Ditẹrọnọmị 5:4 - FỊAFỊA BAỊBỤLỤ

⁴ KỊNỊNYANAḄỌ ḅe tụndụ mẹ ḅụ ọmịnị na tọrụ kẹ dama-dama tẹ ẹkwẹnm, kọrị fịnị mẹ ogboku ḅụ.

Ditẹrọnọmị 5:4 Iomraidhean Croise

Paka-so 19:9

KỊNỊNYANAḄỌ ḅe nwẹnị Mozizi ḅẹẹ, “Ḍikii, à kpititẹ oḅuto kpo ḅio ị́ ḍọkụma-ḅoarị, mịẹtẹ arị ị́ na ẹkwẹn-arị sakị tomi ma naa, tẹ pịkị í minini gbamaso ḅarị ḅara.” Anịtẹso Mozizi tomi ma kọn ẹkwẹn-aḅịḅị ma ḍuko KỊNỊNYANAḄỌ ḅe pịrịm.

Paka-so 20:1

Tamụnọ mịna ẹkwẹn-aḅịḅị mamgba kọnm, tẹ ḅẹẹm:

Paka-so 33:11

Mị-ḅara mie KỊNỊNYANAḄỌ ḅe kẹ Mozizi na tọrụ kẹ dama-dama tẹ ẹkwẹn ḅara, tomḅọ ẹkwẹn amịna ikiaḅọ pịrị ḅara. Mozizi pịkịma-so kobiri-ogbo mẹ ḅio sọ-mu sakị, ọ̀ fịrịmẹnjịḅọ Jọsụwa, Nọnị owiḅọtụḅọ Asatụḅọ ḅe Akpụrụ-warị mẹ ḅụ ò so-a.

Kịẹn-aḅịḅị 12:8

Àrị ori na ḅịḅị kẹ dama-dama tẹ ẹkwẹnm, giregire ḅara ḅụ, sịḅịḅio pikirima gbaịntẹ ẹkwẹn ḅara ḅụ-a; anịsakị ọ̀ pịkị KỊNỊNYANAḄỌ ḅe simearị ḅara ḍikim. Ó tiegotẹ anịtẹrẹmẹ ḅalafa-a ẹkwẹn tụḅụrụma ị̀ fịrịmẹnjịḅọ Mozizi pịrị ḅụ?”

Kịẹn-aḅịḅị 14:14

anịsakị ịn ḍuko mị ama mẹ nyana apụ ma pịrị ḅa. Ịn naa tẹ mịnẹ Yei KỊNỊNYANAḄỌ ị́yẹrị mịna atomi ma ogbo-ḅio emi, kẹ gotẹ ọkọ ḅẹẹarị, Yei KỊNỊNYANAḄỌ, ị́yẹrị tọrụ kẹ ini na dama-dama tẹ ẹrịya tẹ, tẹ í oḅuto ini ọgọnọ-jụ ḅụ sịẹsimem, tẹ eneḅaka ḅụ ị́yẹrị oḅuto kpo ḅio ịn kẹ tọrọkọ-tarịm, anịsakị ḍin ḅụ kọrị-fịnị.

Ditẹrọnọmị 34:10

Anịngẹ-kụraḅio Mozizi pembema ịkịankoroḅọ amụ saakị paka-ḅo-a Izirẹlị ḅụ, oriḅe tẹ KỊNỊNYANAḄỌ ḅe na tọrụ kẹ dama-dama tẹ ò nimi ḅọ.

Ditẹrọnọmị 4:12

Anịtẹso KỊNỊNYANAḄỌ ḅe kọrị fịnị mẹ ogboku ḅụ sime tẹ ẹkwẹn ọ́ pịrịm, ọ́ naam ẹkwẹn-aḅịḅị fiearị, gbọrụ pọkọ ngẹrị ngẹrị, kụma ye kịka gberie sọ ọmịnị ẹrị-a.

Ditẹrọnọmị 4:15

Anịẹrẹsị ọmịnị iḅi ḅara kẹ ḅụụ ẹbị nyana ọmịna aḅụụ pịrị. Anị ene mẹ tẹ KỊNỊNYANAḄỌ ḅe Orẹbụ ḅụ kọrị fịnị mẹ ogboku ẹkwẹn ọ́ pịrị sakị mẹ ḅụ ó ye kịka gberie-sọ ẹrị-a ḅẹẹ-sakị,

Ditẹrọnọmị 4:33

Jen ene tọ atomi gbọrụ oru-tamụnọ pọkọ naa tẹ kọrị fịnị ogboku ḅụ, ọ́ wẹrịtẹ naa tẹ paa ḍumo-sime wararị ḅara?

Ditẹrọnọmị 4:36

So-ḅio ḅụ ori ọ́ mịẹ tẹ ọmịnị ọ̀ pọkọ naam, mịẹtẹ ori ọmịna ḅioḅẹngbọ na, ọmịna ye-mịẹ-ḅara na datụkụma ḅẹ ḅara; tẹ tomikiri ḅụ ọ̀ mịẹ tẹ ọmịnị ò gburo-gburotẹ opu kọrị fịnị mẹ ẹrịm, tẹ ọmịnị ori ẹkwẹn-aḅịḅị naam kọrị fịnị mẹ ogboku ḅụ.

Ditẹrọnọmị 5:22

Mịna ẹkwẹn-aḅịḅị ma KỊNỊNYANAḄỌ ḅe opu pọkọ kẹ nwẹn kọn tomi ogbo mẹmgba pịrịm kọrị fịnị na, oḅuto na, furu-kịtịpụtẹ kanakana na ḅio tụndụ mẹ ḅụ, tẹ ọ̀ ḅarị jen kẹ arị ḅụ sụa-a. Tẹ ori arị kẹ maa ḍụḅarị apakịrị ọgọnọ kẹẹm, tẹ arị kẹ ị̀ pịrịm.