Ditẹrọnọmị 4:5 - FỊAFỊA BAỊBỤLỤ

⁵ Ḍikii, KỊNỊNYANAḄỌ Ị̀ Tamụnọ ḅe tọn ị̀ pịrị ḅara ḅụ à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma tẹ mịnẹ ama mẹ tẹ ọ́ sọ-mu ọkị nyana ḅẹ muarị ama mẹ ḅio ọmịnị arị mịẹ ḅa.

Ditẹrọnọmị 4:5 Iomraidhean Croise

Devidi-Anume 71:17

Ị̀ asambịrịma sakị kụra-ḅio í ye kẹ ì toluma tẹ, à paa ị́ ḅụụ-buama akọrịnama ma gboloma aị ḍukoarị.

Paka-so 18:20

tẹ kẹẹ wararị oloko ma na, tọn-pẹlẹ aị ma na kẹ ịn toluma, tẹ mịẹtẹ ini etela mẹ tẹ ịn mẹnjị nyana etela mẹ na ịn mịẹ nyana ye na nimi ḅa.

Jerimaya 11:6

Anịtẹso KỊNỊNYANAḄỌ ḅe nwẹnị ị̀ ḅẹẹ, “Juda ḅẹ opu ama ma na Jeruselemu etela-ogbo ma na muu. Ì oku mẹ ḍuko wasama arị anga ḅụ, tẹ ḍuko tomi ma pịrị tẹ ini ọḅọkụ mẹ sịẹ pịrị aị ma poki.

Izikẹlị 20:11

Àrị à tọn-koroma-aị ma kẹ ịn pịrịm, tẹ ì oloko ma kẹ in tolumam, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma.

Lẹvitikọsị 19:19

“Ọmịnị ị̀ oloko kẹẹ-koro wararị aị ma koko ḅa. Ọ́ ḍụkụ tẹ ọmịna opu anama ma gbọrụ ḅara sime nama mu jen kiri nama kpọlị ma (Kẹ tọnma — ejimina mu oḅori kpọlị). Ọmịna ḍụọ ḅio ọ́ kịrị-kịrị maa asịnmgbọlị kẹ gbọrụ ḍụọ ḅio ḍiḅi ma, ọ́ pịkị kịrị-kịrị aḅịtẹ maa atọrụ kẹ gbọrụ kapa gbin ma.”

Lẹvitikọsị 26:46

Mịna aị anie kẹẹ-koro oloko ma na, kụrọ ḅara-ḅio emi ḅara kẹ tọn aị ma na, sụa oloko ma tẹ Sayịnayị tụndụ ọgọnọ ḅụ KỊNỊNYANAḄỌ ḅe Mozizi ḅụụ ḅụ Izirẹlịapụ ma na, ori na ogboku mịẹ aị.

Lẹvitikọsị 27:34

Mịna aị ma anie sime Izirẹlịapụ ma pịrị tọn-aị ma, tẹ Sayịnayị Tụndụ ọgọnọ ḅụ KỊNỊNYANAḄỌ ḅe tọn Mozizi pịrị aị ma.

Lẹvitikọsị 7:38

tẹ Sayịnayị Tụndụ ọgọnọ ḅụ KỊNỊNYANAḄỌ ḅe tọn Mozizi pịrị aị ma anị eneḅaka mẹ tẹ Sayịnayị ịkpa mẹ ḅio ọ̀ tọnm Izirẹlịapụ ma ịna agbamịẹ-aị ọkị-ḅo KỊNỊNYANAḄỌ ḅe pịrị nwẹn ḅẹẹ ene mẹ ḅụ.

Matiyo 28:20

tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Fịrịmẹnjịapụ 20:27

Kẹ gotẹ ọkọ ḍukoarị, Tamụnọ kẹ ye tọn ḅara ḅụ à kẹ ó kikima tẹ ḍuko pakama ọ́ pịrị-a gberie-sọ ofori.

1 Kọrịntị 11:28

Ọkọẹrẹsị, ọrụḅọ-ọrụḅọ amịna ḅụụ pekele-ḍiki tẹrẹmẹ ḅo fịturu mẹ fị, tẹ mị kọpụ mẹ ḅio ḅuu.

