Ditẹrọnọmị 4:13 - FỊAFỊA BAỊBỤLỤ

¹³ Ori ọḅọkụ mẹ tẹ ọ̀ tọn ọ́ pịrị ọ́ mịẹ ḅẹ ye mẹ mịẹfinji ọ́ pịrịm, aniemẹ anie Oyia Oloko ma; anịsakị ori arị kẹ ḍụḅarị maa apakịrị ọgọnọ kẹẹm.

Ditẹrọnọmị 4:13 Iomraidhean Croise

1 Amadapụ 8:9

Ọḅọkụ-Igbe mẹ ḅio jen gberie-sọ ofori, ḍụḅarị maa apakịrị ma tẹ Mozizi Sayịnayị Tụndụ ọgọnọ ḅụ kẹ anị anga koroma aị ma sikima tẹ, Izirẹlịapụ ma Ijiputi ḅụ paka-ḅoarị sakị KỊNỊNYANAḄỌ ḅe kẹ ịn paka-ḅoarị ogbo ini na ọḅọkụ fị aị ma.

Devidi-Anume 119:4

KỊNỊNYANAḄỌ, í í oloko ma kẹ wa pịrị tẹ ḍuko wa pịrị tẹ mịnẹ wa ḅioḅẹngbọ-kẹ-sịrẹrẹ-niḅi ḅara kẹ arị poki tẹ mị.

Paka-so 19:5

Anịẹrẹsị mịọkụ ọmịnị ị̀ pọkọ poki tẹ ị̀ ọḅọkụ koko, koko, tomi-kụlọkụlọ mamgba ogboku ḅụ ọmịnị ì soku ḅụ à nyana apụ sọ ḅa; kẹ gotẹ ọkọ ḅẹẹarị, bebe tomikiri mẹmgba ì nye,

Paka-so 24:12

KỊNỊNYANAḄỌ ḅe nwẹnị Mozizi ḅẹẹ, “Tụndụ mẹ ọgọnọ-jụ ḅụ ị̀ ḍọkụma-ḅo tẹ anị yọ ḅụ sime koru anịsakị à ḍụḅarị ma tẹ arị à kẹ ịn toluma ḅẹ oloko ma na, à tọn aị ma na kẹ kẹẹ wararị aḍụḅarị ma kẹ ị́ pịrị ḅa.”

Paka-so 31:18

Sayịnayị Tụndụ ọgọnọ ḅụ ò Mozizi na ẹkwẹn fama tẹso ori oloko ma ḍie-pakamarị ḍụḅarị maa apakịrị ma, Tamụnọ ḅara-tụngbalị kẹ kẹẹ aị ma kẹ Mozizi pịrịm.

Paka-so 34:1

KỊNỊNYANAḄỌ ḅe nwẹnị Mozizi ḅẹẹ, “Tarị aị ma kịka maa ye kẹẹ aḍụḅarị pẹlẹ pakama-ḅoo; anịsakị arị ẹkwẹn-aḅịḅị ma tẹ à kẹ tarị ye kẹẹ aị ma ọgọnọ ḅụ kẹẹ tẹ ị́ ḅaa aị ma kẹ arị ọgọnọ ḅụ kẹẹ ḅa.

Paka-so 34:28

Tẹ ori anịjụ ḅụ KỊNỊNYANAḄỌ ḅe na ḍin amesi na, eneḅaka amesi na simem; fịye sọ ọ̀ fị-a, ọ̀ pịkị minji sọ ḅuu-a, tẹ ò ye kẹẹ aị ma ọgọnọ ọḅọkụ mẹ ḅẹ ẹkwẹn-aḅịḅị ma kẹẹm, Oyi Oloko Ma.

Romu 9:4

Ini anie Tamụnọ atomi ma; ori ḅarana ịn kẹ ori awọmẹ sọma, tẹ ori ebube kẹ in ḍiem; ori ini na ọḅọkụ fị tẹ Oloko mẹ kẹ ịn pịrịm; ini anie karakara Tamụnọ tẹkẹ mẹ nyana ye; Tamụnọ minini ịn pịrị aị ịn nyana tẹ;

2 Kọrịntị 3:7

Oloko mẹ ḍụḅarị ọgọnọ mie ịn sọkị ḅara kẹ anị kẹẹ ye, tẹ ini anị kẹ ḅo sakị Tamụnọ ori ebube ḍie-pakamam. Ebube mẹ ḅịya mẹ tẹ ḅo Mozizi tọrụkuḅu sarama ye mẹ ḍisi simem sọ, anị ḅẹ kụrọ mẹ gotẹ Izirẹlịapụ ma inetẹ da-da ò ḍiki-a. Fịị dogi-ḅoarị oloko mẹ kụrọ nyana wararị sakị ḅụ, anị ọkọ sime ebube nyana kụma,

Ditẹrọnọmị 4:12

Anịtẹso KỊNỊNYANAḄỌ ḅe kọrị fịnị mẹ ogboku ḅụ sime tẹ ẹkwẹn ọ́ pịrịm, ọ́ naam ẹkwẹn-aḅịḅị fiearị, gbọrụ pọkọ ngẹrị ngẹrị, kụma ye kịka gberie sọ ọmịnị ẹrị-a.

Ditẹrọnọmị 4:14

KỊNỊNYANAḄỌ ḅe anị sakị mẹ ḅụ tọn ị̀ pịrịm à kẹẹ wararị oloko na, kụrọ ḅara-ḅio sime apụ sụa oloko na kẹ ó toluma, mịẹtẹ ama mẹ tẹ ọ́ saḅa-ḅọrọ mu nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 5:22

Mịna ẹkwẹn-aḅịḅị ma KỊNỊNYANAḄỌ ḅe opu pọkọ kẹ nwẹn kọn tomi ogbo mẹmgba pịrịm kọrị fịnị na, oḅuto na, furu-kịtịpụtẹ kanakana na ḅio tụndụ mẹ ḅụ, tẹ ọ̀ ḅarị jen kẹ arị ḅụ sụa-a. Tẹ ori arị kẹ maa ḍụḅarị apakịrị ọgọnọ kẹẹm, tẹ arị kẹ ị̀ pịrịm.

Hiburu 9:4

Anị ḅio ḅụ golu kẹ tẹmẹ Kụnụaị-dọkịma-dẹbịlẹ tẹ ini anị ọgọnọ kụnụaị dọkịma dọkịma ye mẹ na, Ọḅọkụ Igbe mẹ tẹ golu gbaịn koro ye mẹ — tẹ anị ḅio ịn mana kẹ sụa wararị golu-mọngị sime ye mẹ — na, Erọnị mkpara tẹ ịnyịnya sụa ye mẹ na, ḍụḅarị maa apakịrị ma tẹ Oyia Oloko ma kẹẹ wararị aị ma na sọ simem.