Ditẹrọnọmị 6:5 - FỊAFỊA BAỊBỤLỤ

⁵ Anịsakị ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na, ọmịnị ịnyọ mẹmgba na, kẹ KỊNỊNYANAḄỌ ọmịna Tamụnọ ḅe ḅẹlẹma ḅa.

Ditẹrọnọmị 6:5 Iomraidhean Croise

1 Amadapụ 3:3

Sọlọmọnị KỊNỊNYANAḄỌ ḅe ḅẹlẹmam tẹ nwẹnị ọ̀ ḍa Devidi kẹ ò toluma toluma aị ma ḍukamẹnjịm, kụma ori sọ nama ḅaa tẹ arị kẹ agba mịẹ tẹẹ, kịrị-kịrị agbamịẹ-anga ḅụ.

2 Amadapụ 23:25

Mozizi oloko mẹmgba wẹrịtẹ sime-ḅara kẹ vuunma pịkị tẹ ori amịna ḅioḅẹngbọ mẹmgba na, ọ̀ tẹmẹ mẹmgba na, ori ịnyọ mẹmgba na kẹ KỊNỊNYANAḄỌ ḅe da ò pembe amadaḅọ ọ̀ tọrọkọ ḅụ ofori; ọ̀ ḍa tẹ ḅọrọ sakị sọ, ọkọ sime pembe ḅọ amụ paka-ḅo-a.

2 Paka-aị 15:12

Ịn nwẹnị ọḅọkụ fị mịnẹ ini ịna ḅioḅẹngbọ mamgba na, ịna tẹmẹ mamgba na kẹ KỊNỊNYANAḄỌ ịna ḍapụ ma Tamụnọ ḅe ḍọkị ḅa.

2 Paka-aị 34:31

Amadaḅọ ḅe nwẹnị ò sime anga ḅụ saakị sịẹsime tẹ KỊNỊNYANAḄỌ ḅe tọrọkọ ọḅọkụ fịm, ori ò ḅioḅẹngbọ mẹmgba na, ọ̀ tẹmẹ mẹmgba na kẹ KỊNỊNYANAḄỌ ḅe ḍukamẹnjị tẹ ọ̀ tọn aị ma na, ọ̀ kọrị tẹ iḅi-aị ma na, kẹẹ wararị oloko ma na koko, tẹ mị ḍiri mẹ ḅio kẹẹ wararị ọḅọkụ mẹ ḅẹ ẹkwẹn-aḅịḅị ma ḅẹẹ ḅara mịẹ ḅarị ḅara.

Devidi-Anume 119:2

Ḅioḅẹlẹ sime ọ̀ tọn kuroma aị ma ḍukamẹnjịarị apụ ma pịrịm, anie amịna ḅioḅẹngbọ mamgba kẹ ọ̀ ḅịḅị pokiarị apụ ma.

Devidi-Anume 31:24

Ọ́ kụrọ sịẹsimee, tẹ ḅiokpọ nyana-a, ọmịnị-mgba tẹ KỊNỊNYANAḄỌ kẹ ḅiokpọmarị apụ.

Matiyo 10:37

“Ḅẹḅọ-ḅẹḅọ tẹ mḅọ ḍaḅọ anịanịa mḅọ iyingiḅọ ḅẹlẹma ị̀ nẹngị ḅọ, ị̀ ḍukamẹnjị gbẹẹ-a; ḅẹḅọ-ḅẹḅọ tẹ amịna owiḅọtụḅọ, anịanịa ẹrẹḅọtụḅọ ḅẹlẹma ị̀ nẹngị ḅọ ị̀ ḍukamẹnjị gbẹẹ-a.

Matiyo 22:37

Jizọsị nwẹnị pakịrị, “ ‘KỊNỊNYANAḄỌ, ị́ Tamụnọ ḅe ḅẹlẹma, í ḅioḅẹngbọ mẹmgba ḅụ, ị́ tẹmẹ mẹmgba ḅụ, pịkị í kuroma mẹmgba ḅụ.’

Makị 12:30

Í ḅioḅẹngbọ mẹmgba, ị́ tẹmẹ mẹmgba, í kuroma mẹmgba, pịkị ị́ ịnyọ mẹmgba kẹ KỊNỊNYANAḄỌ ị́ Tamụnọ ḅe ḅẹlẹmaa.’

