Ditẹrọnọmị 4:6 - FỊAFỊA BAỊBỤLỤ

⁶ Ọmịnị arị koko tẹ arị mịẹ; kẹ gotẹ ọkọ ḅẹẹarị, aniemẹ ọmịna ye-nimi na, ọmịna yefieye naa na sọ ḅa tomi ma tọrụ ḅụ, inima tẹ mịna ọmịna kẹẹ wararị oloko mamgba naa ḅarị apụ ma arị naa ḅẹ sakị ịn ḅẹẹ ḅa: Tụkụma ḅara ḅụ mị gburo-gburotẹ opu sịẹ mẹ anie ye-nimi, tẹ yefieye naarị atomi.

Ditẹrọnọmị 4:6 Iomraidhean Croise

1 Amadapụ 4:34

Tomikiri mẹmgba ikelema-koro ḅụ amadapụ mamgba ò nimi mẹ gbolomaye naam tẹ kịnị fịrịma ò poki ḅẹ mum.

Jobu 28:28

Ọ̀ nwẹnị tomi ḅẹẹ, “Ḍikii, KỊNỊNYANAḄỌ ḅe mangịma mẹ, anie nimi mẹ; anịsakị siye ḅụ ḅụụ sikima mẹ anie yefieye-naa mẹ.”

Devidi-Anume 111:10

Tomḅọ ḅọrọ tẹ nimi nyana ḅẹ etela anie kụn kẹ KỊNỊNYANAḄỌ ḅe pịrị; ori anie karakara ḅẹrẹkọn kẹ ọ̀ tọn kuroma aị ma poki tẹ mịẹarị apụ ma pịrịarị. Ini ò tokini gbamaso ḅa.

Devidi-Anume 19:7

KỊNỊNYANAḄỌ ḅe oloko mẹ karakara famam, anị ịwọ ịnyọ pịrịarị. KỊNỊNYANAḄỌ ḅe tọn kuroma aị ma ḅioḅẹngbọ kẹ arị ḅụụ gbana na-iḅim, nimi kẹ ye-nimia-apụ pịrịarị.

Devidi-Anume 19:8

KỊNỊNYANAḄỌ ḅe oloko ma kuram, tẹ arị kokoarị apụ ḅioḅẹlẹarị. KỊNỊNYANAḄỌ tọn kuroma aị ma ḅụ inoma ofori, tẹ anị ye-nimi kẹ tomina kuroma ḅụ suuarị.

Egberima-Ẹkwẹn 1:4

Egberima-ẹkwẹn inetẹ mịẹ tẹ ye-mịẹmịẹ-ḅara nimi-a tomḅọ ḍumo aka nimi ḅọ sọ ḅa, arị pịkị asambịrịma atomi toluma tẹ in mịẹ na-iḅi aị ḍọkị pakama-ḅoarị apụ sọ ḅa.

Egberima-Ẹkwẹn 1:5

Mịna egberima-ẹkwẹn ma inetẹ ye kẹ ye-nimi atomi ma nimi ḅụ sọ sụa ḅa, pịkị datụkụma kẹ ḍiri-ẹrịapụ ma pịrị ḅa,

Egberima-Ẹkwẹn 1:7

Í nimi nyana ḅarị ḅẹḅẹ, tarị-tarị KỊNỊNYANAḄỌ ḅe mangịma tẹ ọ̀ ḅịḅị pokii. Yefieye-naa-a atomi nimi kẹ ye-sịn-a, ịn pịkị ye ḍawọ ḍụkụ-a.

Egberima-Ẹkwẹn 14:34

Karakara mịẹ anie sịẹ-sịẹ kẹ opu kiri koromarị; kụma si anie tọrụ-tuu dogi-ḅo ḅẹ tomi-tomi pịrịarị.

Egberima-Ẹkwẹn 14:8

Tiye ẹrẹsị aka-nimiḅọ ye-nimiḅọ sọarị? Ori ọ̀ mịẹ ḅẹ ye nimi wararị ẹrẹsị. Tiye ẹrẹsị oḅori-ḅọ ḅe oḅori-sọarị? Ọ̀ papaa kuromarị ò nimi ye emi.

Ayịzaya 42:21

KỊNỊNYANAḄỌ ḅe anie amịna atomi ḅọrọma gotẹ ḅio-sẹsẹarị Tamụnọọ, mie ḅụ ori ori oloko ma na toluma aị ma na gelema tẹ ḅii tẹ mịnẹ ori atomi arị kụn.

