Ditẹrọnọmị 4:10 - FỊAFỊA BAỊBỤLỤ

¹⁰ ọ́ wẹrịtẹ Orẹbụ ḅụ KỊNỊNYANAḄỌ ọmịna Tamụnọ ḅe tọrọkọ sịẹsime ḅara KỊNỊNYANAḄỌ ḅe ị̀ ḅẹẹm: Tomi ma kobiri ị̀ pịrị, mịẹtẹ ini ị̀ ẹkwẹn-ḅịḅị naa ḅẹ ḅara, mịẹtẹ ini ị̀ mangịma ḅẹ ḅara ḍawọ ḅarị ḅara ene mamgba tẹ ịn kẹ tomikiri ḅụ ḍumo-sime ḅẹ ene ma ḅụ, anịsakị ini anị ḅara kẹ ịna awọmẹ ma toluma ḅẹ ḅara.

Ditẹrọnọmị 4:10 Iomraidhean Croise

Suku-saakị 18:19

Àrị ọ̀ sẹlẹ-ọkị tẹẹ, mịẹtẹ ọ̀ tọn ori awọmẹ na ọ̀ warị-suku na pịrị ịn ò ḍikimatẹ karakara na kura ḅẹrẹkọn na ḅụ ì etela mẹ mẹnjị ḅẹ ḅara. Ịn ọkọ mịẹm ḅẹḅẹ, à kẹ Ebira-amụ karịma aị mamgba à mịẹ ọ̀ pịrị ḅa.”

Devidi-Anume 145:4

Tomi í kọrị tẹ aị ma kẹ í tokini mu ḅụọ-fa-ḅụọ-paka la ḅa; ini ị́ kụrọtẹ opu akọrịnama ma oloku pakama ḅa.

Paka-so 19:1

Izirẹlịapụ ma Ijiputi ama ḅụ so tẹ tẹra akalụ karama akalụ mẹ ḅẹ ịwọ akalụ ene mẹ ḅụ anie in ḅo Sayịnayị ḅẹ Ịkpa mẹ ḅio sọ ye.

Paka-so 19:11

tẹ ḅụụ tẹlẹma-a tẹrẹị karama ene mẹ ḅụ, kẹ gotẹ ọkọ ḅẹẹarị, anị ene mẹ ḅụ KỊNỊNYANAḄỌ ḅe ideri Sayịnayị Tụndụ mẹ ọgọnọ ḅo ḅa tomi mamgba tọrụ-ogbo ḅụ.

Paka-so 19:16

Tẹra aḍin karama ene mẹ ḅẹ dede-ḅio ḅụ, so-alagba nwẹnị tọnwa asakị kẹ tẹịn, tẹ So mẹ nwẹnị pịkị ḅalapụ-ḅalapụ tẹ kpititẹ oḅuto kpo nwẹnị tụndụ mẹ ọgọnọ ḅụ sịẹ, tẹ kpọma fie paka ọdụ nwẹnị kpekele fie pẹlẹ-a ḅara kẹ fie. Miemẹ mịẹtẹ akpụrụ-awarị ma ḅio simearị apụ ma oju nwẹnị ḅalafa ḅụ sẹkị.

Paka-so 19:9

KỊNỊNYANAḄỌ ḅe nwẹnị Mozizi ḅẹẹ, “Ḍikii, à kpititẹ oḅuto kpo ḅio ị́ ḍọkụma-ḅoarị, mịẹtẹ arị ị́ na ẹkwẹn-arị sakị tomi ma naa, tẹ pịkị í minini gbamaso ḅarị ḅara.” Anịtẹso Mozizi tomi ma kọn ẹkwẹn-aḅịḅị ma ḍuko KỊNỊNYANAḄỌ ḅe pịrịm.

