Ditẹrọnọmị 6:6 - FỊAFỊA BAỊBỤLỤ

⁶ Mịna ẹkwẹn-aḅịḅị ma tẹ mịmgba à tọn ọ́ pịrị aị ma ọmịna ḅioḅẹngbọ ḅụ simee.

Ditẹrọnọmị 6:6 Iomraidhean Croise

Suku-saakị 18:19

Àrị ọ̀ sẹlẹ-ọkị tẹẹ, mịẹtẹ ọ̀ tọn ori awọmẹ na ọ̀ warị-suku na pịrị ịn ò ḍikimatẹ karakara na kura ḅẹrẹkọn na ḅụ ì etela mẹ mẹnjị ḅẹ ḅara. Ịn ọkọ mịẹm ḅẹḅẹ, à kẹ Ebira-amụ karịma aị mamgba à mịẹ ọ̀ pịrị ḅa.”

2 Samụẹlị 22:23

Kẹ gotẹ ọkọ ḅẹẹarị, ori ọ̀ kụrọ ḅụ tọn aị mamgba ị̀ tọrọkọ emi, tẹ ori oloko kẹẹ wararị aị ma ḅụ amụ à pịkị akaka da-a.

Devidi-Anume 119:11

Àrị í oloko kokoarị ì ḅioḅẹngbọ ḅụ, mịẹ tẹ à si kẹ ị́ mịẹ ḅịa ḅara.

Devidi-Anume 119:13

À ḍuko-ḍuko pakama ḅa ị́ sụa ị̀ pịrị tẹ oloko mamgba.

Devidi-Anume 119:30

À ḅịḅị poki sẹlẹ ọkị tẹ; àrị ị́ aḅẹrẹkọn ma kẹ ye-sịn tẹ.

Devidi-Anume 119:98

Ị́ sụa oloko mẹ ị̀ na emi sakị mamgba tẹ ị̀ mịẹ tẹ à ye nimi si kẹ ị̀ tọn apụ ma nẹngịarị.

Devidi-Anume 37:31

Ori ọ̀ Tamụnọ ḅe oloko mẹ kẹ ò ḅioḅẹngbọ koko wararị: tẹ gbala-gbala anị ḅụ sikima-a.

Devidi-Anume 40:8

Ị̀ Tamụnọ, àrị ị́ ḅụụ-ḅẹlẹ ye mịẹ mẹ ḅẹlẹmarị! Í tolumaye mẹ à kẹ ì ḅioḅẹngbọ koko wararị.”

Egberima-Ẹkwẹn 3:5

Í ḅioḅẹngbọ mẹmgba kẹ KỊNỊNYANAḄỌ ḅe sịrẹrẹẹ. Gbala-gbala í kuromarị í nimim ḅẹ ye ḅụ sịrẹrẹ ma.

Egberima-Ẹkwẹn 7:3

Sakị mamgba ì toluma yee kẹ ị́ ḅụụ kpekimaa; anị kẹ í ḅiokoromaa, sakị mamgba.

Ayịzaya 51:7

Kuraye nimi apụ ọmịnị ì pokii, anie ì tolumaye amịna aḅioḅẹngbọ ḅụ nwaịn wararị apụ ma. Ọ́ ḅalafa ma, kịnị ọmịna ḅụụ-sịnịsịnịma ḅẹ aị kẹ ọ́ mịẹ-simarị sakị;

Jerimaya 31:33

Ịwọ ọḅọkụ mẹ tẹ à kẹ Izirẹlịapụ ma na fị ḅarị ọḅọkụ mẹ anie mie: àrị ì oloko kẹ ịna ḅụụ ḅio suu tẹ anị kẹ ịna aḅioḅẹngbọ ḅụ kẹẹ ḅa. Yẹrị ịna Tamụnọ sọ tẹ ini ị̀ atomi sọ ḅa.

Luku 2:51

Mie ḅụ Jizọsị ini na pịkịma so Nazarẹtị mu, tẹ ịna ḅịḅị poki ḅara kẹ ini na angam. Ò iyingi nwẹnị mịna aị mamgba kẹ á ḅioḅẹngbọ ḅụ suu wẹrị.

Luku 8:15

Iḅi kiri koro aị ma anie oku mẹ naa tẹ iḅi tẹ, ḅịḅị pokiarị ḅioḅẹngbọ ḅụ anị koko nwenii anị ḅo mgbọlụ sụa apụụ.

2 Kọrịntị 3:3

Anị giregire wararị, mịnẹ Kịrayịsị ḅarana mị ḍiri mẹ kẹẹ tẹ kẹ wamịna ḅara fịrịmam. Ịn ḅuruma kẹ kẹẹ-a, kụma ḍumo wararị Tamụnọ ḅe Tẹmẹ ḅe mie ịn kẹ kẹẹ ye, pịkị ḍụḅarị ḍiri kẹẹ aị ọgọnọ-a, kụma tomina aḅioḅẹngbọ ḅụ.

Ditẹrọnọmị 11:18

Ọmịnị ọkọẹrẹsị mịna ị̀ ẹkwẹn-aḅịḅị ma kẹ ọmịna ḅioḅẹngbọ na, ọmịna tẹmẹ ḅio na ḅụ wẹrịị, anịsakị ọmịnị arị kẹ elekima sọma ọmịna ḅara ḅụ fịna wẹrị ḅa, tẹ arị ọmịna tọrụ-ogbo emi aị sime-ḅara sime ḅa.

Ditẹrọnọmị 11:20

Ọmịnị arị kẹ ọmịna warị ḅụ ḅọkọ ḅẹ maa sịn ma na, ọmịna ogigo-aḅọkọ ma na ḅụ kẹẹ ḅa.

Ditẹrọnọmị 32:46

ọ̀ nwẹnị ịn ḅẹẹ, “Ọ́ mịna ẹkwẹn-aḅịḅị tẹ mịmgba à tọn ọ́ pịrị aị ma kẹ ọmịna ḅioḅẹngbọ ḅụ wẹrị, mịẹtẹ ọmịnị inetẹ arị tọn ọmịna awọmẹ pịrị, mịẹtẹ ịn ḅụụ ẹbị-ẹbị mị oloko mẹ ḅẹ ẹkwẹn-aḅịḅị mamgba mịẹ ḅẹ ḅara.

Kọlọsị 3:16

Kịrayịsị oku mẹ na anị ḅẹ iḅi mẹmgba ọmịna aḅioḅẹngbọ ḅụ angaa. Nimi mẹmgba ḅụ ó ye kẹ jụmọ-jụmọ tolumaa. Ó Devidi nume mẹ ḅẹ aị na ja anume na fịafịa anume na suu; ó su Tamụnọ bomaa, ịmịẹtẹ-ḅẹẹ aḅioḅẹngbọ ḅụ.

2 Jọnị 1:2

anie karakara mẹ wamịna ḅụụ ḅio emi tẹ, wamịnị na sime mu ḅẹẹ-sakị ḅẹẹ-sakị la ḅarị mẹ ẹrẹsị.