Ditẹrọnọmị 6:4 - FỊAFỊA BAỊBỤLỤ

⁴ Ọ́ naa, yei Izirẹlị: KỊNỊNYANAḄỌ wamịna Tamụnọ ḅe anie gbọrụ Tamụnọ.

Ditẹrọnọmị 6:4 Iomraidhean Croise

1 Amadapụ 18:21

Ịlayịja nwẹnị sọma-ḅo tomi mamgba kpeki tẹ ḅẹẹ, “ọmịnị ọmịna kuroma ḅụ maa warị kpọọ oḅori sọ mu tọ sakị la ḅẹ? KỊNỊNYANAḄỌ ḅe anie Tamụnọ ḅẹḅẹ, ọmịnị ò ḍuka mẹnjịị, ori-a, kụma Balị anie Tamụnọ ḅẹḅẹ, ọmịnị ò ḍukamẹnjịị.” Kụma tomi ma gbọrụ ẹkwẹn-ḅịḅị sọ kẹ ọ̀ pakịrị-a.

2 Amadapụ 19:5

Amadaḅọ Hẹzịkaya afịrịmẹnjịapụ ma ḅo Ayịzaya la tẹso,

1 Paka-aị 29:10

Anịẹrẹsị Devidi kobiri-ogbo mẹmgba tọrọkọ ḅụ KỊNỊNYANAḄỌ ḅe bomam, tẹ nwẹnị ḅẹẹ, “Yei KỊNỊNYANAḄỌ, wamịna ḍaḅọ, Izirẹlị ḅẹ Tamụnọ, boma sime ị́ pịrị mu ḅẹẹ-sakị ḅẹẹ-sakị la.

2 Paka-aị 17:9

In KỊNỊNYANAḄỌ ḅe oloko-ḍiri mẹ kẹ ini na sụa mu tẹ Juda ḅụ ye tolumam; Juda ḅẹ opu ama mamgba ḅio in mu-mu tẹ tomi ma ogbo ḅio ḅụ ye tolumam.

Nehimaya 9:6

“Ị́yẹrị anie KỊNỊNYANAḄỌ ḅe, ị́yẹrị ngẹrị. Ị́yẹrị So mẹ tẹmẹm, gele tẹịn So mẹ sọ, na arị ḅio simearị aị mamgba na; kiri mẹ na anị ḅio simearị aị mamgba na. Anịsakị ị́yẹrị mịẹ arịmgba ḍikiḍikiarị ye, tẹ So mẹ ḅio simearị aị mamgba sunsin ị́ pịrịarị.

Devidi-Anume 78:5

Ori oloko sụa-sụa Izirẹlịapụ ma pịrịm, ọ̀ tọn-tọn Jekọbụ furo-ḅẹ-apụ ma pịrị-aị ma. Ò ḍuko wamịna elemu aḍapụ ma pịrịm mịnẹ ini ori oloko ma kẹ ịna awọmẹ toluma,

Devidi-Anume 86:10

Ị́yẹrị opu kụrọḅọ, tẹ ḅụụ-buama-aị mịẹarị ḅọ; kịngẹ anie Tamụnọ.

Ayịzaya 42:8

“Yẹrị kịngẹ anie KỊNỊNYANAḄỌ ị́ Tamụnọ ḅe. Jen tamụnọ ị̀ na ì ebube nyana ḅịa; À ḍụkụ tẹ oru-afụḅara ì tokini nyana ḅịa.

Ayịzaya 44:6

KỊNỊNYANAḄỌ, ḅẹrẹtọn Izirẹlị pịrị, pịkị à gbaịn-arị ḅọ ḅe, Kụrọmamgba nyana KỊNỊNYANAḄỌ ḅe ḅẹẹm: Yẹrị anie Tarị, pịkị Kunoma, kpọkpọ gbọrụ Tamụnọ ḅẹ; jen tamụnọ ofori, kụma yẹrịị.