Jerimaya 8:9

Ini ọmịna ye-nimi atomi ma kẹ ḅụụ-jịrị ḅio suutẹ, in pikiri-pikiri tẹ ḍiein ḅio koro tẹ. Ini ị̀ ẹkwẹn ma sịkị tẹẹ; mịọkụ ịn nyana nimi mẹ ḅọrọ tọ nimi?

Izikẹlị 5:5

Tẹịn-Ḅẹrẹtọn-Kụrọ-Nyana KỊNỊNYANAḄỌ ḅe ḅẹẹm, “Jeruselemu ḍikii. Yẹrị á kẹ tomikiri mẹ karakara ogboku koromam, osi asịẹ mamgba nwẹnị á gbori-ikelema.

Danẹlị 1:20

Anị ḅẹrẹ nyana-a amadaḅọ ḅe gbela-ye gbela-ye sọ, anịanịa ḅụụ-fụkama ye tẹ ò ḍukoye-ḍukoye sọ, mịna inia apụ ma oyia asakị kẹ anị nimi bebe ọ̀ daarị yọ mẹ ḅụ sime ḅịrị-ẹrịḅọ anịanịa majịkị-mịẹḅọ goḅọ-goḅọ nẹngịm.

Danẹlị 4:9

Ị́yẹrị, Bẹlịtisaza, ḅịrị-ẹrịapụ ma ḅẹ sịḅịdaḅọ, à nimi wararị mịnẹ oru-atamụnọ ma kịrị-ḅeletẹ kụrọ kẹ ị́ pịrị tẹẹ, ị́ pịkị ḅọị aị mamgba lekiri wararị. Pokii, mie à kọn ḍawọ mẹ; anị fiearị ye ḍuko ị̀ pịrịị.

Hosiya 8:12

À kịẹnkịẹn-ọkụ-ofori toluma-aị kẹ koro ma tomi ma pịrịm, kụma ịn kịrị aị na ja asịẹ ḅẹ aị na ḅara kẹ arị sịkịarị.

Malakayị 3:12

Anịtẹso sịẹ-sịẹ ma ḅẹ atomi ma ḅioḅẹlẹarị apụ kẹ ọ́ sịn ḅa, ọmịna amakiri mẹ anie tomi anga na-iḅi amakiri ẹrẹsị.”

Ditẹrọnọmị 29:9

Anịẹrẹsị ọ́ mị ọḅọkụ mẹ ḅẹ ẹkwẹn-aḅịḅị ma mịẹ ḅẹ ḅara kẹ ḅụụ ẹbị-ẹbị, mịẹtẹ ọmịnị inetẹ ọ́ mịẹ ḅẹ aị mamgba ḅụ lolo ḅẹ ḅara.

Ditẹrọnọmị 32:46

ọ̀ nwẹnị ịn ḅẹẹ, “Ọ́ mịna ẹkwẹn-aḅịḅị tẹ mịmgba à tọn ọ́ pịrị aị ma kẹ ọmịna ḅioḅẹngbọ ḅụ wẹrị, mịẹtẹ ọmịnị inetẹ arị tọn ọmịna awọmẹ pịrị, mịẹtẹ ịn ḅụụ ẹbị-ẹbị mị oloko mẹ ḅẹ ẹkwẹn-aḅịḅị mamgba mịẹ ḅẹ ḅara.

Ditẹrọnọmị 32:47

Kẹ gotẹ ọkọ ḅẹẹarị, anị ḅụụ ḅụ yela-a ye sọ ọ́ pịrị ma, kụma anị anie ọmịna ḍumo, anịsakị anie ḅụ mie ama mẹ tẹ Jodanị mẹ saḅa ḅụ ọ́ nyana ḅẹ muarị ama mẹ ḅio ó ḍumo nangwọma ḅarịye.”

2 Timoti 3:15

tẹ pịkị kẹ ḅiokoroma mịnẹ ị́ kala-sakị kụra-ḅio, ị́ Fịafịa Ḍiri mẹ ḅẹ ẹkwẹn ma nimi wararị, anie inetẹ nimi kẹ ị́ kẹ mu ḅọrọma la ḅẹ ye mẹ, Kịrayịsị Jizọsị ḅụ minini nyana ḅụ.

Jemụsị 3:13

Ọmịna ogboku ḅụ ye-nimi tẹ kịnị fiearị ye naarị ḅọ emi? Mḅọ anị ḍie-pakamaa iḅi ḍumo ḅụ, pịkị iḅi amịẹaị tẹ mḅọ ḅụụ iderima na nimi na ḅụ mịẹ tẹ aị na ḅụ.