Ditẹrọnọmị 5:1 - FỊAFỊA BAỊBỤLỤ

¹ Mozizi Izirẹlị mẹmgba sịn kobiri tẹ ịn ḅẹẹm, “Izirẹlịapụ ó poki yee! Ọ́ kẹẹ wararị oloko ma na tọn-pịrị-aị ma na tẹ à mịmgba ọ́ naarị ḅara kẹ ḍuko ọ́ pịrịarị aị ma naa, anịsakị ọmịnị arị ḍawọ tẹ ḅụụ ẹbị-bịtẹ arị mịẹ ḅa.

Ditẹrọnọmị 5:1 Iomraidhean Croise

Devidi-Anume 78:7

Mị-ḅara ḅụ ini sọ Tamụnọ kẹ ḅiokpọma ḅa, tẹ ḅarị ọ̀ kọrị tẹ aị ma kẹ ḅioḅọrọma ḅịa, kụma sakị mamgba ọ̀ tọn kuroma aị ma poki tẹ mị.

Paka-so 15:26

Ọ̀ ḅẹẹm, “Ọmịnị ma nwẹnị yẹrị ọmịna Tamụnọ ḅe pọkọ poki tẹ bala ḅara kẹ iḅiọkụ aniemẹ tẹ ị̀ tọrụ ḅụ kuraye mịẹ, tẹ à tọnm mịẹ ḅẹ aị ḍiki mịẹ, pịkị kẹẹ wararị oloko mamgba kokom ḅẹḅẹ, obi ma tẹ à kẹ Ijiputi-ḅẹ-apụ ma ọgọnọ gbana aị ma ḅẹ gberie-sọ à kẹ ọmịna ọgọnọ gbana ḅịa, gbala yẹrị anie KỊNỊNYANAḄỌ ḅee, ọ́ gwọarị ḅọ ḅe ẹrẹsị.”

Paka-so 18:20

tẹ kẹẹ wararị oloko ma na, tọn-pẹlẹ aị ma na kẹ ịn toluma, tẹ mịẹtẹ ini etela mẹ tẹ ịn mẹnjị nyana etela mẹ na ịn mịẹ nyana ye na nimi ḅa.

Matiyo 23:3

Mie ḅụ ịn ḍuko ọ́ pịrị ye, pịrị ye ó poki tẹ anị ḍukamẹnjịị, anịsọ ọmịnị ịn mịẹarị ḅara ḍikima mịẹ ma, kẹ gotẹ ọkọ ḅẹẹarị, inima in tolumarị ḅara ini ọkọ ḍiki mịẹ-a.

Ditẹrọnọmị 1:1

Mie Mozizi Jodanị mẹ ọgọnọ-jụ ḅụ kọọn Izirẹlị mẹmgba pịrị ẹkwẹn ma, ịkpa mẹ ḅio Sufu na saḅama wararị ele mẹ ḅio, Peranị na Tofeli na Labanị na Hazerọtị na Dizayabu na ogboku ḅụ.

Ditẹrọnọmị 11:1

Ọmịnị anịẹrẹsị KỊNỊNYANAḄỌ ọmịna Tamụnọ ḅe ḅẹlẹma tẹ ọ̀ tọn ọ́ pịrị aị ma na, ori oloko ma tẹ kẹẹ wararị aị ma na, kụrọ ọ̀ ḅara emi ḅara kẹ ọ̀ sụa oloko ma na, ori Oloko ma na koko tẹ arị mịẹ ḅa.

Ditẹrọnọmị 12:1

Ma ma anie kẹẹ wararị oloko ma na, kụrọ ḅara ḅio sime apụ sụa oloko ma na tẹ ama mẹ tẹ KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị tẹ ó tomikiri mẹ ḅụ ḍumo-sime wararị ene mamgba ḅụ ọ́ nyana ḅẹ ama mẹ ḅio ọ́ ḅụụ ẹbị-bịtẹ mịẹ ḅarị aị.

