Ditẹrọnọmị 4:1 - FỊAFỊA BAỊBỤLỤ

¹ Izirẹlị, mịọkụ ọ́ kẹẹ wararị oloko ma na, kụrọ ḅara-ḅio sime apụ sụa ọ́ pịrị oloko ma na tẹ à kẹ ó toluma aị ma koko tẹ arị mịẹ; mịẹtẹ ó ḍumo tẹ mu KỊNỊNYANAḄỌ ọmịna aḍapụ ma Tamụnọ ḅe kẹ ọ́ pịrị ama mẹ ọkị nyana ḅẹ ḅara

Ditẹrọnọmị 4:1 Iomraidhean Croise

Devidi-Anume 105:45

anịẹrẹsị ori atomi ma ori oloko poki tẹ anị ḅẹ ḅara mịẹ ḅa tẹ ọ̀ tọn kuroma aị mamgba koko ḅa. Ọ́ KỊNỊNYANAḄỌ ḅe tokinii!

Devidi-Anume 119:4

KỊNỊNYANAḄỌ, í í oloko ma kẹ wa pịrị tẹ ḍuko wa pịrị tẹ mịnẹ wa ḅioḅẹngbọ-kẹ-sịrẹrẹ-niḅi ḅara kẹ arị poki tẹ mị.

Paka-so 18:20

tẹ kẹẹ wararị oloko ma na, tọn-pẹlẹ aị ma na kẹ ịn toluma, tẹ mịẹtẹ ini etela mẹ tẹ ịn mẹnjị nyana etela mẹ na ịn mịẹ nyana ye na nimi ḅa.

Jerimaya 11:6

Anịtẹso KỊNỊNYANAḄỌ ḅe nwẹnị ị̀ ḅẹẹ, “Juda ḅẹ opu ama ma na Jeruselemu etela-ogbo ma na muu. Ì oku mẹ ḍuko wasama arị anga ḅụ, tẹ ḍuko tomi ma pịrị tẹ ini ọḅọkụ mẹ sịẹ pịrị aị ma poki.

Izikẹlị 11:20

Anịtẹso ini ì oloko ma koko tẹ ḅioḅẹngbọ-kẹ-sịrẹrẹ-niḅi ḅara kẹ à tọn-koroma-aị mamgba poki tẹ mịẹ ḅa. Ini ị̀ atomi sọ ḅa, yẹrị pịkị ịna Tamụnọ sọ ḅa.

Izikẹlị 20:11

Àrị à tọn-koroma-aị ma kẹ ịn pịrịm, tẹ ì oloko ma kẹ in tolumam, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma.

Izikẹlị 20:21

Kụma anị ḅụọ ḅẹ apụ ma sọ ị̀ na pikiyam. Ini ì oloko ma kan tẹ à tọn-koroma-aị ma mịẹ-a, anie ḍumo ọkị-ḅo arị poki tẹ mịẹ ḅọ mịẹ ḅọ pịrị-pịrị aị ma. Ịn nwẹnị Ịnyọsara-Ene mẹ sima. À tẹlẹmam tẹ ị̀ ịganị kẹ ịna ọgọnọ sara ḅẹm ịkpa mẹ ḅio tẹ anị ḅẹ kụrọ mẹ ịna ḅụụ ịnọ tẹ inimgba ḅaa.

Izikẹlị 36:27

Àrị ị̀ tẹmẹ kẹ ọmịna ḅụụ-ḅio suu tẹ ẹrị ḅa mịnẹ ọmịnị ì oloko ma ḍukamẹnjịm pịkị à tọn ọ́ pịrị aị mamgba kokom.

Izikẹlị 37:24

Ị̀ fịrịmẹnjịḅọ Devidi kịka amadaḅọ ịna amadaḅọ sọ ḅa. Inimgba gbọrụ ḅụ sime ḅa gbọrụ ḅẹrẹtọnḅọ suku ḅio, tẹ ḅioḅẹngbọ-kẹ-sịrẹrẹ-niḅi ḅara kẹ ì oloko ma poki tẹ mịẹ ḅa.

Lẹvitikọsị 18:5

Ọmịnị anịẹrẹsị ì oloko kẹẹ-koro wararị aị ma na, kụrọ ḅara ḅụ emi ḅọ ḅara kẹ à tọn aị ma na koko ḅa, arị aị ma tẹ tomḅọ arị mịẹ ḅụ ḅọrọ tẹ ḍumo ḅarị aị ma. Yẹrị anie KỊNỊNYANAḄỌ ḅee.”