Paka-so 20:18

Mịọkụ tomi mamgba ḅo so-alagba ma tẹịn-arị ḅara mẹ na, so mẹ ḅalapụ ḅalapụarị ḅara mẹ na, ọdụ mẹ ḅẹ fie mẹ na, turee-tureema tụndụ mẹ ḅụ soarị onwin mẹ na ẹrị tẹso, tomi ma ḅalafa lama tẹ oju sẹkịm; tẹ ịn nwẹnị ala-jụ ḅụ sịẹsime.

Paka-so 20:20

Tẹ Mozizi nwẹnị tomi ma ḅẹẹ, “Ọ́ ḅalafa ma, gbala Tamụnọ ọ́ daaḍiki ḅẹ ẹrẹsị ḅom, tẹ mịẹtẹ ò mangịma mẹ ọmịna atọrụngbọ ḅio so ḅịa, mịẹtẹ ọ́ ḅarị si mịẹ ḅịa ḅara.”

Nimi Tolumaḅọ 12:13

Ye mamgba ó naa fama tẹẹ. Ḅẹrẹ mẹ ḅẹ kunoma anie: Tamụnọ mangịma tẹ ori oloko ma kokoo, kẹ gotẹ ọkọ ḅẹẹarị, miemẹ anie bebe kọrịnama mẹ tẹ sime tomi mamgba pịrịm ịn kọrị ḅẹ ye.

Ayịzaya 38:19

Ḍumo wararị apụ mie í tokiniarị, Mịọkụ arị í tokiniarị ḅara mẹ. Ḍapụ ḍuko ịna awọmẹ pịrịarị í ḅioḅẹngbọ kẹ ḅụụ ḅụ gbana na-iḅi ḅara simearị mẹ.

Luku 1:50

ọ́ kẹ ye sịn apụ ma, sakị sakị mamgba ori in ḍiki-tọrụ-kụrụkụrụarị.

Ditẹrọnọmị 11:19

Anịsakị ọmịnị arị kẹ ọmịna awọmẹ toluma ḅa, tẹ arị gboloma ẹkwẹn kọn ḅa ọmịnị ọmịna warị ḅio lẹgị-sime wararị sakị na, ọmịnị ọmịna etela ḅụ mẹnjịarị sakị na ọ́ ḅọlọlọ sakị na, ọ́ saakị sakị na ḅụ.

Ditẹrọnọmị 12:1

Ma ma anie kẹẹ wararị oloko ma na, kụrọ ḅara ḅio sime apụ sụa oloko ma na tẹ ama mẹ tẹ KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị tẹ ó tomikiri mẹ ḅụ ḍumo-sime wararị ene mamgba ḅụ ọ́ nyana ḅẹ ama mẹ ḅio ọ́ ḅụụ ẹbị-bịtẹ mịẹ ḅarị aị.

Ditẹrọnọmị 14:23

Anịsakị KỊNỊNYANAḄỌ ọmịna Tamụnọ ḅe tọrọkọ mie, anịanga mẹ tẹ ọ̀ sẹlẹ-ọkị tẹ mịẹtẹ ori ẹrẹ mẹ anịanga ḅụ sime ḅarị anga mẹ ḅụ, ọmịnị ọmịna sịnmgbọlị mẹ na, ọmịna iru mẹ na, ọmịna pulo mẹ na, ọmịna anama ogbo mẹ na, ọmịna anana na oḅori na ogbo ma na, furo finji anama ma na, nyana-oyi-ḅụụ-gberie mẹ fị, anịanịa ḅuu, anịanịa taḅa tẹ pịkị pẹị ḅarịye, mịẹtẹ ọ́ sakị mẹmgba inetẹ KỊNỊNYANAḄỌ ọmịna Tamụnọ ḅe mangịma mẹ ḍawọ ḅarị ḅara.

