Ditẹrọnọmị 4:9 - FỊAFỊA BAỊBỤLỤ

⁹ Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Ditẹrọnọmị 4:9 Iomraidhean Croise

Suku-saakị 18:19

Àrị ọ̀ sẹlẹ-ọkị tẹẹ, mịẹtẹ ọ̀ tọn ori awọmẹ na ọ̀ warị-suku na pịrị ịn ò ḍikimatẹ karakara na kura ḅẹrẹkọn na ḅụ ì etela mẹ mẹnjị ḅẹ ḅara. Ịn ọkọ mịẹm ḅẹḅẹ, à kẹ Ebira-amụ karịma aị mamgba à mịẹ ọ̀ pịrị ḅa.”

Devidi-Anume 119:11

Àrị í oloko kokoarị ì ḅioḅẹngbọ ḅụ, mịẹ tẹ à si kẹ ị́ mịẹ ḅịa ḅara.

Devidi-Anume 71:18

Mịọkụ àrị omongitẹ ị̀ sịḅị iḅulu ḅịya tẹ mẹ, ị̀ kẹ gbin kuroma tẹ so ma, Yei Tamụnọ! Àrị ị́ kụrọ na í opu na ḍuko wasama tọrọkọ ḅo ḅarị aḅụọ mamgba pịrịarị sakị mẹ ḅụ ị̀ na simee.

Paka-so 10:2

tẹ mịẹtẹ ọmịna owiapụ-awọmẹ na, ọmịna taa-awọmẹ na naa ḅarị ḅara kẹ ọmịnị arị Ijiputi ḅẹ apụ ma kẹ oḅori atomi sọma ḅara na, arị ịna ogboku mịẹ tẹ elekima ma na ḍuko ịn pịrị ḅẹ ḅara mịẹtẹ ó nimi ḅarị ḅara mịnẹ yẹrị anie KỊNỊNYANAḄỌ ḅee.”

Paka-so 23:13

Ọmịnị àrị ọ́ ḅẹẹ aị mamgba kẹ elekima sụa tẹ mịẹ. Anịsakị ọmịnị oru-atamụnọ ẹrẹ sịn tẹ ịn tẹkẹ ma, anịanịa ọmịna ḅịḅị ḅụ kịnị ọkọ kịkama ye naa.”

Egberima-Ẹkwẹn 1:8

Ị̀ tụḅọ, ị́ ḍa na í iyingi na ḍuko ị́ pịrịarị ye pokii.

Egberima-Ẹkwẹn 23:26

Ị̀ tụḅọ, iḅiọkụ tọrụ Kireinma tẹ ì ḍumo kẹ ị́ kẹ ḍiki angarị ye mịẹẹ.

Egberima-Ẹkwẹn 3:21

Ị̀ tụḅọ, í nimi na í ye suku ḅio simearị ye lekiriarị ye mẹ na ọlọ-sịẹmaa. Gbala-gbala ḍụkụ tẹ arị ị́ ḅara pẹlẹ so ma.

Egberima-Ẹkwẹn 7:1

Ị̀ tụḅọ, à ḍukoarị ye kẹ ḅiokoromaa, tẹ gbala-gbala arị ị́ ḅẹẹm mịẹ ḅẹ aị ma kẹ ḅioḅọrọma ma.

Ayịzaya 38:19

Ḍumo wararị apụ mie í tokiniarị, Mịọkụ arị í tokiniarị ḅara mẹ. Ḍapụ ḍuko ịna awọmẹ pịrịarị í ḅioḅẹngbọ kẹ ḅụụ ḅụ gbana na-iḅi ḅara simearị mẹ.

Ayịzaya 42:20

Izirẹlị, í ye ẹrị lama tẹẹ, kụma anị tiye fie ị́ pịrị? Í ḅeri nyana wararị kẹ ye-naa ḅẹm, kụma karakaramatẹ ị́ naa ḅo ye tiye?”