Ayịzaya 44:8

Ọ́ ḅalafa ma, ị̀ atomi! Ó nimi wararị mịnẹ elemu sakị kụra ḅio ọkị-ḅo mịọkụ la paka ḅẹ ye mamgba à ḍuko wẹrịm, ọmịnị mie ị̀ ḅẹrẹ-kiri sime apụ. Jen tamụnọ emi? Kụrọ nyana lama wararị tamụnọ tẹ gbala-gbala amụ àrị ẹrẹ naa-a ḅọ emi?

Zẹkaraya 14:9

Anịtẹso KỊNỊNYANAḄỌ ḅe ama-da ḅa bebe tomikiri mẹ ḅụ; anị ene mẹ ḅụ, ḅẹḅọ-ḅẹḅọ sunsin ọ̀ pịrị ḅa Tamụnọ ḅara ḅụ tẹ gbọrụ ẹrẹ mẹ kẹ ò nimi ḅa.

Matiyo 22:37

Jizọsị nwẹnị pakịrị, “ ‘KỊNỊNYANAḄỌ, ị́ Tamụnọ ḅe ḅẹlẹma, í ḅioḅẹngbọ mẹmgba ḅụ, ị́ tẹmẹ mẹmgba ḅụ, pịkị í kuroma mẹmgba ḅụ.’

Luku 10:27

Tomḅọ ḅe nwẹnị pakịrị, “Í ḅioḅẹngbọ mẹmgba na, ị́ tẹmẹ mẹmgba na, ị́ ịnyọ mẹmgba na, í kuroma mẹmgba na kẹ ị́ Nyana Tamụnọ ḅe ḅẹlẹmaa, tẹ pịkị ị́ ị́ ḅụụ ḅẹlẹma ḅara kẹ ị́ na kpeki tẹ anga ḅọ ḅẹlẹmaa.”

Jọnị 10:30

Ḍaḅọ ḅe na ị̀ na gberie.”

Jọnị 17:3

Anịsakị sime gbamaso ḍumo fiearị ye anie karakara kpọkpọ gbọrụ Tamụnọ ḅe, na Jizọsị Kịrayịsị ị́ kẹ fịrịmaḅọ ḅe na nimi.

Romu 3:30

Gbọrụ Tamụnọ ngẹrị anie emi ye ḅẹ sakị, ori anie Juu-ḅẹ-apụ ma kẹ karakara ḅụ wẹrịarị ịna minini ḅụ, pịkị Ja asịẹ ḅẹ apụ ma sọ kẹ karakara ḅụ wẹrịarị ịn nyana minini ḅụ.

Ẹfisọsị 4:6

tomi mamgba gbọrụ Tamụnọ pịkị Ḍaḅọ, ori anie ye mamgba Nyanaḅọ, ye mamgba ḅụ kọrịnama kọrịarị, tẹ pịkị ye mamgba ḅio emi ḅọ.

Ditẹrọnọmị 4:39

Anịẹrẹsị mịmgba ó nimi tẹ kẹ ọmịna ḅioḅẹngbọ ḅụ sụa mịnẹ KỊNỊNYANAḄỌ ḅe anie Tamụnọ ọgọnọ-jụ simearị so mẹ ḅio na, suku-ḅio simearị kiri mẹ ḅio na ḅụ; jụmọ ofori.

Ditẹrọnọmị 5:6

Yẹrị anie KỊNỊNYANAḄỌ ọmịna Tamụnọ ḅe, tẹ Ijiputi ḅụ ọmịnị omoni-sọ anga mẹ ḅio ọ́ pakama-ḅo ḅọ ḅe.

1 Timoti 2:5

Kẹ gotẹ ọkọ ḍukoarị, gbọrụ Tamụnọ ngẹrị emi, tẹ Tamụnọ na tomi na kẹ ḅo gbolomarị ḅọ pịkị gbọrụḅọ, anie Kịrayịsị Jizọsị Tomḅọ Ḅe,

Jemụsị 2:19

Gbọrụ Tamụnọ kịngẹ mie emi ye mẹ í minini? Iḅim! Oru ma sọ minini wararị, tẹ oju sẹkịarị, ḅalafa ḅụ.