Ditẹrọnọmị 6:10 - FỊAFỊA BAỊBỤLỤ

¹⁰ KỊNỊNYANAḄỌ ọmịna Tamụnọ ḅe ọmịnị ọkị-ḅo ama mẹ tẹ ò ye karị ḅara kẹ minini ọmịna aḍapụ Ebira-amụ na, Ayịzịkị na, Jekọbụ na pịrịm ọ̀ kẹ ọ́ pịrị ḅẹ ama mẹ, gburo-gburotẹ, iḅitẹ opu ama ma tẹ ọmịnị nama-a ḅẹ ama ma ḅio suu sakị;

Ditẹrọnọmị 6:10 Iomraidhean Croise

Suku-saakị 15:18

Anị ene mẹ ḅụ, KỊNỊNYANAḄỌ ḅe Ebiramụ na gbọrụ ọḅọkụ fịm tẹ ḅẹẹm, “Mị ama mẹ à kẹ í furo-ḅẹ-apụ pịrịm, Ijiputi ḅẹ tọrụ mẹ ḅụ ọkị mu Opu Tọrụ mẹ la, ọkị mu Yuferetisi tọrụ mẹ la,

Suku-saakị 26:3

Igoni mẹ kẹ mị ama mẹ bịan, anịsakị arị ị́ na sime ḅa, tẹ í boma ḅa, kẹ gotẹ ọkọ ḅẹẹarị, mịna ama mamgba à kẹ ị́yẹrị na, í furo-ḅẹ-apụ na pịrị ḅa, anịsakị à ye karị ḅara kẹ minini ị́ ḍa Ebira-amụ pịrị ye mẹ à nwẹn mịẹ ḅa.

Suku-saakị 28:13

KỊNỊNYANAḄỌ ḅe anị ọgọnọ-jụ akaka ḅụ sịẹsime tẹ nwẹnị ḅẹẹ, “Yẹrị anie KỊNỊNYANAḄỌ ḅee, ị́ aḍapụ Ebira-amụ na Ayịzịkị na sịḅị-tuu pịrị Tamụnọ ḅe; kiri mẹ tẹ ị́ ḅọlọlọ simearị anga mẹ à kẹ ị́yẹrị na, ị́ furo-ḅẹ-apụ na pịrị ḅa;

Nehimaya 9:25

Ini in mịẹ kụrọma tẹ opu ama na iḅi kiri na ọkịm tẹ iḅi aị mamgba ḅin wararị awarị na, sokutẹ asuḅe na, kụrọ aḍụọ na, olivu aḍụọ na ḅin wararị mgbọlụ sụa asịn na ọkị nyanam. Anieḅụ in fị tẹ ịna afuro ḅinm, tẹ in ḍụḅam, tẹ í gburo-gburotẹ iḅi mẹ ḅụ tọrụ-ḅẹlẹm.”

Devidi-Anume 105:44

Japụ akiri mie ọ̀ saakị ịn pịrịye tẹ minini tẹ ịn nwẹnị pịkị ịna ḍụọ ḍiḅi akiri ma sọ ọkị,

Devidi-Anume 78:55

Ori atomi ma ḅo kpekiarị sakị, ori anị yọ anga apụ ma dee-dee pakamarị; ori ịna kiri mẹ ḍie Izirẹlị afuro ma pịrị tẹ ịna anga ayọ ma kẹ ori atomi pịrịm.

Ditẹrọnọmị 1:8

Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 19:1

KỊNỊNYANAḄỌ ọmịna Tamụnọ ḅe opu asịẹ ma pẹlẹ sin, arịḅẹ ama ma, tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama ma, tẹ ọmịnị ịna ḅara ọkị, tẹ ịna opu ama ma na, ịna awarị ma na ḅio anga sakị,

Ditẹrọnọmị 31:20

Kẹ gotẹ ọkọ ḅẹẹarị, àrị ịn ọkị-ḅo ḅụụ-ḅẹlẹmatẹ iḅiọkụma fịye so-pakamarị amakiri mẹ, anie à ye karị ḅara ḅụ kẹ ịna aḍapụ ma pịrị ḅẹ minini ye mẹ, tẹ ịn fịye fị ịna furo ḅinma tẹ ḅẹlẹkị sụa sakị, ịn tọrụ pịkị oru-atamụnọ da tẹ fịrịmẹnjị ịn pịrị, tẹ ì ḍiki-sima tẹ ị̀ ọḅọkụ mẹ kan ḅa.

Ditẹrọnọmị 6:18

Anịsakị ọ́ KỊNỊNYANAḄỌ ḅe ḍiki-tọrụ ḅụ kura-aị na, iḅi aị na mịẹ ḅa mịẹtẹ anị ọmịnị na iḅi ma mu ḅẹ ḅara, mịẹtẹ ọ́ sọ-mu iḅi ama mẹ tẹ KỊNỊNYANAḄỌ ḅe ye karị ḅara kẹ minini ọmịna aḍapụ ma pịrị ama mẹ ọkị nyana ḅẹ ḅara,

Ditẹrọnọmị 6:23

tẹ ori anịjụ wa pakama-ḅom, mịẹtẹ ọ̀ wa ọkị-ḅo tẹ wa kẹ ama mẹ tẹ ò ye karị ḅara ḅụ kẹ wamịna aḍapụ pịrị ama mẹ ḅio suu tẹ kẹ wa pịrị ḅẹ ḅara.

Ditẹrọnọmị 8:12

ó fịye fị ọmịna furo ḅinma tẹ iḅi awarị nama tẹ arị ḅio anga sakị,

Ditẹrọnọmị 9:1

Yei Izirẹlị, ọ́ naa! mịmgba ọ́ mị Jodanị mẹ saḅa-ḅọrọ tẹ mu ḍụḅa ọ́ nẹngị pịkị ịnyọ nyana ọ́ nẹngị-nẹngịtẹ opu asịẹ ḅara ḅụ ịn nyana ye ọkị ḅẹ muarị, gburo-gburotẹ ini ọmụ gotẹ mịẹ kụrọma kụrọma mu so lama wararị opu ama ma.

Jọsụwa 24:13

Ọ́ ḅụụ ḅụ kọrịnama kọrị-a ḅẹ ama, na opu ama ma tẹ ọmịnị amụ nama-a ḅẹ aị ma à nwẹn kẹ ọ́ pịrịm, tẹ ọmịnị arị ḅio angam; ọmịnị ó ḍiḅi-a kụrọ ḍụọ na, olivu ḍụọ na ḅẹ sịnmgbọlụ fịm.”