Makị 12:33

Anịsakị tomḅọ amịna ḅioḅẹngbọ mẹmgba, amịna kuroma mẹmgba, amịna ịnyọ mẹmgba kẹ Tamụnọ ḅẹlẹmaa; pịkị mḅọ amịna ḅụụ ḅẹlẹma ḅara kẹ mḅọ pembe tomḅọ ḅẹlẹmaa. Mịna maa oloko ma poki tẹ mịẹ kụrọ nyana nama na jaị na kẹ mịẹ Tamụnọ pịrịarị agba ma nẹngịm.”

Luku 10:27

Tomḅọ ḅe nwẹnị pakịrị, “Í ḅioḅẹngbọ mẹmgba na, ị́ tẹmẹ mẹmgba na, ị́ ịnyọ mẹmgba na, í kuroma mẹmgba na kẹ ị́ Nyana Tamụnọ ḅe ḅẹlẹmaa, tẹ pịkị ị́ ị́ ḅụụ ḅẹlẹma ḅara kẹ ị́ na kpeki tẹ anga ḅọ ḅẹlẹmaa.”

Ditẹrọnọmị 10:12

Anịsakị Izirẹlị, mịọkụ KỊNỊNYANAḄỌ ọmịna Tamụnọ ḅe ọmịna aḅara tiye ḅii? KỊNỊNYANAḄỌ ọmịna Tamụnọ ḅe ḍiki-ḅalafaa, ori etela mamgba ḅụ mẹnjịị, ọ̀ ḅẹlẹmaa, ọmịna ḅioḅẹngbọ mẹmgba na, ọmịna tẹmẹ mẹmgba na, kẹ fịrịmẹnjị ọ̀ pịrịị,

Ditẹrọnọmị 11:1

Ọmịnị anịẹrẹsị KỊNỊNYANAḄỌ ọmịna Tamụnọ ḅe ḅẹlẹma tẹ ọ̀ tọn ọ́ pịrị aị ma na, ori oloko ma tẹ kẹẹ wararị aị ma na, kụrọ ọ̀ ḅara emi ḅara kẹ ọ̀ sụa oloko ma na, ori Oloko ma na koko tẹ arị mịẹ ḅa.

Ditẹrọnọmị 11:13

Anịsakị ọ́ nwẹnị KỊNỊNYANAḄỌ ọmịna Tamụnọ ḅe ḅẹlẹma, tẹ ọmịna ḅioḅẹngbọ mẹmgba na ọmịna tẹmẹ mẹmgba na kẹ fịrịmẹnjị ọ̀ pịrị ḅẹẹm tẹ ì oloko ma tẹ mịmgba à tọn ọ́ pịrị aị ma poki poki,

Ditẹrọnọmị 13:3

ọmịnị anị ịkịankoroḅọ ḅe anịanịa anị ḍawọ-puuḅọ ḅe ẹkwẹn-aḅịḅị poki ma; kẹ gotẹ ọkọ ḅẹẹarị, KỊNỊNYANAḄỌ ọmịna Tamụnọ ḅe ọ́ daaḍikiarị, ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ KỊNỊNYANAḄỌ ọmịna Tamụnọ ḅe ḅẹlẹma ḅoto.

Ditẹrọnọmị 13:4

Ọ́ KỊNỊNYANAḄỌ ọmịna Tamụnọ ḅe ḍukamẹnjị ḅa, tẹ ò mangịma tẹ ori oloko ma koko, tẹ ọ̀ pọkọ poki, tẹ fịrịmẹnjị ọ̀ pịrị, tẹ ọ̀ fịnama ḅa.

Ditẹrọnọmị 19:9

ọmịnị ọmịna aḅụụ ẹbị-bịtẹ mị oloko mẹmgba tẹ mịmgba à tọn ọ́ pịrị ye mẹ koko-koko, KỊNỊNYANAḄỌ ọmịna Tamụnọ ḅe ḅẹlẹma, tẹ ḅẹẹ-sakị ḅẹẹ-sakị ḅụ ori etela ma ḅụ mẹnjị ḅụ — anịrẹ ọ́ ja tẹra opu ama kẹ mịna tẹrẹị ma ḅụ sụa ḅa.

