Ditẹrọnọmị 6:1 - FỊAFỊA BAỊBỤLỤ

¹ Mịọkụ mie oloko mẹ na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ KỊNỊNYANAḄỌ ọmịna Tamụnọ ḅe tọn ị̀ pịrịm à kẹ ó toluma ḅẹ aị ma, mịẹtẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 6:1 Iomraidhean Croise

Paka-so 21:1

Mịọkụ mịna aị ma anie oloko ma tẹ kụrọ ḅara-ḅio sime ḅọ sụa oloko ma:

Paka-so 23:13

Ọmịnị àrị ọ́ ḅẹẹ aị mamgba kẹ elekima sụa tẹ mịẹ. Anịsakị ọmịnị oru-atamụnọ ẹrẹ sịn tẹ ịn tẹkẹ ma, anịanịa ọmịna ḅịḅị ḅụ kịnị ọkọ kịkama ye naa.”

Izikẹlị 20:19

Yẹrị anie KỊNỊNYANAḄỌ ọmịna Tamụnọ ḅe. Ọmịnị ì oloko ma na à tọn-koroma-aị ma na poki tẹ mị.

Izikẹlị 37:24

Ị̀ fịrịmẹnjịḅọ Devidi kịka amadaḅọ ịna amadaḅọ sọ ḅa. Inimgba gbọrụ ḅụ sime ḅa gbọrụ ḅẹrẹtọnḅọ suku ḅio, tẹ ḅioḅẹngbọ-kẹ-sịrẹrẹ-niḅi ḅara kẹ ì oloko ma poki tẹ mịẹ ḅa.

Lẹvitikọsị 27:34

Mịna aị ma anie sime Izirẹlịapụ ma pịrị tọn-aị ma, tẹ Sayịnayị Tụndụ ọgọnọ ḅụ KỊNỊNYANAḄỌ ḅe tọn Mozizi pịrị aị ma.

Kịẹn-aḅịḅị 36:13

Mịna aị ma anie oloko ma na, kụrọ ḅara-ḅio simearị ḅọ sụa oloko ma tẹ KỊNỊNYANAḄỌ ḅe Jeriko ḅụ, Jodanị mẹ akaka, Mohabụ ḅẹ ele mẹ ḅio Mozizi ḅụ tọn Izirẹlịapụ ma pịrị aị ma.

Ditẹrọnọmị 12:1

Ma ma anie kẹẹ wararị oloko ma na, kụrọ ḅara ḅio sime apụ sụa oloko ma na tẹ ama mẹ tẹ KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị tẹ ó tomikiri mẹ ḅụ ḍumo-sime wararị ene mamgba ḅụ ọ́ nyana ḅẹ ama mẹ ḅio ọ́ ḅụụ ẹbị-bịtẹ mịẹ ḅarị aị.

Ditẹrọnọmị 3:18

Anịsakị mẹ ḅụ à tọn ịn pịrị tẹ ḅẹẹm: KỊNỊNYANAḄỌ wamịna Tamụnọ ḅe mị ama mẹ kẹ ó pịrị tẹ ọmịnị anị nyana-a; ọmịna owu-akọnịapụ mamgba owu aị kẹ ḅụụ-tẹlẹma tẹ ọmịna amịnapụ Izirẹlịapụ ma tọrọkọ tarị saḅa-ḅọrọ ḅa.

Ditẹrọnọmị 33:3

Karakara-ḅara-ḅụ ori ori atomi ḅẹlẹmam; ịn mịẹ-fịafịama ọ̀ pịrị apụ mamgba ọ̀ ḅara ḅio emi; anị ḅara mie ini ị́ mẹnjị-aḅụọ ḍukamẹnjị ḅịa, ị́ ḅụụ datụkụma ọkịarị,

Ditẹrọnọmị 4:1

Izirẹlị, mịọkụ ọ́ kẹẹ wararị oloko ma na, kụrọ ḅara-ḅio sime apụ sụa ọ́ pịrị oloko ma na tẹ à kẹ ó toluma aị ma koko tẹ arị mịẹ; mịẹtẹ ó ḍumo tẹ mu KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ ḅara

Ditẹrọnọmị 4:14

KỊNỊNYANAḄỌ ḅe anị sakị mẹ ḅụ tọn ị̀ pịrịm à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma, mịẹtẹ ama mẹ tẹ ọ́ saḅa-ḅọrọ mu nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 4:45

Mịna aị ma anie mịẹ tẹ ḍuko-pakama aị ma na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ Mozizi ḍuko Izirẹlị ḅẹ awọmẹ ma pịrị aị ini Ijiputi ama mẹ ḅio paka-ḅo sakị,

Ditẹrọnọmị 4:5

Ḍikii, KỊNỊNYANAḄỌ Ị̀ Tamụnọ ḅe tọn ị̀ pịrị ḅara ḅụ à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma tẹ mịnẹ ama mẹ tẹ ọ́ sọ-mu ọkị nyana ḅẹ muarị ama mẹ ḅio ọmịnị arị mịẹ ḅa.

Ditẹrọnọmị 5:31

Kụma ị́yẹrị, mị anga ị̀ akaka sịẹsimee, anịsakị arị oloko mamgba na, kẹẹ wararị oloko ma na, kụrọ ḅara ḅio sime apụ sụa oloko ma na, tẹ ị́ kẹ ịn toluma ḅẹ aị ma ḍuko ị́ pịrị ḅa, mịẹtẹ ini arị mịẹ ḅẹ ḅara ama mẹ tẹ à kẹ ịn pịrị nyana ama mẹ ḅio.

Ditẹrọnọmị 5:33

Etela mẹ tẹ KỊNỊNYANAḄỌ ọmịna Tamụnọ ḅe tọn ọ́ pịrị etela mẹmgba ḅụ mie ọ́ mẹnjị ḅarịye, mịẹtẹ ó ḍumo-sime, tẹ anị ọmịnị na iḅi ma mu, anịsakị ama mẹ tẹ ọ́ nyana ḅẹ ama mẹ ḅio ọ́ nangwọ ḍumo nyana ḅẹ ḅara.

Ditẹrọnọmị 6:2

Mịẹtẹ ọmịnị na, ọmịna afuro ḅẹ apụ na ọmịna ḍumo-ene mamgba kẹ KỊNỊNYANAḄỌ ọmịna Tamụnọ ḅe mangịma ḅẹ ḅara, ọ́ kẹẹ wararị oloko ma na, ori oloko mamgba na tẹ à tọn ọ́ pịrị aị ma koko ḅụ; mịẹtẹ ọmịna ene ma nangwọ ḅẹ ḅara.