Ditẹrọnọmị 4:16 - FỊAFỊA BAỊBỤLỤ

¹⁶ ọmịnị ọmịna aḅụụ ẹbị anieofori ó ḅofa owiḅọ, anịanịa ẹrẹḅọ ḅẹẹye-ḅẹẹye kịkama ye tẹmẹ ọmịna aḅụụ pịrị ḅụ si mịẹ ḅara kẹ ye mịẹ,

Ditẹrọnọmị 4:16 Iomraidhean Croise

Paka-so 32:7

KỊNỊNYANAḄỌ ḅe nwẹnị Mozizi ḅẹẹ, “Ideri-muu, kẹ gotẹ ọkọ ḅẹẹarị, ị́ atomi inima tẹ ị́ Ijiputi ama ḅụ pakama-ḅo apụ ma ịna aḅụụ sima tẹ.

Ayịzaya 40:18

Wa inetẹ kẹ Tamụnọ na pii-pii ḅẹẹ ḅarị ḅọ tụḅọ? Ndẹẹ í inetẹ ọ̀ kịkaye sime-ḅara ḍuko ḅẹ ḅara?

Ayịzaya 44:13

Akanịḅọ ḅe sịn mẹ tọn pakama-ḅoarị. Ọ̀ tarị ye ọgọnọ tọrụ kẹ anị sime na-iḅi ḅara mị pakamarị ori ọ̀ namakọrịaị kẹ anị kara tomḅọ kịkamarị, tọrụ-gbẹtẹ tomḅọ kịkaye, kẹ ọ̀ warị ḅio koroma ḅẹm.

Izikẹlị 8:10

Mie ḅụ à mẹnjị sọ-mu tẹ ḍikim. Bebe onu ma akaka ma ḅụ ini ododo amẹẹ na, ja fịafịa-a anama na, jaị na tẹ Izirẹlịapụ ma sunsin pịrịarị aị na kẹ kẹẹ-kẹẹ sara wararị.

Lẹvitikọsị 19:4

“Ó sunsin oru-atamụnọ pịrị ma, pịkị ḅara kẹ tẹmẹ oru-atamụnọ tẹmẹ ọmịna aḅụụ pịrị ma. Yẹrị anie KỊNỊNYANAḄỌ ọmịna Tamụnọ ḅee.”

Lẹvitikọsị 26:1

“Ọ́ sịḅị-tuu arị pịrị ḅẹ ḅara kẹ gbọrụ kpokobia sọ kara, anịanịa gbọrụ ye na kịkaye tẹmẹ anịanịa ịḅalị saakị sịẹma ọmịna aḅụụ pịrị ma, pịkị ye kịka ḅara sime ḍụḅarị tẹlẹma sịẹma ma; kẹ gotẹ ọkọ ḅẹẹarị, Yẹrị anie KỊNỊNYANAḄỌ ọmịna Tamụnọ ḅee.

Jọnị 4:24

Tamụnọ anie Tẹmẹẹ, ọ̀ Tẹmẹ ḅe kụrọ ḅụ ngẹrị mie tomi inetẹ karakara ḅara kẹ ò sime-ḅara ḍiki tẹ sunsin ọ̀ pịrị ḅarịye.”

Fịrịmẹnjịapụ 17:29

Wamịnị Tamụnọ awọmẹ ḅẹ sakị, wa gotẹ ọ̀ kẹ golu, anịanịa seleḅa, anịanịa ḍụḅarị, anịanịa tomi aka na nimi na kẹ tẹmẹ-aị na tọnma ḅẹ ọkụ ofori.

Ditẹrọnọmị 16:22

Anịsakị ọmịnị ịḅalị tẹ KỊNỊNYANAḄỌ ọmịna Tamụnọ ḅe ḍiki-ḅioḅuarị gbọrụ ịḅalị sọ pike ma.

Ditẹrọnọmị 27:15

Wori-nume sime oriḅe tẹ ḅara kẹ ye kịkama kara, anịanịa tẹmẹ amịna ḅụụ pịrị ḅọ ḅe pịrị, KỊNỊNYANAḄỌ ḅe ḅụụ tọn-tọn-pịrịye, ḅara akanịḅọ aḅara mịẹ gberie, tẹ ḅọị ḅara kẹ saakị sịẹma ye. Anịsakị tomi mamgba pakịrị tẹ ḅẹẹ ḅa, “Amẹnị.”