Ditẹrọnọmị 30:10

ọ́ nwẹnị KỊNỊNYANAḄỌ ọmịna Tamụnọ ḅe pọkọ poki ḅụ ori oloko ma na, kẹẹ wararị oloko ma tẹ mị oloko ḍiri mẹ ḅio simearị aị ma na koko, koko; tẹ ọmịna ḅioḅẹngbọ mẹmgba na, ọmịna bala mẹmgba na kẹ pịkị KỊNỊNYANAḄỌ ọmịna Tamụnọ ḅe da daa.

Ditẹrọnọmị 30:16

Ọ́ nwẹnị KỊNỊNYANAḄỌ ọmịna Tamụnọ ḅe ḅẹlẹma ḅẹ ori etela ma ḅụ mẹnjị, ori oloko ma na, ori oloko ma tẹ kẹẹ wararị aị ma na, kụrọ ọ̀ ḅara ḅio emi tẹ ọ̀ sụa oloko ma na, koko ḅụ KỊNỊNYANAḄỌ ọmịna Tamụnọ ḅe tọn aị ma tẹ mịmgba ḅụ à tọn ọ́ pịrị aị ma koko, koko, anịrẹ ó ḍumo tẹ lolo-kama ḅa, tẹ KỊNỊNYANAḄỌ ọmịna Tamụnọ ḅe nwẹnị ó boma ḅa ọ́ sọ tẹ anị ọkị nyana ḅẹ muarị ama mẹ ḅio.

Ditẹrọnọmị 30:20

Ọ́ KỊNỊNYANAḄỌ ọmịna Tamụnọ ḅe ḅẹlẹmaa, ọ̀ pọkọ pokii, tẹ ori oḅoloo; aniemẹ gbala ḍumo na nangwọ ene na fie ọ́ pịrịarị ẹrẹsị, mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ, kẹ ọmịna aḍapụ Ebira-amụ na, Ayịzịkị na, Jekọbụ na pịrị ḅẹ minini ịn pịrị ama mẹ ḅio ọmịnị anga ḅẹ ḅara.”

Ditẹrọnọmị 30:6

KỊNỊNYANAḄỌ ọmịna Tamụnọ ḅe ọmịnị na, ọmịna aḅụụ paka-ḅo apụ ma na ḅioḅẹngbọ ḅẹ tarị-ḅụụ sin ḅa, anieḅụ ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ KỊNỊNYANAḄỌ ọmịna Tamụnọ ḅe ḅẹlẹma ḅa, mịẹtẹ ó ḍumo ḅẹ ḅara.

Ditẹrọnọmị 4:29

Kụma anịjụ ḅụ ọ́ KỊNỊNYANAḄỌ ọmịna Tamụnọ ḅe ḍọkị ḅa, tẹ ọmịnị ọ̀ ḍọkị-ẹrị ḅa, ọmịnị ọmịna ḅioḅẹngbọ mẹmgba na, ọmịna tẹmẹ mẹmgba na kẹ ọ̀ ḍọkị ḍọkị.

Jọsụwa 22:5

Ọmịnị iḅiọkụ ḅụụ ẹbị tẹ tọn ye mẹ na, oloko mẹ na tẹ Mozizi, KỊNỊNYANAḄỌ ḅe fịrịmẹnjịḅọ ḅe sụa aị ma kẹ elekima sụa, KỊNỊNYANAḄỌ ọmịna Tamụnọ ḅe ḅẹlẹma, tẹ ori etela mamgba ḅụ mẹnjị, pịkị ori oloko ma koko tẹ ọ̀ fịnamaa, tẹ ọmịna ḅioḅẹngbọ mẹmgba na, tẹmẹ mẹmgba na kẹ fịrịmẹnjị ọ̀ pịrịị.”

1 Jọnị 5:3

Kẹ gotẹ ọkọ ḍukoarị, wa Tamụnọ ḅẹlẹmarị mẹ fiearị ye anie, ọ̀ ḅịḅị poki tẹ ori oloko koko. Anịsakị ori oloko ma pịkị kụrọ ḅaka-a wamịna ḅụụ,