Ditẹrọnọmị 34:3 - FỊAFỊA BAỊBỤLỤ

³ Kenanị suku-jụ mẹ na, Ele mẹ na — anie Jeriko tụndụ ogboku mẹ, Eneme Akụrọ Opu ama mẹ ḅụ — ọkị mu Zoha ala jụjụ-ḅio la.

Ditẹrọnọmị 34:3 Iomraidhean Croise

Suku-saakị 13:10

Tẹ Lọtị nwẹnị ori atọrụngbọ saakị tẹ ẹrị mịnẹ Jodanị tụndụ ogboku mẹ anga mamgba ḅụ minji iḅiọkụ sara yọkọ-yọkọ wararị, anị KỊNỊNYANAḄỌ ḅe ḍụọ mẹ ḅio sime-ḅara pembe ḅara, Ijiputi ama mẹ ḅụ Zoha da-mu pakịrị mẹ sime-ḅara; miemẹ anie tẹrẹmẹ KỊNỊNYANAḄỌ ḅe Sọdọmụ na, Gomora na ḅaa guluguluma fama sakị la.

Suku-saakị 14:2

mịna amadapụ ma na Bẹra, Sọdọmụ ḅẹ amadaḅọ na; Basa, Gomora ḅẹ amadaḅọ na; Sinabụ, Adima ḅẹ amadaḅọ na; Sẹmẹba, Ziboyimu ḅẹ amadaḅọ na; Bila anịanịa Zoha ḅẹ amadaḅọ ḅe na ọmụ gbinm.

Suku-saakị 14:8

Anịtẹrẹmẹ Sọdọmụ ḅẹ amadaḅọ na, Gomora ḅẹ amadaḅọ na, Adima ḅẹ amadaḅọ na, Zeboyimu ḅẹ amadaḅọ na, Bila anịanịa Zoha ḅẹ amadaḅọ na Sidimu ḅẹ Tụndụ Ogboku ḅụ ini na owu sọm.

Suku-saakị 19:22

Fọnya mịẹẹ, mangị-so anịjụ muu; kẹ gotẹ ọkọ ḅẹẹarị, í mu anịjụ la-a sime-ogbo àrị inetẹ gberie-sọ mịẹ ḅịa.” Ọkọẹrẹsị ịn kẹ anị ama mẹ sịn ẹrẹ Zoha.

2 Paka-aị 28:15

Tomi ma tẹ ini ẹrẹ go apụ ma nwẹnị in kun apụ ma ọkị tẹ in fọịn ḅo aị ma ḅụ kapa kẹ ịna ḅio ḅụ paụ wararị apụ mamgba sụa; in kapa na, okuro na kẹ in pịrị sụam; in fịye na, iru na kẹ in pịrịm, pịkị olo kẹ in ọmbịm; ịn nwẹnị yedogi-anama ọgọnọ ḅụ ịna ḅio ḅụ ịnyọ lọkọ lama tẹ apụ mamgba sẹịn Jeriko, eneme akụrọ ḅin wararị opu ama mẹ ḅụ ịna mịnapụ pịrị. Anịtẹrẹmẹ in pịkịma-so Sameriya mum.

Kịẹn-aḅịḅị 34:3

Idọmụ pakịrị anga mẹ ḅụ Zini ḅẹ ịkpa ḅụ ọkị mu, ọmịna suku-jụ da pakịrị anga sọ ḅa, anịsakị suku-jụ pakịrị ḅụ ọmịna oke sọ ḅarị anga — ịrụa-saakịarị-anga anga ḅụ Fụn Tọrụ mẹ ḅẹ kunoma;

Ḅẹrẹkọn-apụ 1:16

Mozizi fụanḅọ, Keni ḅẹ ḅọ ḅe awọmẹ ma Juda atomi ma ḅụụ sọ tẹ ini na Jeriko — anie pịkị Eneme Ama — wẹrịso tẹ so Juda ḅẹ ịkpa mẹ mum. Ịkpa mẹ anị suku-jụ simearị Aradi ama mẹ kpeki wararị. Ịn nwẹnị anịjụ ama-na-koro wararị atomi ma na anga.

Ḅẹrẹkọn-apụ 3:13

Ọ̀ nwẹnị Amọnị ḅẹ apụ ma na, Amalẹkị ḅẹ apụ ma na kobiri ọ̀ ḅụụ pịrị tẹ mu Izirẹlị nẹngịma; tẹ ịn nwẹnị Jeriko, Enimikoro opu ama mẹ ọkị nyana.