Ditẹrọnọmị 31:29

Kẹ gotẹ ọkọ ḅẹẹarị, à nimi wararị mịnẹ, à fịtẹ so sakị ọ́ tụkụma ḅara ḅụ ó sime iḅi ḅara mẹ sima ḅara kẹ ye mịẹ ḅa; tẹ etela mẹ tẹ à tọn ọ́ pịrị ye mẹ ḅụ vuunma tọrụ pịkị akaka da ḅa; anịsakị ḅo ḅarị ene ma ḅụ siye ḅo ọmịna ọgọnọ gbana ḅa, gbala ọ́ KỊNỊNYANAḄỌ ḅe ḍiki-tọrụ ḅụ aniemẹ tẹ siye mịẹ ḅa ẹrẹsị, tẹ ọmịna aḅara ḅẹ kọrịnama ḅụ ori ịganị sịn saakị ḅa.

Ditẹrọnọmị 4:23

Ọmịnị ọmịna aḅụụ ẹbị, anieofori ó ḅofa KỊNỊNYANAḄỌ ọmịna Tamụnọ ḅe ọḅọkụ mẹ tẹ ori ọmịnị na fị ye mẹ kẹ ḅioḅọrọma, tẹ ḅẹẹye-ḅẹẹye kịkama tẹmẹ ọmịna aḅụụ pịrị, aniemẹ tẹ KỊNỊNYANAḄỌ ọmịna Tamụnọ ḅe kẹ tọn-tọnye sọma ọ́ pịrị tẹ ye mẹ.

Ditẹrọnọmị 4:25

Ọmịnị ama mẹ ḅio simetẹ omongi, tẹ awọmẹ na taa-awọmẹ na ile-awọmẹ na iyi sakị, ọ́ ḅẹẹye-ḅẹẹye kịkama tẹmẹ ḅụ si mịẹ ḅara kẹ ye mịẹ tẹ KỊNỊNYANAḄỌ ọmịna Tamụnọ ḅe ḍiki-tọrụ ḅụ siye mịẹ ma. Miemẹ anie siye tẹ ori ịganịma ḅa.

Ditẹrọnọmị 5:8

Ọ́ gbọrụ oru-fụḅara sọ tẹmẹ ọmịna aḅụụ pịrị ma, ḅẹẹye-ḅẹẹye tẹ So-ḅio sime ye na kịkaye-o, anịanịa aniemẹ tẹ kiri suku-ḅio sime ye-o, anịanịa tọrụ-minji mẹ ḅio sime ye-o sọ.

Ditẹrọnọmị 5:9

Ọ́ sunsin arị pịrị ma, pịkị fịrịmẹnjị arị pịrị ma, kẹ gotẹ ọkọ ḅẹẹarị, yẹrị KỊNỊNYANAḄỌ ọmịna Tamụnọ ḅe anie afana Tamụnọ tẹ ḍapụ ma mịẹ-irima ye mẹ kẹ awọmẹ ma ọgọnọ gbanarị mu inima tẹ ì ḍiki-ḅioḅuarị apụ ma ḅụ tẹrẹị karama ḅụọ na, ini karama ḅụọ na laarị.

Ditẹrọnọmị 9:12

Anịtẹso KỊNỊNYANAḄỌ ḅe nwẹnị ị̀ ḅẹẹ: Saakịị! mịanga fọnya kuro soo, kẹ gotẹ ọkọ ḅẹẹarị, ị́ atomi inima tẹ Ijiputi ḅụ í ọkị-ḅo tẹ atomi ma ịn si ḅara kẹ ye mịẹ tẹ; etela mẹ tẹ à tọn ịn pịrị ye mẹ ḅụ ịn fọnya tọrụ-pịkị akaka da tẹ; in ye kịkama tẹmẹ amịna ḅụụ pịrị tẹ.

1 Timoti 1:17

Sime gbamaso Amadaḅọ ḅe, fịị fịị-a, tomi pịkị ẹrị-ẹrịa ḅọ ḅe, ngẹrị Tamụnọ ḅe — kụn na ebube na sime ọ̀ pịrị mu ḅẹẹ-sakị ḅẹẹ-sakị la! Amẹnị.