Lẹvitikọsị 19:19

“Ọmịnị ị̀ oloko kẹẹ-koro wararị aị ma koko ḅa. Ọ́ ḍụkụ tẹ ọmịna opu anama ma gbọrụ ḅara sime nama mu jen kiri nama kpọlị ma (Kẹ tọnma — ejimina mu oḅori kpọlị). Ọmịna ḍụọ ḅio ọ́ kịrị-kịrị maa asịnmgbọlị kẹ gbọrụ ḍụọ ḅio ḍiḅi ma, ọ́ pịkị kịrị-kịrị aḅịtẹ maa atọrụ kẹ gbọrụ kapa gbin ma.”

Lẹvitikọsị 19:37

Anịsakị ọmịnị ì oloko kẹẹ-koro wararị aị mamgba na, kụrọ ḅara-ḅio emi ḅọ ḅara kẹ à tọn aị mamgba na kẹ elekima sụa tẹ arị mịẹ ḅa. Yẹrị anie KỊNỊNYANAḄỌ ḅee.”

Lẹvitikọsị 20:8

Ọmịnị ì oloko kẹẹ-koro wararị aị ma koko tẹ arị mịẹ. Yẹrị anie KỊNỊNYANAḄỌ ḅe tẹ ọ́ mịẹ fịafịama ḅọ ḅee.

Lẹvitikọsị 22:31

“Mị-ḅara mie ọmịnị ị̀ oloko ma koko tẹ arị mịẹ ḅarị ḅara. Yẹrị anie KỊNỊNYANAḄỌ ḅee.

Matiyo 28:20

tẹ ọ́ pịkị ye kẹ in toluma tẹ ini à tọn ọ́ pịrị ye goyegoye koko. Anịsakị yẹrị na ọmịnị na sakị mamgba sime ḅa, ọkị mu tomikiri mẹ ḅẹ kunoma la.”

Luku 1:6

Ini maa apụ mamgba Tamụnọ tọrọkọ iḅi ḍumo kọnm, anie ịn pịkị KỊNỊNYANAḄỌ ḅe oloko mamgba koko kpaịnma ḅara.

Jọnị 15:14

Tẹ ọmịnị anie ì ikiapụ ma, ọmịnị à tọn ọ́ pịrị ye mịẹ ḅẹḅẹ.

Romu 10:5

Mie Mozizi Oloko mẹ ḅụ ḅọrọ tẹ Tamụnọ tọrọkọ iḅi-ḅọ sọ ḍọkị mẹ ḅụ kẹẹ koroma ye: “Oloko mẹ tọn ye mịẹ ḅọ, mịẹ ḅọ pịkị anị ḅụ ḅọrọ tẹ ḍumo ḅa.”

Ditẹrọnọmị 1:3

Kụra amesi karama kụra mẹ ḅẹ oyi gbọrụ akalụ finji karama akalụ mẹ ḅẹ tarị ene ḅụ, Mozizi KỊNỊNYANAḄỌ ḅe wẹrịtẹ tọn ọ̀ pịrị tẹ mịnẹ ọ̀ tọn in pịrị ḅẹ aị mamgba kẹ ẹkwẹn Izirẹlịapụ pịrịm.

Ditẹrọnọmị 1:8

Ḍikii àrị ama mẹ kẹ ọ́ pịrị tẹẹ; ọ́ sọ-muu, tẹ ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ Ebira-amụ na, Ayịzịkị na, Jekọbụ na, ịn ḅọrọtẹ so ọkụma, kẹ ịna aḅụụ ḅụ paka-ḅo apụ ma pịrị nyana ḅẹ ama mẹ ọkị nyanaa.’ ”

Ditẹrọnọmị 11:1

Ọmịnị anịẹrẹsị KỊNỊNYANAḄỌ ọmịna Tamụnọ ḅe ḅẹlẹma tẹ ọ̀ tọn ọ́ pịrị aị ma na, ori oloko ma tẹ kẹẹ wararị aị ma na, kụrọ ọ̀ ḅara emi ḅara kẹ ọ̀ sụa oloko ma na, ori Oloko ma na koko tẹ arị mịẹ ḅa.

Ditẹrọnọmị 11:32

ọmịnị ọmịna aḅụụ ẹbị ḅa, tẹ kẹẹ wararị oloko ma na, kụrọ ḅara-ḅio sime apụ sụa oloko ma na, tẹ mịmgba à kẹ ọmịna tọrọkọ koroma aị mamgba mịẹ ḅa.

