Ditẹrọnọmị 4:21 - FỊAFỊA BAỊBỤLỤ

²¹ Anie sikima, KỊNỊNYANAḄỌ ḅe ọmịna sịḅị gotẹ ịganị ị̀ pịrịm, tẹ ò ye karịm mịnẹ à Jodanị mẹ saḅa ḅịa, anie ḅụ iḅi ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị nyana ḅẹ ama mẹ ḅio à sọ-mu ḅịa.

Ditẹrọnọmị 4:21 Iomraidhean Croise

Kịẹn-aḅịḅị 20:12

KỊNỊNYANAḄỌ ḅe nwẹnị Mozizi na, Erọnị na ḅẹẹ, “Ọmịnị Izirẹlịapụ ma tọrụ-ogbo ḅụ ị̀ mịẹ fịafịama ḅẹ ḅara kẹ ị̀ ḅụụ minini nyana-a ẹrẹsị, anịẹrẹsị ọmịnị mị kobiri-ogbo mẹ ọkị-ḅo ama mẹ tẹ à kẹ ịn pịrị tẹ ama mẹ ḅio suu ḅịa.”

Ditẹrọnọmị 1:37

KỊNỊNYANAḄỌ ḅe ọmịna sịḅị gotẹ ịganị yẹrị sọ pịrịm, tẹ ḅẹẹm: Ị́yẹrị sọ anịjụ sọ-mu ḅịa;

Ditẹrọnọmị 12:9

Kẹ gotẹ ọkọ ḅẹẹarị, amụ ó ḅo ịnyọsara mẹ na, sime anga mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị anga mẹ na la-a.

Ditẹrọnọmị 15:4

Ọmịna ogbo-ḅio ḅụ igoinḅọ paka ḅịa, kẹ gotẹ ọkọ ḅẹẹarị, ama mẹ tẹ KỊNỊNYANAḄỌ ọmịna Tamụnọ ḅe kẹ ó nyana ḅẹ ó pịrị sime anga mẹ ḅụ KỊNỊNYANAḄỌ ḅe ó boma ḅa,

Ditẹrọnọmị 19:10

Anie ofori mịẹye-ofori apụ ọmbie ḅofa ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ ḅio sara, tẹ anieḅụ ọmbie ọsụma ḅẹrẹ-ḅarasii ḅofa ọmịna ọgọnọ gbana.

Ditẹrọnọmị 19:3

Ama mẹ tẹ KỊNỊNYANAḄỌ ọmịna Tamụnọ ḅe kẹ ọmịna nye ḅẹ ḅara kẹ ọ́ pịrị ama mẹ, ọmịnị opu etela ma tẹlẹma ḅa, tẹ ama mẹ ḍụḅa la ḅara mẹ kẹ tẹra akiri ḍiya ḅa, mịẹtẹ kịnị ḅaa ḅọ ḅaa ḅọ inetẹ ḍumo-mangị kọn arị anga mu ḅẹ ḅara.

Ditẹrọnọmị 20:16

Kụma mịna atomi ma tẹ KỊNỊNYANAḄỌ ọmịna Tamụnọ ḅe kẹ sime anga ḅụ ọ́ pịrị tẹ opu ama ma ḅio ọwụ nụnụ ọkị-ọkị sara, sara pakamarị gberie-sọ ọ́ ḅọrọma tẹ ḍumo-sime ḅịa.

Ditẹrọnọmị 21:23

ori oju mẹ bebe ḍin mẹmgba kẹ opu sịn mẹ ọgọnọ sime ma, kẹ gotẹ ọkọ ḅẹẹarị, kpọọ ḅaa fịị kọn ḅọ ḅe anie Tamụnọ woritẹ tomḅọ; ọmịnị anị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ pilema ma.

Ditẹrọnọmị 24:4

á tarị diḅọ ḅe tẹ á dee pakama ḅọ ḅe, anịtẹrẹmẹ ḅarị inetẹ á pilema tẹrẹmẹ á kẹ sin ọ̀ ta sọma ma; kẹ gotẹ ọkọ ḅẹẹarị, aniemẹ anie KỊNỊNYANAḄỌ ọmịna Tamụnọ ḅe tọrọkọ tọn-tọnye, anịsakị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ ọ́ ḅẹrẹ-ḅarasii ọkị-ḅo anị ọgọnọ gbana ḅịa.

Ditẹrọnọmị 26:1

Ọmịnị ama mẹ tẹ KỊNỊNYANAḄỌ ọmịna Tamụnọ ḅe kẹ sime anga gotẹ ọ́ pịrị ama mẹ ḅio ḅo, tẹ anị ọkị nyana, tẹ anị ḅio anga sakị,

Ditẹrọnọmị 3:26

Kụma KỊNỊNYANAḄỌ ḅe ó gotẹ ịganị nyana ị̀ pịrịm, tẹ ì poki-a; tẹ KỊNỊNYANAḄỌ ḅe nwẹnị ị̀ ḅẹẹ: Yee anị ị́ na iḅiye sọ; ḅarị jen maaịn kẹ mị ḅẹrẹ mẹ ḅẹ ye ẹkwẹn ị̀ pịrị ma.

Ditẹrọnọmị 31:2

tẹ ori ịn ḅẹẹm “Mịmgba ị̀ sịḅị kụra sonioa si (120) ḅọrọ tẹ; à ḅarị inetẹ mẹnjị-paka-na-sọ-na ḅịa. KỊNỊNYANAḄỌ ḅe ị̀ ḅẹẹ tẹ, ‘Ị́ mị Jodanị mẹ saḅa-ḅọrọ ḅịa.’