Ditẹrọnọmị 5:3 - FỊAFỊA BAỊBỤLỤ

³ Wamịna aḍapụ ma ngẹrị KỊNỊNYANAḄỌ ḅe na mị ọḅọkụ mẹ fị-a, kụma wamịnị-mgba tẹ mịmgba mịanga ḍumo-sime wararị apụ ma sọ.

Ditẹrọnọmị 5:3 Iomraidhean Croise

Suku-saakị 17:21

Kụma Ayịzịkị ori ḅe tẹ Sera jen kụra nwẹn pembe sakị ḅụ iyi ị́ pịrị ḅarị ḅọ ḅe ḅụụ mie àrị ị̀ ọḅọkụ mẹ mịẹ-pakama ḅarị ye.”

Suku-saakị 17:7

“Àrị ị̀ ọḅọkụ mịẹ pakama ḅa yẹrị na ị́yẹrị na í furo-ḅẹ-apụ na ogboku, anị sime gbamaso ọḅọkụ ḅara ḅụ sime ịna ḅụọ-ḅẹ-atomi pịrị ḅa. À Tamụnọ sọ ị́yẹrị na í furo-ḅẹ-apụ na pịrị ḅa.

Jerimaya 31:32

Anị à kẹ ịna elemu aḍapụ na fị ọḅọkụ mẹ na kịka ḅịa, anie à ḅara kẹ ini ọlọ tẹ Ijiputi ḅio ịn kẹ mẹnjị paka sakị mẹ. Arị ini na sime-ḅara ḅụ à diḅọ kịkam sọ; ini anị ọḅọkụ mẹ koko-a.

Jerimaya 34:13

Izirẹlịapụ tẹkẹarị Tamụnọ ḅe ḍuko ị̀ pịrịm à tomi ma ḅẹẹ: “Àrị Ijiputi ḅara-ḅio ọmịna elemu-aḍapụ ma pụkọ-pakamaḅo tẹ ini omoni ḅụ so sakị mẹ ḅụ, arị ini na ọḅọkụ fịm tẹ ini omoni ḅara-ḅio paka-ḅom. À ḍuko ịn pịrịm mịnẹ:

Matiyo 13:17

À mịẹtẹ ó nimiarị mịnẹ tọnwa ịkịankoroapụ na, tọnwa Tamụnọ atomi na ḅii lamam ini ọmịnị ma ẹrịarị aị ma ẹrị, kụma ini ẹrị-a som; tẹ pịkị ọ́ naarị aị ma naa, kụma ịn naa-a som.

Ditẹrọnọmị 29:1

Mịna aị ma anie ọḅọkụ mẹ ḅẹ ẹkwẹn-aḅịḅị ma tẹ KỊNỊNYANAḄỌ ḅe tọn Mozizi pịrịm, Izirẹlịapụ ma na fị nwẹn ḅẹẹ ye mẹ Mohabụ ḅẹ ama mẹ ḅio, ọḅọkụ mẹ tẹ Orẹbụ ḅụ ori inina fị ye mẹ sikima.

Ditẹrọnọmị 29:9

Anịẹrẹsị ọ́ mị ọḅọkụ mẹ ḅẹ ẹkwẹn-aḅịḅị ma mịẹ ḅẹ ḅara kẹ ḅụụ ẹbị-ẹbị, mịẹtẹ ọmịnị inetẹ ọ́ mịẹ ḅẹ aị mamgba ḅụ lolo ḅẹ ḅara.