Jerimaya 17:21

Ḍuko ịn pịrị ini ịna aḍumo ḅẹlẹmarị ḅẹḅẹ ini ikuye dogi nyana-a Ịnyọsara-Ene mẹ ḅụ; in gberie-sọ dogi mẹnjị Jeruselemu ogigo-aḅọkọ ma tolu-ḅọrọ nyana-a

Luku 8:18

“Ọkọẹrẹsị ọmịnị iḅi ḅeri kẹ pokii; ye ḅara ḅụ sime ḅọ in jen kẹ sụa mḅọ pịrị ḅa, kụma ye ḅara ḅụ ofori ḅọ ḅe, mḅọ kuromarị mḅọ nyana tẹ nwẹn ḅẹẹ kala ye mẹ sọ, ini mḅọ ḅara ọkị ḅa.”

Ẹfisọsị 6:4

Ḍapụ-na-iyingiapụ-na, ọmịnị ọmịna awọmẹ ma ịganịma ḅẹ ḅara kẹ ini na anga ma. Anie nakara, ọ́ Kịrayịsị ḍukamẹnjịapụ ḍumo ḅara na tolumaye na ḅụ in ḍikiḍiki pakama-ḅoo.

Ditẹrọnọmị 11:19

Anịsakị ọmịnị arị kẹ ọmịna awọmẹ toluma ḅa, tẹ arị gboloma ẹkwẹn kọn ḅa ọmịnị ọmịna warị ḅio lẹgị-sime wararị sakị na, ọmịnị ọmịna etela ḅụ mẹnjịarị sakị na ọ́ ḅọlọlọ sakị na, ọ́ saakị sakị na ḅụ.

Ditẹrọnọmị 12:1

Ma ma anie kẹẹ wararị oloko ma na, kụrọ ḅara ḅio sime apụ sụa oloko ma na tẹ ama mẹ tẹ KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị tẹ ó tomikiri mẹ ḅụ ḍumo-sime wararị ene mamgba ḅụ ọ́ nyana ḅẹ ama mẹ ḅio ọ́ ḅụụ ẹbị-bịtẹ mịẹ ḅarị aị.

Ditẹrọnọmị 16:3

Ọ́ suntẹ fịturu kẹ anị na fị ma; sọnọma aḍin ọ́ nwẹn kẹ sun-a fịturu kẹ anị na fị ḅa, tọrụsiẹrị fịturu mẹ — kẹ gotẹ ọkọ ḅẹẹarị, fọnya mangị ḅụ ọmịnị Ijiputi ḅẹ ama mẹ ḅio paka-ḅom — mịnẹ ọmịna ḍumo ene mamgba ḅụ ọmịnị inetẹ mịmgba mẹ tẹ ọmịnị Ijiputi ḅẹ ama mẹ ḅio paka-ḅo sakị mẹ kẹ ḅiokoroma ḅa.

Ditẹrọnọmị 17:19

tẹ anị ọ̀ ḅara ḅụ sime tẹ ò ḍumo-ene mamgba ḅụ ori anị go ḅa, mịẹtẹ ọ̀ KỊNỊNYANAḄỌ ọ̀ Tamụnọ ḅe mangịma mẹ ḍawọ ḅẹ ḅara, mị oloko mẹ ḅẹ ẹkwẹn-aḅịḅị ma na, mịna kẹẹ wararị oloko ma na koko tẹ arị mịẹ ḅụ;

Ditẹrọnọmị 29:29

Ḅọị wararị aị ma sime KỊNỊNYANAḄỌ wamịna Tamụnọ ḅe pịrịm, kụma arị aị ma tẹ mịẹfinji tẹ aị ma sime wamịnị na wamịna awọmẹ na pịrị gbamasom, mịẹtẹ wa mị oloko mẹ ḅẹ ẹkwẹn-aḅịḅị mamgba mịẹ ḅẹ ḅara.

Ditẹrọnọmị 31:19

Anịẹrẹsị mịọkụ mị nume mẹ kẹẹ, tẹ anị kẹ Izirẹlịapụ ma tolumaa; anị kẹ ịna aḅịḅị ḅio suu, mịẹtẹ mị nume mẹ Izirẹlịapụ ma na tụḅụrụ ḅara ḅụ ḅẹrẹ-kiri sime ye sọ ị̀ pịrị ḅẹ ḅara.