1 Kọrịntị 15:3

Yẹrị daa-ọkị ye mẹ mie à da-saḅama ọ́ pịrị ye, anie kpọma ḍuko ḅẹ ọkụ ofori ḅara kẹ iḅiọkụ yela wararị ye mẹ: mịnẹ Kịrayịsị wamịna asi gotẹ fịịm, Fịafịa Ḍiri mẹ ḅio anị kẹẹ koro ḅara ḅụ;

Ditẹrọnọmị 11:32

ọmịnị ọmịna aḅụụ ẹbị ḅa, tẹ kẹẹ wararị oloko ma na, kụrọ ḅara-ḅio sime apụ sụa oloko ma na, tẹ mịmgba à kẹ ọmịna tọrọkọ koroma aị mamgba mịẹ ḅa.

Ditẹrọnọmị 4:1

Izirẹlị, mịọkụ ọ́ kẹẹ wararị oloko ma na, kụrọ ḅara-ḅio sime apụ sụa ọ́ pịrị oloko ma na tẹ à kẹ ó toluma aị ma koko tẹ arị mịẹ; mịẹtẹ ó ḍumo tẹ mu KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ ḅara

Ditẹrọnọmị 4:2

Ẹkwẹn mẹ tẹ arị ẹkwẹn tẹ tọn ọ́ pịrị ye mẹ ḅụ ó ye kẹ sụa, anịanịa ye sin ma; mịẹtẹ ọ́ KỊNỊNYANAḄỌ ọmịna Tamụnọ ḅe oloko ma tẹ à tọn ọ́ pịrị aị ma koko ḅẹ ḅara.

Ditẹrọnọmị 4:4

kụma mịmgba ḅụ ọmịnị tẹ KỊNỊNYANAḄỌ ọmịna Tamụnọ ḅe ọlọ-sịẹma apụ mamgba ḍumo-sime wararị.

Ditẹrọnọmị 4:40

Anịẹrẹsị ọmịnị ori oloko kẹẹ wararị aị ma na, tọn koroma oloko ma tẹ mịmgba à tọn ọ́ pịrị aị ma na koko ḅa, mịẹtẹ anị ọmịnị na, ọ́ ḅọrọ tẹso, ọmịna awọmẹ na iḅi ḅẹ ḅara, mịẹtẹ ọmịnị ọmịna aḍin ma mịẹ nangwọma ḅe ḅara ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị gbamaso ama mẹ ḅụ.

Ditẹrọnọmị 5:1

Mozizi Izirẹlị mẹmgba sịn kobiri tẹ ịn ḅẹẹm, “Izirẹlịapụ ó poki yee! Ọ́ kẹẹ wararị oloko ma na tọn-pịrị-aị ma na tẹ à mịmgba ọ́ naarị ḅara kẹ ḍuko ọ́ pịrịarị aị ma naa, anịsakị ọmịnị arị ḍawọ tẹ ḅụụ ẹbị-bịtẹ arị mịẹ ḅa.

Ditẹrọnọmị 6:1

Mịọkụ mie oloko mẹ na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ KỊNỊNYANAḄỌ ọmịna Tamụnọ ḅe tọn ị̀ pịrịm à kẹ ó toluma ḅẹ aị ma, mịẹtẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 7:11

Ọmịnị anịẹrẹsị ḅụụ ẹbị-bịtẹ oloko mẹ na, kẹẹ wararị oloko ma na, kụrọ ḅara ḅio sime apụ sụa oloko ma na tẹ mịmgba à tọn ọ́ pịrị aị ma mịẹ ḅa.

Ditẹrọnọmị 8:11

Ọmịnị ọmịna aḅụụ ẹbị anieofori ó ḅofa KỊNỊNYANAḄỌ ọmịna Tamụnọ ḅe kẹ ḅioḅọrọma ori oloko ma na, kụrọ ọ̀ ḅara-ḅio emi tẹ ọ̀ sụa oloko ma na, ori oloko ma tẹ kẹẹ wararị aị ma na, arị aị ma tẹ mịmgba à tọn ọ́ pịrị aị ma koko-a ḅụ,

Hiburu 3:5

Mozizi ḅe, fịrịmẹnjịḅọ ḅara, mie ọ̀ kẹ Tamụnọ warị mẹ ḅio ḅioḅẹngbọ-kẹ-sịrẹrẹ-niḅi ḅọ ḅara mẹ sime ye, tẹ ọ̀ nwẹnị tọrọkọ-jụ ḅụ Tamụnọ ḍuko ḅarị aị ma ḅẹ ịba-fị.