Ditẹrọnọmị 4:8 - FỊAFỊA BAỊBỤLỤ

⁸ Anịsakị tọ gburo-gburotẹ opu sịẹ emi, tẹ oloko mẹ tẹ à kẹ mịmgba ọmịna tọrọkọ koroma wararị kẹẹ wararị oloko ma na, kụrọ ḅara-ḅio sime apụ sụa oloko ma na, mị oloko mẹmgba karakara ḅara karakara oloko nyana?

Ditẹrọnọmị 4:8 Iomraidhean Croise

Nehimaya 9:13

Sayịnayị tụndụ ọgọnọ í tuuideri-ḅom, tẹ So-ḅio sime tẹ ini na ẹkwẹnm; kura ḅẹrẹtọn na, karakara oloko na, kẹẹ tẹ oloko na, tọn na-iḅi aị na kẹ in pịrịm.

Devidi-Anume 119:138

Ị́ kẹ ọrụtọn kuroma aị ma gbala-gbala aḍụa ofori ḅara na kura ḅara na simem.

Devidi-Anume 119:144

Ị́ ḍukom mịẹ ḅẹ aị ma ḅụ sakị mamgba inoma ye ofori; yefieye naa nimi kẹ ị̀ pịrị, anịsakị à ḍumo ḅa.

Devidi-Anume 119:160

Í oloko mẹ ḅioḅẹngbọ anie karakara, tẹ ị́ karakara aḅẹrẹkọn mamgba sime gbamasom.

Devidi-Anume 119:86

Ị́ tọn kuroma aị mamgba ḅioḅẹngbọ kẹ arị ḅụ gbana na-iḅim; tomi iruo aị kẹ ị̀ ḅaa ḅẹ ḅọkọ ḍọkịarị — ḅarasụa ị̀ pịrị!

Devidi-Anume 119:96

À ḍọkị nimi tẹ mịnẹ ye goyegoye anị daasịẹ anga nyana wararị, kụma ị́ tọn kuroma ye mẹ iḅi kọnma-a.

Devidi-Anume 89:14

Ị́ ama-da ḅẹrẹtọn mẹ karakara mịẹ na karakara ḅẹrẹkọn na ọgọnọ mie anị sịẹsime wararị; ị́ mịẹarị aị mamgba ḅẹlẹma na ḅioḅẹngbọ kẹ ị́ ḅụụ ḅụ gbana na-iḅim na ḍie-pakamarị.

Devidi-Anume 97:2

Oḅuto na kanakana na ori ikelema-koro wararị; ọ̀ karakara mịẹ na aḍụa ofori ḅara na kẹ ḅẹrẹtọn-arị.

Ayịzaya 42:21

KỊNỊNYANAḄỌ ḅe anie amịna atomi ḅọrọma gotẹ ḅio-sẹsẹarị Tamụnọọ, mie ḅụ ori ori oloko ma na toluma aị ma na gelema tẹ ḅii tẹ mịnẹ ori atomi arị kụn.

Hosiya 8:12

À kịẹnkịẹn-ọkụ-ofori toluma-aị kẹ koro ma tomi ma pịrịm, kụma ịn kịrị aị na ja asịẹ ḅẹ aị na ḅara kẹ arị sịkịarị.

Romu 3:2

Karakara-ḅara-ḅụ ḅọkọ, ḅọkọ ḅụ anị nyana iḅi ḅakam. Tarị ye, Tamụnọ ori oku mẹ kẹ Juu-ḅẹ-apụ ma ḅara sụam.

Ditẹrọnọmị 26:19

mịẹtẹ ori ọ́ saakị sịẹma gelema opu asịẹ mamgba tẹ ọ̀ mịẹ tẹ aị ma nẹngị ḅẹ ḅara, tokini ḅụ na, ereso ḅụ na, kụn na ḅụ, anieḅụ ọ́ ḅụụ fịafịama sime KỊNỊNYANAḄỌ ọmịna Tamụnọ ḅe pịrị ḅẹ ḅara, ọ̀ wẹrịtẹ ḍuko tẹ ḅara.