Ditẹrọnọmị 32:46

ọ̀ nwẹnị ịn ḅẹẹ, “Ọ́ mịna ẹkwẹn-aḅịḅị tẹ mịmgba à tọn ọ́ pịrị aị ma kẹ ọmịna ḅioḅẹngbọ ḅụ wẹrị, mịẹtẹ ọmịnị inetẹ arị tọn ọmịna awọmẹ pịrị, mịẹtẹ ịn ḅụụ ẹbị-ẹbị mị oloko mẹ ḅẹ ẹkwẹn-aḅịḅị mamgba mịẹ ḅẹ ḅara.

Ditẹrọnọmị 4:10

ọ́ wẹrịtẹ Orẹbụ ḅụ KỊNỊNYANAḄỌ ọmịna Tamụnọ ḅe tọrọkọ sịẹsime ḅara KỊNỊNYANAḄỌ ḅe ị̀ ḅẹẹm: Tomi ma kobiri ị̀ pịrị, mịẹtẹ ini ị̀ ẹkwẹn-ḅịḅị naa ḅẹ ḅara, mịẹtẹ ini ị̀ mangịma ḅẹ ḅara ḍawọ ḅarị ḅara ene mamgba tẹ ịn kẹ tomikiri ḅụ ḍumo-sime ḅẹ ene ma ḅụ, anịsakị ini anị ḅara kẹ ịna awọmẹ ma toluma ḅẹ ḅara.

Ditẹrọnọmị 4:15

Anịẹrẹsị ọmịnị iḅi ḅara kẹ ḅụụ ẹbị nyana ọmịna aḅụụ pịrị. Anị ene mẹ tẹ KỊNỊNYANAḄỌ ḅe Orẹbụ ḅụ kọrị fịnị mẹ ogboku ẹkwẹn ọ́ pịrị sakị mẹ ḅụ ó ye kịka gberie-sọ ẹrị-a ḅẹẹ-sakị,

Ditẹrọnọmị 4:23

Ọmịnị ọmịna aḅụụ ẹbị, anieofori ó ḅofa KỊNỊNYANAḄỌ ọmịna Tamụnọ ḅe ọḅọkụ mẹ tẹ ori ọmịnị na fị ye mẹ kẹ ḅioḅọrọma, tẹ ḅẹẹye-ḅẹẹye kịkama tẹmẹ ọmịna aḅụụ pịrị, aniemẹ tẹ KỊNỊNYANAḄỌ ọmịna Tamụnọ ḅe kẹ tọn-tọnye sọma ọ́ pịrị tẹ ye mẹ.

Ditẹrọnọmị 6:12

ọmịnị ọmịna aḅụụ ẹbị, anieofori ọ́ ḅofa KỊNỊNYANAḄỌ ḅe tẹ Ijiputi ama mẹ ḅụ, omoni-sọ anga mẹ ḅio ọ́ pakama-ḅo ḅọ ḅe kẹ ḅioḅọrọma.

Ditẹrọnọmị 6:2

Mịẹtẹ ọmịnị na, ọmịna afuro ḅẹ apụ na ọmịna ḍumo-ene mamgba kẹ KỊNỊNYANAḄỌ ọmịna Tamụnọ ḅe mangịma ḅẹ ḅara, ọ́ kẹẹ wararị oloko ma na, ori oloko mamgba na tẹ à tọn ọ́ pịrị aị ma koko ḅụ; mịẹtẹ ọmịna ene ma nangwọ ḅẹ ḅara.

Ditẹrọnọmị 6:20

Ḅaa fa-a berembe ḅụ ọmịna awọmẹ mịẹ tẹ aị ḍuko-pakama mẹ na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ KỊNỊNYANAḄỌ wamịna Tamụnọ ḅe tọn aị ma tiye fiearị kẹ ó gbela sakị,

Ditẹrọnọmị 6:7

Ọ́ karakara ḅara kẹ arị kẹ ọmịna awọmẹ toluma ḅa, tẹ ọmịnị ọmịna warị ḅio lẹgị-sime sakị na, etela ḅụ ọ́ mẹnjịarị sakị ḅụ na, ọ́ ḅọlọlọ sakị ḅụ na, ọ́ saakị sakị na ḅụ arị gbolomaye kẹ ẹkwẹn ḅa.

