Ditẹrọnọmị 6:3 - FỊAFỊA BAỊBỤLỤ

³ Yei Izirẹlịapụ, anịẹrẹsị ọ́ naa, tẹ ḅụụ ẹbị-ẹbị tẹ arị mịẹẹ, mịẹtẹ anị ọmịnị na iḅi ma-mu ḅẹ ḅara, mịẹtẹ KỊNỊNYANAḄỌ ọmịna aḍapụ ma sunsin pịrị Tamụnọ ḅe wẹrịtẹ kẹ ọ́ karịma tẹ ḅara, ó gburo-gburoma lolo-kama ḅẹ ḅara, anị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅụ.

Ditẹrọnọmị 6:3 Iomraidhean Croise

Suku-saakị 12:2

Anịsakị àrị ị́ ḅụụ gburo-gburotẹ opu sịẹ pakama ḅa, àrị í boma ḅa, tẹ mịẹtẹ ị́ ẹrẹ gburo-gburo ḅa, anie ḅụ í boma sọ ḅa.”

Suku-saakị 13:16

Àrị í furo-ḅẹ-apụ mịẹ tẹ ịn kiri-ḅio ḅẹ fọọn ḅin ḅara ḅin ḅa, anie ḅụ kịnị inetẹ kiri-ḅio ḅẹ fọọn mẹ kịẹn-kịẹn, í furo-ḅẹ-apụ sọ kịnị inetẹ kịẹn ḅa.

Suku-saakị 15:5

Tẹ ọ̀ nwẹnị ọ̀ pakama etela-ogbo ḅo tẹ ḅẹẹ, “Tọrụ saakị so ḍiki tẹ lolia ma kịẹn, í inetẹ arị kịẹn ḅarị ḅẹḅẹ.” Anịtẹso ọ̀ nwẹnị ọ̀ ḅẹẹ, “Mị-ḅara mie í furo-ḅẹ-apụ la ḅarị ḅara.”

Suku-saakị 22:17

piki-pikiye-ofori ḅara ḅụ arị í boma ḅa, à mịẹtẹ í furo-ḅẹ-apụ So-ḅio ḅẹ alolia ma na, onwi ma tẹ tọrụ akaka ḅẹ mịmọ mẹ ọgọnọ simearị aị ma sara ḅara kama ḅa. Anịsakị í furo-ḅẹ-apụ ini na fịya-a apụ ma ogigo mẹ ọkị nyana ḅa,

Suku-saakị 26:4

À mịẹtẹ í furo-ḅẹ-apụ kama tẹ So-tọrụ ḅẹ alolia ma ḅin ḅara ḅin ḅa; tẹ mịna ama mamgba kẹ í furo-ḅẹ-apụ pịrị ḅa; anịsakị í furo-ḅẹ-apụ ḅụụ ḅụ tomikiri mẹ ḅẹ opu asịẹ mamgba ḅọrọ tẹ boma nyana ḅa,

Suku-saakị 28:14

anịsakị í furo-ḅẹ-apụ kiri-ḅio ḅẹ fọọn mẹ ḅin ḅara ḅin ḅa, tẹ í wasama mu ịrụa-ideriarị-anga mẹ na, ịrụa-saakịarị-anga mẹ na, ọgọnọ-jụ mẹ na, suku-jụ mẹ na ḅụ sara ḅa; anịsakị ị́ ḅụụ ḅụ mie tomikiri mẹ ḅẹ afuro mamgba boma nyana ḅarị ye.

Devidi-Anume 119:4

KỊNỊNYANAḄỌ, í í oloko ma kẹ wa pịrị tẹ ḍuko wa pịrị tẹ mịnẹ wa ḅioḅẹngbọ-kẹ-sịrẹrẹ-niḅi ḅara kẹ arị poki tẹ mị.

Paka-so 1:7

Kụma Izirẹlị furo-ḅẹ-apụ ma awọ iyi lamarị tẹ gburo-gburoma kamam; in kama lamam, anie mịẹtẹ ama mẹ ḅio ini-ini-ini, tẹ anị Ijiputi-ḅẹ-apụ ma ḅalafamam.

Paka-so 3:17

Anịsakị à mininim mịnẹ àrị Ijiputi ḅụ ọmịnị ẹrịarị tọrụsiẹrị mẹ ḅio ọ́ sakị pakama ḅụụ-ḅẹlẹmatẹ iḅiọkụma fịye so-pakamarị pịkị wulala wararị sịẹ ḅo ḅa, tọnwa fịaị simearị anga. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.’”

Paka-so 3:6

Tẹ ọ̀ nwẹnị ḅẹẹ, “Yẹrị anie ị́ atẹngịapụ ma sịḅị-tuu pịrị Tamụnọ ḅee; Ebira-amụ na Ayịzịkị na pịkị Jekọbụ na sịḅị-tuu pịrị Tamụnọ ḅee.” Tẹ Mozizi nwẹnị amịna tọrụ ḅọị gbala Tamụnọ ḍiki ọ̀ ḅalafama lamam ẹrẹsị.

Paka-so 3:8

Miemẹ gotẹ à kuro ḅo Ijiputi-ḅẹ-apụ ma aḅara ḅio ịn ḍụa pakama ḅa ḅo tẹẹ. Àrị in sakị pakama iḅitẹ wulala wararị sịẹ ḅo ḅa, anie ḅụụ-ḅẹlẹmatẹ iḅiọkụma fịye so-pakamarị amakiri mẹ. Anị sịẹ mẹ anie Kenanị apụ ma na, Itayịti apụ ma na, Amọrayịtị apụ ma na, Pẹrịzayịtị apụ ma na, Hivayịtị apụ ma na, Jebusayịtị apụ ma na angarị sịẹ.

