Ditẹrọnọmị 4:44 - FỊAFỊA BAỊBỤLỤ

⁴⁴ Mie Oloko mẹ tẹ Mozizi kẹ Izirẹlị ḅẹ awọmẹ ma pịrị ye mẹ.

Ditẹrọnọmị 4:44 Iomraidhean Croise

2 Amadapụ 17:37

À kẹ ọ́ pịrị wararị kẹẹ tẹ oloko ma na, sụa wararị oloko mẹ na, tọn wararị aị ma na mie ọmịnị ẹbị tẹ mịẹ ḅarị ye. Ọmịnị oru-atamụnọ ḍiki-ḅalafa ma.

Lẹvitikọsị 27:34

Mịna aị ma anie sime Izirẹlịapụ ma pịrị tọn-aị ma, tẹ Sayịnayị Tụndụ ọgọnọ ḅụ KỊNỊNYANAḄỌ ḅe tọn Mozizi pịrị aị ma.

Malakayị 4:4

“Ọmịnị ị̀ fịrịmẹnjịḅọ Mozizi toluma aị ma kẹ ḅiokoromaa, à sụa oloko ma na à tọn koroma aị ma na Sayịnayị Tụndụ ḅụ, tẹ à kẹ ọ̀ pịrịm ọ̀ kẹ ị̀ atomi Izirẹlịapụ pịrị tẹ in poki tẹ mịẹ ḅẹẹ oloko ma.”

Kịẹn-aḅịḅị 36:13

Mịna aị ma anie oloko ma na, kụrọ ḅara-ḅio simearị ḅọ sụa oloko ma tẹ KỊNỊNYANAḄỌ ḅe Jeriko ḅụ, Jodanị mẹ akaka, Mohabụ ḅẹ ele mẹ ḅio Mozizi ḅụ tọn Izirẹlịapụ ma pịrị aị ma.

Jọnị 1:17

Mozizi ḅụ mie Tamụnọ ḅọrọ tẹ Oloko mẹ kẹ wa pịrị ye, kụma Jizọsị Kịrayịsị ḅụ mie ḍiki-ḅụụjịrị na karakara na ḅo wa la ye.

Ditẹrọnọmị 1:5

Jodanị mẹ ọgọnọ-jụ, Mohabụ ḅẹ ama mẹ ḅio Mozizi nwẹnị mị oloko mẹ ḍuko giregirema mẹ ọkị ori ọgọnọ gbana tẹ ḅẹẹm:

Ditẹrọnọmị 27:26

Wori-nume sime oriḅe tẹ mị oloko mẹ ḅẹ ẹkwẹn-aḅịḅị ma mịẹ ḅụ arị mịẹ kụrọma-a ḅọ ḅe pịrịị. Anịsakị tomi mamgba ḅẹẹ ḅa, “Amẹnị!”

Ditẹrọnọmị 27:3

tẹ ọmịnị arị ọgọnọ mị oloko mẹ ḅẹ ẹkwẹn-aḅịḅị mamgba kẹẹ ḅa, ọ́ saḅa-ḅọrọ mu ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ḅụụ-ḅẹlẹmatẹ iḅiọkụma fịye so-pakamarị amakiri mẹ ḅio sọ-mu sakị, KỊNỊNYANAḄỌ ọmịna aḍapụ ma sunsin pịrị Tamụnọ ḅe wẹrịtẹ kẹ ọ́ karịma ḅara.

Ditẹrọnọmị 27:8

Ḅẹlẹma giregire ḅara kẹ ọ́ ḍụḅarị ma ọgọnọ mị oloko mẹ ḅẹ ẹkwẹn-aḅịḅị mamgba kẹẹ ḅa.”

Ditẹrọnọmị 33:4

sime Jekọbụ tomi ogbo mẹ pịrị ye ḅara ḅụ, Mozizi gbọrụ oloko tọn wa pịrị sakị.

Ditẹrọnọmị 4:43

Ịkpa mẹ ḅio lẹsẹrẹtẹ tụndụ ọgọnọ mẹ ḅụ sime Rubẹnị furo-ḅẹ-apụ ma pịrị opu ama Biza, Gilẹdị ḅụ sime Gadi furo-ḅẹ-apụ ma pịrị opu ama Remọtị, anịsakị Basani ḅụ sime Manasẹ furo mẹ pịrị opu ama Golanị.

Ditẹrọnọmị 4:45

Mịna aị ma anie mịẹ tẹ ḍuko-pakama aị ma na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ Mozizi ḍuko Izirẹlị ḅẹ awọmẹ ma pịrị aị ini Ijiputi ama mẹ ḅio paka-ḅo sakị,

Jọsụwa 12:1

Mịọkụ mịna amadapụ ma anie Izirẹlịapụ nẹngịma tẹ ịna ama ọkị nyana apụ ma, Jodanị ḅẹ ịrụa-saakịarị-anga anga, Anọnị ḅẹ tụndụ-ogboku mẹ ḅụ ọkị mu Hamọnị ọgọnọ-jụ ḅẹ tụndụ la.