Ditẹrọnọmị 4:2 - FỊAFỊA BAỊBỤLỤ

² Ẹkwẹn mẹ tẹ arị ẹkwẹn tẹ tọn ọ́ pịrị ye mẹ ḅụ ó ye kẹ sụa, anịanịa ye sin ma; mịẹtẹ ọ́ KỊNỊNYANAḄỌ ọmịna Tamụnọ ḅe oloko ma tẹ à tọn ọ́ pịrị aị ma koko ḅẹ ḅara.

Ditẹrọnọmị 4:2 Iomraidhean Croise

Devidi-Anume 78:7

Mị-ḅara ḅụ ini sọ Tamụnọ kẹ ḅiokpọma ḅa, tẹ ḅarị ọ̀ kọrị tẹ aị ma kẹ ḅioḅọrọma ḅịa, kụma sakị mamgba ọ̀ tọn kuroma aị ma poki tẹ mị.

Egberima-Ẹkwẹn 30:6

Ị́ ọkịarị mịnẹ ò gberie ḍukom, tẹ ori ọkọ sime ye ḍuko-a ḅẹḅẹ, ori í ḍiki-ịganị tẹ mịẹ tẹ kịnị nimi ḅa mịnẹ ị́yẹrị iruoḅọ.

Nimi Tolumaḅọ 12:13

Ye mamgba ó naa fama tẹẹ. Ḅẹrẹ mẹ ḅẹ kunoma anie: Tamụnọ mangịma tẹ ori oloko ma kokoo, kẹ gotẹ ọkọ ḅẹẹarị, miemẹ anie bebe kọrịnama mẹ tẹ sime tomi mamgba pịrịm ịn kọrị ḅẹ ye.

Jerimaya 26:2

KỊNỊNYANAḄỌ ḅe ị̀ ḅẹẹm, “Tamụnọ-warị mẹ ḅẹ ogigo mẹ ogboku sịẹsime tẹ à tọn ị́ pịrị tẹ í ḍuko ḅẹ aị mamgba ḍuko wasama Juda ḅẹ ama ma ḅụ sime tẹ ḅo sunsin Tamụnọ pịrị ḅẹ apụ ma pịrịị. Gberie-sọ siin ma.

Matiyo 5:18

Ọ́ kẹ ḅioḅọrọma ma mịnẹ So na Kiri na paa emi sakị goyegoye, Oloko mẹ ḅụ ḅẹ ịrụ-tẹịn ye sọ papaa ḅọrọ-so ḅịa, nwenii anị toluma aị mamgba mịẹ fama ḅa.

Matiyo 5:43

Ọ́ naa tẹ mịnẹ ịn ḅẹẹm, “Í ikiapụ ḅẹlẹma, tẹ si kẹ ị́ tọn apụ ḍiki-ḅioḅuu.”

Galesiya 3:15

Ị̀ amịnapụ, yee arị ene-ḅaaene-ḅaaene pakarị ye kẹ tọnma ọ́ pịrị. Maa apụ gberie ḅụ ḅịḅị-kẹ-ogbosọ tẹ anị kẹ ḍiri kẹẹ tẹ, ḅara kẹ ḍiri mẹ ḅio sụa tẹ ḅẹḅẹ, gbọrụḅọ-sọ inetẹ anị kan ḅịa, pịkị ye kẹ anị ḅụ sụa ḅịa.

Ditẹrọnọmị 1:3

Kụra amesi karama kụra mẹ ḅẹ oyi gbọrụ akalụ finji karama akalụ mẹ ḅẹ tarị ene ḅụ, Mozizi KỊNỊNYANAḄỌ ḅe wẹrịtẹ tọn ọ̀ pịrị tẹ mịnẹ ọ̀ tọn in pịrị ḅẹ aị mamgba kẹ ẹkwẹn Izirẹlịapụ pịrịm.

Ditẹrọnọmị 12:32

À tọn ọ́ pịrị ye goyegoye ọ́ ḅụụ ẹbị-ẹbị tẹ anị mịẹ ḅa; ó ye kẹ anị ḅụ sụa, anịanịa ye sin ma.

Ditẹrọnọmị 13:1

Ọmịna ogboku ịkịankoroḅọ, anịanịa ḍawọ-puuḅọ saakị paka-ḅo tẹ gbọrụ elekima, anịanịa gbọrụ ḅụụ-buamaye ḍuko ọ́ pịrị,

Ditẹrọnọmị 33:4

sime Jekọbụ tomi ogbo mẹ pịrị ye ḅara ḅụ, Mozizi gbọrụ oloko tọn wa pịrị sakị.

Ditẹrọnọmị 4:14

KỊNỊNYANAḄỌ ḅe anị sakị mẹ ḅụ tọn ị̀ pịrịm à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma, mịẹtẹ ama mẹ tẹ ọ́ saḅa-ḅọrọ mu nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 4:40

Anịẹrẹsị ọmịnị ori oloko kẹẹ wararị aị ma na, tọn koroma oloko ma tẹ mịmgba à tọn ọ́ pịrị aị ma na koko ḅa, mịẹtẹ anị ọmịnị na, ọ́ ḅọrọ tẹso, ọmịna awọmẹ na iḅi ḅẹ ḅara, mịẹtẹ ọmịnị ọmịna aḍin ma mịẹ nangwọma ḅe ḅara ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị gbamaso ama mẹ ḅụ.

Ditẹrọnọmị 4:5

Ḍikii, KỊNỊNYANAḄỌ Ị̀ Tamụnọ ḅe tọn ị̀ pịrị ḅara ḅụ à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma tẹ mịnẹ ama mẹ tẹ ọ́ sọ-mu ọkị nyana ḅẹ muarị ama mẹ ḅio ọmịnị arị mịẹ ḅa.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Ditẹrọnọmị 5:32

Ọmịnị anịẹrẹsị ḅụụ ẹbị ḅa tẹ KỊNỊNYANAḄỌ ọmịna Tamụnọ ḅe wẹrịtẹ tọn ọ́ pịrị tẹ ḅara mịẹ ḅẹ ḅara; ọ́ tọrụ pịkị ama-ḅara, anịanịa ere-ḅara da ma.

Jọsụwa 1:7

Ị́yẹrị kịngẹ paa kụrọ sịẹ tẹ iḅiọkụ ḅiokpọọ, ị́ ḅụụ ẹbị tẹ ị̀ fịrịmẹnjịḅọ Mozizi tọn ị́ pịrị Oloko mẹmgba wẹrịtẹ sime-ḅara mịẹ; anị ḅụ pịkị ama-ḅara, anịanịa ere-ḅara da ma, mịẹtẹ í mu anga, mu anga ye iḅiọkụ ị́nịna iḅi ḅẹ ḅara.

Jọsụwa 8:35

Mozizi tọn aị mamgba ḅụ ẹkwẹn gbọrụmgbọ tẹ Jọsụwa Izirẹlị ḅẹ kobiri-ogbo mẹmgba na, ereme ma na, ḍọkọḍọkọ-awọmẹ ma na, igoniapụ tẹ ini ogboku anga apụ ma na tọrọkọ ḅụ go-a ye ofori.