Ditẹrọnọmị 8:11

Ọmịnị ọmịna aḅụụ ẹbị anieofori ó ḅofa KỊNỊNYANAḄỌ ọmịna Tamụnọ ḅe kẹ ḅioḅọrọma ori oloko ma na, kụrọ ọ̀ ḅara-ḅio emi tẹ ọ̀ sụa oloko ma na, ori oloko ma tẹ kẹẹ wararị aị ma na, arị aị ma tẹ mịmgba à tọn ọ́ pịrị aị ma koko-a ḅụ,

Ditẹrọnọmị 8:14

anị sakị ḅụ mie ọmịna ḅioḅẹngbọ saakị gele ḅarịye, tẹ ọmịnị ọmịna Tamụnọ ḅe tẹ Ijiputi ama mẹ ḅụ, ọmịnị omoni-sọ anga mẹ ḅio ọ́ pakama-ḅo ḅọ ḅe kẹ ḅioḅọrọma ḅarịye.

Hiburu 2:1

Anie mẹ mie wa gotẹ wa naa tẹ akarakara mamgba fịnama sịẹma na-iḅi ye, ọkọ-a kụma tomikiri mẹ ḅofa minji anị ḅio tẹịn-arị ye fọnọ-so ḅara kẹ wa fọnọ-so.

Hiburu 2:3

Nwẹnị ọkọ kụma, ndẹẹ fomu-ḅara wa gbarị ḅẹ ḅara wa nwẹn sime opu ḅọrọma mẹ kẹ ye-sịn-a kụma? KỊNỊNYANAḄỌ ḅe ḅioju ḅarana tarị mị ḅọrọma mẹ ḍuko wasamam, tẹ ó ḍuko ye mẹ naa apụ ma kẹ wa ḍie tẹ mịnẹ oku mẹ karakaraye.

Jemụsị 2:22

Ọmịnị inetẹ ẹrị-a? Ò minini na ori akọrịnama na gbọrụ ḅụ mẹnjịm; ori akọrịnama ma mịẹtẹ ò minini bebe ye sọm.

Jọsụwa 1:18

Ḅẹḅọ-ḅẹḅọ tẹ sịḅị-kụrọma ị́ tọn ye pịrị tẹ ị́ ẹkwẹn-aḅịḅị poki-a ḅọ, poki-a ḅọ ị́ tọn mḅọ pịrị ye goyegoye ḅụ, sime fịị pịrị ḅa. Ị́yẹrị kịngẹ paa kụrọ sịẹ tẹ iḅi ḅiokpọ nyana.”

Jọsụwa 23:11

Ọkọẹrẹsị ọmịnị iḅi ḅụụ ẹbị nyana ọmịna aḅụụ pịrị, KỊNỊNYANAḄỌ ọmịna Tamụnọ ḅe ḅẹlẹma ḅụ.

Jọsụwa 4:21

Ọ̀ nwẹnị Izirẹlị ḅẹ atomi ma ḅẹẹ, “Ọmịna awọmẹ, ‘Mịna aḍụḅarị ma tiye fiearị mọ?’ kẹ ịna aḍapụ gbela sakị tọrọkọ ḅo ḅarị sakị ḅụ,

Mịẹfinji 3:3

Ọkọẹrẹsị ịn kẹ í toluma tẹ ị́ naa tẹ ye mẹ kẹ ḅiokoromaa; anị ḍiki anga tẹ ị́ asi ḅụ pịkịị. Í mono mẹ ḅụ saakị-a ḅẹḅẹ, à ḅo ị́ la ḅa, furuḅọ ḅo ḅara, tẹ à ḅo ḅarị sakị í nini ḅịa.

Ḅẹrẹkọn-apụ 3:7

Izirẹlịapụ ma KỊNỊNYANAḄỌ ḅe ḍiki-tọrụ ḅụ siye mịẹm, fịrịmẹnjị-mẹnjị Balị ma na, Asiroti mẹ na pịrị ḅụ KỊNỊNYANAḄỌ ịna Tamụnọ ḅe kẹ ḅioḅọrọmam.

Ḅẹrẹkọn-apụ 8:34

Tẹ Izirẹlịapụ ma KỊNỊNYANAḄỌ ịna Tamụnọ ḅe tẹ inina fịya-a apụ mamgba ḅara ḅụ pakịrị goyegoye ḅụ ịn ḍụa ḅọrọma ḅo ḅe kẹ ḅiokoroma-a;