Ditẹrọnọmị 13:1

Ọmịna ogboku ịkịankoroḅọ, anịanịa ḍawọ-puuḅọ saakị paka-ḅo tẹ gbọrụ elekima, anịanịa gbọrụ ḅụụ-buamaye ḍuko ọ́ pịrị,

Ditẹrọnọmị 16:20

Karakara ḅẹrẹkọn, anịsakị karakara ḅẹrẹkọn ngẹrị, mie ó ḍukamẹnjị ḅarịye, mịẹtẹ ó ḍumo-sime tẹ ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị ama mẹ kẹ ḍuu ḅụ fị ḅẹ ḅara.

Ditẹrọnọmị 30:16

Ọ́ nwẹnị KỊNỊNYANAḄỌ ọmịna Tamụnọ ḅe ḅẹlẹma ḅẹ ori etela ma ḅụ mẹnjị, ori oloko ma na, ori oloko ma tẹ kẹẹ wararị aị ma na, kụrọ ọ̀ ḅara ḅio emi tẹ ọ̀ sụa oloko ma na, koko ḅụ KỊNỊNYANAḄỌ ọmịna Tamụnọ ḅe tọn aị ma tẹ mịmgba ḅụ à tọn ọ́ pịrị aị ma koko, koko, anịrẹ ó ḍumo tẹ lolo-kama ḅa, tẹ KỊNỊNYANAḄỌ ọmịna Tamụnọ ḅe nwẹnị ó boma ḅa ọ́ sọ tẹ anị ọkị nyana ḅẹ muarị ama mẹ ḅio.

Ditẹrọnọmị 30:19

À mịmgba So na Kiri na sịn ḅẹrẹ-kiri sime aị mịẹ ọ́ pịrịarị, mịnẹ à ḍumo na fị na, Tamụnọ boma na Tamụnọ wori-nume na kẹ ọmịna tọrọkọ koroma tẹẹ; anịẹrẹsị ó ḍumo sẹlẹ-ọkị, mịẹtẹ ọmịnị na, ọmịna aḅụụ paka-ḅo apụ na ḍumo ḅẹ ḅara.

Ditẹrọnọmị 30:20

Ọ́ KỊNỊNYANAḄỌ ọmịna Tamụnọ ḅe ḅẹlẹmaa, ọ̀ pọkọ pokii, tẹ ori oḅoloo; aniemẹ gbala ḍumo na nangwọ ene na fie ọ́ pịrịarị ẹrẹsị, mịẹtẹ ama mẹ tẹ KỊNỊNYANAḄỌ ḅe ye karị ḅara ḅụ, kẹ ọmịna aḍapụ Ebira-amụ na, Ayịzịkị na, Jekọbụ na pịrị ḅẹ minini ịn pịrị ama mẹ ḅio ọmịnị anga ḅẹ ḅara.”

Ditẹrọnọmị 4:40

Anịẹrẹsị ọmịnị ori oloko kẹẹ wararị aị ma na, tọn koroma oloko ma tẹ mịmgba à tọn ọ́ pịrị aị ma na koko ḅa, mịẹtẹ anị ọmịnị na, ọ́ ḅọrọ tẹso, ọmịna awọmẹ na iḅi ḅẹ ḅara, mịẹtẹ ọmịnị ọmịna aḍin ma mịẹ nangwọma ḅe ḅara ama mẹ tẹ KỊNỊNYANAḄỌ ọmịna Tamụnọ ḅe kẹ ọ́ pịrị gbamaso ama mẹ ḅụ.

Ditẹrọnọmị 4:45

Mịna aị ma anie mịẹ tẹ ḍuko-pakama aị ma na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ Mozizi ḍuko Izirẹlị ḅẹ awọmẹ ma pịrị aị ini Ijiputi ama mẹ ḅio paka-ḅo sakị,

Ditẹrọnọmị 4:8

Anịsakị tọ gburo-gburotẹ opu sịẹ emi, tẹ oloko mẹ tẹ à kẹ mịmgba ọmịna tọrọkọ koroma wararị kẹẹ wararị oloko ma na, kụrọ ḅara-ḅio sime apụ sụa oloko ma na, mị oloko mẹmgba karakara ḅara karakara oloko nyana?

