̀ asambịrịma sakị kụra-ḅio í ye kẹ ì toluma tẹ, à paa ị́ ḅụụ-buama akọrịnama ma gboloma aị ḍukoarị.

Egberima-Ẹkwẹn 10:21

Iḅi tomḅọ kọn-arị ẹkwẹn ma sọye mị tọnwa-apụ pịrị ḅa, kụma í inetẹ ị́ ḅụụ ḅaa ḅa oḅori-sọ ḅụ.

Egberima-Ẹkwẹn 15:2

Ye-nimi atomi ẹkwẹn-arị sakị ịn mịẹ tẹ ḍawọye ḅụụ-ḅẹlẹmarị, kụma apantu amẹẹ ma ye fie-a aị kẹ petei-peteima sararị.

Egberima-Ẹkwẹn 15:7

Ḍawọ ḍin mẹ ye-nimi atomi mie anị wasamarị, oḅori-sọarị apụ-a.

Egberima-Ẹkwẹn 6:22

Í ye-muarị sakị ḅụ ịna toluma ye mẹ ị́ tọrọkọ sụn ḅa, ḍin ḅụ arị í kikima tẹ ye ị́ la ḅịa, anịsakị eneḅaka ḅụ arị ḅẹrẹ kẹ í toluma ḅa.

Ayịzaya 38:19

Ḍumo wararị apụ mie í tokiniarị, Mịọkụ arị í tokiniarị ḅara mẹ. Ḍapụ ḍuko ịna awọmẹ pịrịarị í ḅioḅẹngbọ kẹ ḅụụ ḅụ gbana na-iḅi ḅara simearị mẹ.

Malakayị 3:16

Anịtẹso KỊNỊNYANAḄỌ ḅe mangịmarị atomi ma ẹkwẹn jụmọ-jụmọ pịrị tẹ KỊNỊNYANAḄỌ ḅe poki tẹ in ḍuko ye naam. Ọ̀ tọrọkọ ḅụ, ịn KỊNỊNYANAḄỌ ḅe kụn tẹ ọ̀ mangịmarị apụ ma ẹrẹ kẹ ḍiri ḅio kẹẹ koromam.

Matiyo 12:35

Iḅi tomḅọ mḅọ ḅioḅẹngbọ koko wararị iḅi aị ma pakama-ḅoarị; si tomḅọ pịkị mḅọ ḅioḅẹngbọ koko wararị si-aị ma pakama-ḅoarị.

Luku 6:45

Iḅi tomḅọ mḅọ ḅioḅẹngbọ koko wararị iḅi aị ma ḅụ iḅi aị pakama-ḅoarị; si tomḅọ pịkị mḅọ ḅioḅẹngbọ koko wararị si-aị ma ḅụ si-aị pakama-ḅoarị. Kẹ gotẹ ọkọ ḅẹẹarị, ḅioḅẹngbọ mẹ ḅio ḅin wararị aị ma mie ḅịḅị mẹ ḅụ paka-ḅoarị.

Ẹfisọsị 4:29

Ó si kẹ ja apụ mịẹ ḅẹ ẹkwẹn kọn ma, kụma iḅi ẹkwẹn tẹ ḅarasụa tomḅọ pịrị ḅẹ ye, mịẹtẹ ọ́ kọọn ḅarị ẹkwẹn mẹ nama sịẹmarị ye sọ tẹ anị naa apụ iḅima ḅarị ḅara.

Ẹfisọsị 6:4

Ḍapụ-na-iyingiapụ-na, ọmịnị ọmịna awọmẹ ma ịganịma ḅẹ ḅara kẹ ini na anga ma. Anie nakara, ọ́ Kịrayịsị ḍukamẹnjịapụ ḍumo ḅara na tolumaye na ḅụ in ḍikiḍiki pakama-ḅoo.

Ditẹrọnọmị 11:19

Anịsakị ọmịnị arị kẹ ọmịna awọmẹ toluma ḅa, tẹ arị gboloma ẹkwẹn kọn ḅa ọmịnị ọmịna warị ḅio lẹgị-sime wararị sakị na, ọmịnị ọmịna etela ḅụ mẹnjịarị sakị na ọ́ ḅọlọlọ sakị na, ọ́ saakị sakị na ḅụ.

Ditẹrọnọmị 6:2

Mịẹtẹ ọmịnị na, ọmịna afuro ḅẹ apụ na ọmịna ḍumo-ene mamgba kẹ KỊNỊNYANAḄỌ ọmịna Tamụnọ ḅe mangịma ḅẹ ḅara, ọ́ kẹẹ wararị oloko ma na, ori oloko mamgba na tẹ à tọn ọ́ pịrị aị ma koko ḅụ; mịẹtẹ ọmịna ene ma nangwọ ḅẹ ḅara.

Kọlọsị 4:6

Sakị mamgba tomina ḅeri ḅẹlẹ ḅarị iḅi ẹkwẹn mie ọ́ kọọn ḅarịye, tẹ ye kẹ ó gbela ḅọ gbela ḅọ, ọ́ kẹ mḅọ pakịrị ḅarị kura ḅara ọ́ nwẹn nimii.

1 Pita 3:15

Kụma ọmịnị-mgba Kịrayịsị mangịmarị aḅioḅẹngbọ sụa, tẹ KỊNỊNYANAḄỌ ḅara kẹ ọ̀ kụnm. Sakị mamgba ọ́ tẹlẹma tẹ, ọ́ kẹ ḅiokpọma wararị ye mẹ kẹ ó gbela ḅọ gbela ḅọ, ọ́ pakịrị tẹ anị ḍuko finjii,

Rufu 2:12

KỊNỊNYANAḄỌ ḅe ị́ mịẹ ḅara mẹ mịẹ ị́ pịrịị, anịsakị KỊNỊNYANAḄỌ ḅe, Izirẹlịapụ tẹkẹarị Tamụnọ ḅe ḅintẹ gbẹẹ-ye kẹ ị́ pịrịị, oriḅe tẹ í ḅo warị-ḅọkọ kẹ suha ḅọ ḅe.”

Rufu 2:4

Anị gbọrụ-kirikiri, Bohazi nwẹnị Bẹtịlịhẹmụ ḅụ sime tẹ ḅo la; tẹ sịn-ḅịḅị kẹ fịye-sokuapụ ma pịrị tẹ ḅẹẹ, “KỊNỊNYANAḄỌ ḅe ọmịnị na simee!” Ini nwẹnị pakịrị, “KỊNỊNYANAḄỌ ḅe í bomaa.”

Rufu 4:11

Anịtẹso tomi mamgba tẹ ogigo-ḅọkọ mẹ ḅụ sime apụ ma na, omongiapụ ma na nwẹnị ḅẹẹ, “Wamịnị anie ogbo-sịẹ apụ. Yee KỊNỊNYANAḄỌ ḅe ẹrẹḅọ ma tẹ ị́ warị mẹ ḅio sọ-ḅoarị ḅọ ma mịẹ tẹ á Resẹlị na, Liya na tẹ gbolomatẹ Izirẹlị warị mẹ nama pakama-ḅo apụ ma sime-ḅara sime. Yee ị́ Ẹfịrata ḅụ lolo-kama, tẹ Bẹtịlịhẹmụ ḅụ kụn nyana.