Ditẹrọnọmị 17:19

tẹ anị ọ̀ ḅara ḅụ sime tẹ ò ḍumo-ene mamgba ḅụ ori anị go ḅa, mịẹtẹ ọ̀ KỊNỊNYANAḄỌ ọ̀ Tamụnọ ḅe mangịma mẹ ḍawọ ḅẹ ḅara, mị oloko mẹ ḅẹ ẹkwẹn-aḅịḅị ma na, mịna kẹẹ wararị oloko ma na koko tẹ arị mịẹ ḅụ;

Ditẹrọnọmị 28:15

Kụma ọ́ KỊNỊNYANAḄỌ ọmịna Tamụnọ ḅe pọkọ poki ḅịa, anịanịa ḅụụ ẹbị-ẹbị ori oloko mamgba na, ori oloko ma tẹ kẹẹ wararị aị ma tẹ mịmgba à tọn ọ́ pịrị aị ma mịẹ ḅịa ḅẹḅẹ, anịrẹ mịna wori-anume ma ḅo ọ́ la, tẹ ọ́ gbaịn-koro ḅa.

Ditẹrọnọmị 29:10

Ọmịna afuro ma ḅẹ sịḅịdapụ ma-o, ọmịna omongiapụ ma-o, ọmịna opu fịrịmẹnjịapụ ma-o, Izirẹlị ḅẹ owiapụ mamgba mịmgba ọ́ KỊNỊNYANAḄỌ ọmịna Tamụnọ ḅe tọrọkọ sịẹsime wararị,

Ditẹrọnọmị 29:2

Mozizi Izirẹlị mẹmgba sịn kobiri tẹ ịn ḅẹẹm: Ọmịna tọrọkọ ọ́ tọrụngbọ kẹ KỊNỊNYANAḄỌ ḅe Ijiputi ama mẹ ḅio kẹ Fero na, ori afịrịmẹnjịapụ mamgba na ori ama mamgba na mịẹ aị ma ẹrị tẹ,

Ditẹrọnọmị 4:1

Izirẹlị, mịọkụ ọ́ kẹẹ wararị oloko ma na, kụrọ ḅara-ḅio sime apụ sụa ọ́ pịrị oloko ma na tẹ à kẹ ó toluma aị ma koko tẹ arị mịẹ; mịẹtẹ ó ḍumo tẹ mu KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ ḅara

Ditẹrọnọmị 4:49

na Jodanị mẹ ḅẹ ịrụa-saakịarị-anga mẹ ḅụ Ịkpa ḅio ḅẹ Ele mẹmgba, ọkị mu Ịkpa ḅio ḅẹ Ele mẹ ḅẹ Opu Tọrụ mẹ sime jụjụ-ḅio la Pisiga Tụndụ ḅẹ tuma kiri mẹ suku-ḅio kẹ sụa.

Ditẹrọnọmị 4:5

Ḍikii, KỊNỊNYANAḄỌ Ị̀ Tamụnọ ḅe tọn ị̀ pịrị ḅara ḅụ à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma tẹ mịnẹ ama mẹ tẹ ọ́ sọ-mu ọkị nyana ḅẹ muarị ama mẹ ḅio ọmịnị arị mịẹ ḅa.

Ditẹrọnọmị 5:2

KỊNỊNYANAḄỌ wamịna Tamụnọ ḅe Orẹbụ (anie Sayịnayị Tụndụ) ḅụ wamịnị na ọḅọkụ fịm.

Ditẹrọnọmị 6:17

Ọ́ karakara ḅara kẹ KỊNỊNYANAḄỌ ọmịna Tamụnọ ḅe oloko ma na, kẹẹ wararị oloko ma na tẹ ọ̀ tọn ọ́ pịrị tẹ aị ma kọkọ ḅa, tẹ ọ̀ mịẹ aị ma ḍuko-pakama ḅa.

Jọsụwa 1:8

Mị Oloko Ḍiri mẹ ị́ ḅịḅị ḅụ so ma, kụma ḍin na eneḅaka na ḅụ anị kẹ ḅiokoroma, mịẹtẹ ị́ ḅụụ ẹbị tẹ anị ḅio anị wẹrịtẹ kẹẹ wararị ḅara mamgba mịẹ ḅẹ ḅara; kẹ gotẹ ọkọ ḅẹẹarị, anịrẹ mie í etela ị́nịna lolo ḅarịye, tẹ ị́ nwẹnị iḅiọkụ iḅi ḅara mịẹ ḅa.