Ditẹrọnọmị 5:1

Mozizi Izirẹlị mẹmgba sịn kobiri tẹ ịn ḅẹẹm, “Izirẹlịapụ ó poki yee! Ọ́ kẹẹ wararị oloko ma na tọn-pịrị-aị ma na tẹ à mịmgba ọ́ naarị ḅara kẹ ḍuko ọ́ pịrịarị aị ma naa, anịsakị ọmịnị arị ḍawọ tẹ ḅụụ ẹbị-bịtẹ arị mịẹ ḅa.

Ditẹrọnọmị 5:33

Etela mẹ tẹ KỊNỊNYANAḄỌ ọmịna Tamụnọ ḅe tọn ọ́ pịrị etela mẹmgba ḅụ mie ọ́ mẹnjị ḅarịye, mịẹtẹ ó ḍumo-sime, tẹ anị ọmịnị na iḅi ma mu, anịsakị ama mẹ tẹ ọ́ nyana ḅẹ ama mẹ ḅio ọ́ nangwọ ḍumo nyana ḅẹ ḅara.

Ditẹrọnọmị 6:1

Mịọkụ mie oloko mẹ na, kẹẹ wararị oloko ma na, kụrọ ḅara-ḅio sime apụ sụa oloko ma na tẹ KỊNỊNYANAḄỌ ọmịna Tamụnọ ḅe tọn ị̀ pịrịm à kẹ ó toluma ḅẹ aị ma, mịẹtẹ ama mẹ tẹ ọ́ saḅa-ḅọrọ tẹ nyana ḅẹ muarị ama mẹ ḅio ọmịnị arị mịẹ ḅẹ ḅara.

Ditẹrọnọmị 6:24

Tẹ KỊNỊNYANAḄỌ ḅe tọn wa pịrịm wa mịna kẹẹ wararị oloko mamgba koko tẹ mịẹ, wa sakị mẹmgba wamịna iḅi gotẹ KỊNỊNYANAḄỌ wamịna Tamụnọ ḅe mangịma ḅẹ ḅara, mịẹtẹ mịmgba mẹ ḅụ anị sime-ḅara ọ̀ wa wẹrị kpaịnma ḍumoma ḅẹ ḅara.

Ditẹrọnọmị 7:11

Ọmịnị anịẹrẹsị ḅụụ ẹbị-bịtẹ oloko mẹ na, kẹẹ wararị oloko ma na, kụrọ ḅara ḅio sime apụ sụa oloko ma na tẹ mịmgba à tọn ọ́ pịrị aị ma mịẹ ḅa.

Ditẹrọnọmị 8:1

Ọ́ ḅụụ ẹbị-ẹbị tẹ oloko mamgba tẹ à mịmgba tọn ọ́ pịrị aị ma mịẹ ḅa, mịẹtẹ ó ḍumo tẹ kama ḅẹ ḅara, tẹ sọ mu ama mẹ tẹ KỊNỊNYANAḄỌ ḅe ye karị ḅara ḅụ kẹ ọmịna aḍapụ ma karịma wararị ama mẹ nyana ḅẹ ḅara.

Ditẹrọnọmị 8:11

Ọmịnị ọmịna aḅụụ ẹbị anieofori ó ḅofa KỊNỊNYANAḄỌ ọmịna Tamụnọ ḅe kẹ ḅioḅọrọma ori oloko ma na, kụrọ ọ̀ ḅara-ḅio emi tẹ ọ̀ sụa oloko ma na, ori oloko ma tẹ kẹẹ wararị aị ma na, arị aị ma tẹ mịmgba à tọn ọ́ pịrị aị ma koko-a ḅụ,

Ditẹrọnọmị 9:1

Yei Izirẹlị, ọ́ naa! mịmgba ọ́ mị Jodanị mẹ saḅa-ḅọrọ tẹ mu ḍụḅa ọ́ nẹngị pịkị ịnyọ nyana ọ́ nẹngị-nẹngịtẹ opu asịẹ ḅara ḅụ ịn nyana ye ọkị ḅẹ muarị, gburo-gburotẹ ini ọmụ gotẹ mịẹ kụrọma kụrọma mu so lama wararị opu ama ma.

Jọsụwa 3:9

Anịtẹso Jọsụwa nwẹnị Izirẹlị ḅẹ atomi ma ḅẹẹ, “Ọ́ mịanga ḅoo, tẹ KỊNỊNYANAḄỌ ọmịna Tamụnọ ḅe ẹkwẹn-aḅịḅị ma naa.”