Ditẹrọnọmị 17:19

tẹ anị ọ̀ ḅara ḅụ sime tẹ ò ḍumo-ene mamgba ḅụ ori anị go ḅa, mịẹtẹ ọ̀ KỊNỊNYANAḄỌ ọ̀ Tamụnọ ḅe mangịma mẹ ḍawọ ḅẹ ḅara, mị oloko mẹ ḅẹ ẹkwẹn-aḅịḅị ma na, mịna kẹẹ wararị oloko ma na koko tẹ arị mịẹ ḅụ;

Ditẹrọnọmị 4:9

Ọ́ paa ḅụụ ẹbị nyana, tẹ ọmịna tẹmẹ kẹ ọkọ wẹrịị, anieofori ó ḅofa arị aị ma tẹ ọ́ tọrụngbọ kẹ ẹrị tẹ aị ma kẹ ḅioḅọrọmatẹ arị ḅofa ọmịna ḍumo ene mamgba ḅụ ọmịna ḅioḅẹngbọ ḅụ so; ọ́ mịẹtẹ ọmịnị na, ọmịna afuro ḅẹ apụ na arị nimi,

Ditẹrọnọmị 5:2

KỊNỊNYANAḄỌ wamịna Tamụnọ ḅe Orẹbụ (anie Sayịnayị Tụndụ) ḅụ wamịnị na ọḅọkụ fịm.

Ditẹrọnọmị 5:29

Yei, ịn nwẹnị sakị mẹmgba ì mangịma tẹ ì oloko mamgba koko ḅẹ nwẹn sime ḅioḅẹngbọ nyana kụma, mimgbe anị iḅi ini na, ịna awọmẹ ma na pịrị gbamaso tẹẹ.

Ditẹrọnọmị 6:2

Mịẹtẹ ọmịnị na, ọmịna afuro ḅẹ apụ na ọmịna ḍumo-ene mamgba kẹ KỊNỊNYANAḄỌ ọmịna Tamụnọ ḅe mangịma ḅẹ ḅara, ọ́ kẹẹ wararị oloko ma na, ori oloko mamgba na tẹ à tọn ọ́ pịrị aị ma koko ḅụ; mịẹtẹ ọmịna ene ma nangwọ ḅẹ ḅara.

Ditẹrọnọmị 6:7

Ọ́ karakara ḅara kẹ arị kẹ ọmịna awọmẹ toluma ḅa, tẹ ọmịnị ọmịna warị ḅio lẹgị-sime sakị na, etela ḅụ ọ́ mẹnjịarị sakị ḅụ na, ọ́ ḅọlọlọ sakị ḅụ na, ọ́ saakị sakị na ḅụ arị gbolomaye kẹ ẹkwẹn ḅa.

Hiburu 12:25

Ọkọẹrẹsị, ọmịnị ẹbịị, tẹ ḍụkụ tẹ ẹkwẹn ọ́ pịrịarị ḅọ ḅe poki-a sọma. Tomikiri ḅụ Tamụnọ oku mẹ ḍuko ḅọ ḅe poki ḍụkụ-a apụ ma ịn papaa ḅara kẹ ịn wẹrịso-a. Ọkọẹrẹsị, wamịnị sọ wẹrịtẹ pụkọ-paka ḅẹ gbọrụ kala ḅọkọ sọ ofori, wa ọḅụ pịkị So-ḅio sime tẹ ẹkwẹn wa pịrịarị ḅọ ḅe gbin kụma!

Mịẹfinji 19:5

Anịtẹso gbọrụ pọkọ nwẹnị emine mẹ ḅụ fie ḅo tẹ ḅẹẹ, “Tamụnọ fịrịmẹnjịapụ na sunsin ọ́ pịrịarị atomi mamgba na, opu na kala na, ọ́ wamịna Tamụnọ ḅe tokinii!”

1 Samụẹlị 12:24

Ọmịnị paa KỊNỊNYANAḄỌ ḅe ḍiki-ḅalafaa tẹ minini nyana ḅara kẹ ọmịna ḅioḅẹngbọ mẹmgba kẹ fịrịmẹnjị ọ̀ pịrịị, kẹ gotẹ ọkọ ḅẹẹarị, gburo-gburotẹ opu aị ma tẹ ọ̀ mịẹ-mịẹ ọ́ pịrị tẹ aị ma ọ́ nwẹn kẹ ḅiokoromaa.