Nimi Tolumaḅọ 8:12

Si-mịẹḅọ sakị sọnọa asi kẹ si mịẹm, tẹ mḅọ ḍumo nangwọmam ḅẹsọ, à nimi wararị mịnẹ anịsọ Tamụnọ mangịmarị apụ ma ye ini na kpaịn ḅa, gbala ịn Tamụnọ mangịmarị ẹrẹsị;

Ayịzaya 3:10

Karakaraye-mịẹapụ ḅioḅẹlẹ ḅa, tẹ ye pịkị ini na iḅi ḅa. Ini ịn kọrị ḅo ye ḅẹ iḅi fị ḅa.

Jerimaya 42:6

Anị wamịna ḅụụ ḅẹlẹ-o, ḅụụ ḅẹlẹ-a-o, wa KỊNỊNYANAḄỌ wamịna Tamụnọ ḅe ḅịḅị poki ḅa, anie wa ḅiiarị ị́ ọ̀ tẹkẹ wa pịrị nwẹn ḅẹẹ ḅọ ḅe. Ye mamgba wamịnị na-iḅi ḅa wa ọ̀ ḅịḅị pokim ḅẹḅẹ.”

Jerimaya 7:23

Kụma à tọn ịn pịrịm ini ị̀ ḅịḅị pokii, anie ḅụ àrị ịna Tamụnọ sọ tẹ ini ì atomi sọ ḅẹm. Tẹ à ḍuko ịn pịrịm ini à tọn ịn pịrị ḅara ḍiki ḍumo kọn, mịẹ tẹ ye ini na iḅi ḅarị ḅara.

Fịrịmẹnjịapụ 7:17

“Tamụnọ ò minini Ebira-amụ pịrị ye mẹ mịẹ ḅẹ sakị mẹ ḅo kpeki sakị wamịna atomi kịẹn-ḅịḅị Ijiputi ḅụ ḍụḅa lama tẹ.

Ditẹrọnọmị 11:9

Mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ ma na, ịna aḅụụ paka-ḅo apụ ma na pịrị ḅẹ ama mẹ ḅio ó ḍumo alama ḅẹ ḅara, anị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio.

Ditẹrọnọmị 26:15

So-ḅio, ị́ fịafịa sime yọ ḅụ ḍiki iderimaa, tẹ ị́ atomi Izirẹlị na, amakiri mẹ tẹ ị́ kẹ wa pịrị tẹ ye mẹ na, ị́ wẹrịtẹ ye karị ḅara kẹ minini wamịna aḍapụ ma pịrị ye mẹ, anie ḅụụ-ḅẹlẹmatẹ iḅiọkụma fịye so-pakamarị amakiri mẹ bomaa.

Ditẹrọnọmị 26:9

tẹ wa kẹ mị ama mẹ ḅio ḅom, ḅụụ-ḅẹlẹmatẹ iḅiọkụma fịye so-pakamarị amakiri mẹ.

Ditẹrọnọmị 27:3

tẹ ọmịnị arị ọgọnọ mị oloko mẹ ḅẹ ẹkwẹn-aḅịḅị mamgba kẹẹ ḅa, ọ́ saḅa-ḅọrọ mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio sọ-mu sakị, KỊNỊNYANAḄỌ ọmịna aḍapụ ma sunsin pịrị Tamụnọ ḅe wẹrịtẹ kẹ ọ́ karịma ḅara.

Ditẹrọnọmị 31:20

Kẹ gotẹ ọkọ ḅẹẹarị, àrị ịn ọkị-ḅo ḅụụ-ḅẹlẹmatẹ iḅiọkụma fịye so-pakamarị amakiri mẹ, anie à ye karị ḅara ḅụ kẹ ịna aḍapụ ma pịrị ḅẹ minini ye mẹ, tẹ ịn fịye fị ịna furo ḅinma tẹ ḅẹlẹkị sụa sakị, ịn tọrụ pịkị oru-atamụnọ da tẹ fịrịmẹnjị ịn pịrị, tẹ ì ḍiki-sima tẹ ị̀ ọḅọkụ mẹ kan ḅa.

Ditẹrọnọmị 4:40

Anịẹrẹsị ọmịnị ori oloko kẹẹ wararị aị ma na, tọn koroma oloko ma tẹ mịmgba à tọn ọ́ pịrị aị ma na koko ḅa, mịẹtẹ anị ọmịnị na, ọ́ ḅọrọ tẹso, ọmịna awọmẹ na iḅi ḅẹ ḅara, mịẹtẹ ọmịnị ọmịna aḍin ma mịẹ nangwọma ḅe ḅara ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị gbamaso ama mẹ ḅụ.

Ditẹrọnọmị 4:6

Ọmịnị arị koko tẹ arị mịẹ; kẹ gotẹ ọkọ ḅẹẹarị, aniemẹ ọmịna ye-nimi na, ọmịna yefieye naa na sọ ḅa tomi ma tọrụ ḅụ, inima tẹ mịna ọmịna kẹẹ wararị oloko mamgba naa ḅarị apụ ma arị naa ḅẹ sakị ịn ḅẹẹ ḅa: Tụkụma ḅara ḅụ mị gburo-gburotẹ opu sịẹ mẹ anie ye-nimi, tẹ yefieye naarị atomi.

Ditẹrọnọmị 8:8

ama tẹ witi na bali na nwẹn-sịn fịaị na, girepu na, figi na, omburo na, olivu na, ḅẹm na ḅin wararị ama;