Ditẹrọnọmị 34:1 - FỊAFỊA BAỊBỤLỤ

¹ Mozizi Mohabụ ḅẹ ele ma ḅio mẹnjị iwo Nebo Tụndụ ọgọnọ aniemẹ tẹ Jeriko na dama-dama ḅụ simearị Pisiga Tụndụ ọgọnọ mẹ sịḅị mum. KỊNỊNYANAḄỌ ḅe nwẹnị ama mamgba kẹ ò ḍiem, Gilẹdị ḅụ ọkị mu Danị ala jụjụ-ḅio la,

Ditẹrọnọmị 34:1 Iomraidhean Croise

Suku-saakị 13:14

Lọtị ọ̀ ḅụụ puu ḅele tẹso, KỊNỊNYANAḄỌ ḅe nwẹnị Ebiramụ ḅẹẹ, “Ị́ atọrụngbọ saakị tẹ í simearị anga mẹ ḅụ saakị ḍiki tọrọkọ-jụ ḅio na, suku-jụ na, ịrụa-saakịarị-anga mẹ na, ịrụa-ideriarị-anga mẹ na da-muu;

Suku-saakị 14:14

Ebiramụ naa tẹso, mịnẹ ini ori iyimbere owiḅọtụḅọ kuun-ọkị so tẹẹ nwẹn ḅẹẹ sakị, ọ̀ nwẹnị ọ̀ warị ḅio ini iyi, tẹ ye kẹ toluma tẹ maa owiapụ ofori kịnị jeia asi na si finji (318) owiapụ sịn, tẹ tọrọkọ tarị tẹ ịn ḍuka mu Danị jụjụ-ḅio la.

Izikẹlị 40:2

Ḍawọ-jụ pembe ḅara ḅụ Tamụnọ ị̀ ọkị-so Izirẹlị amakiri mẹ mu tẹ ị̀ kẹ geletẹ tụndụ ọgọnọ koromam. Ị̀ tọrụ da anga ḅụ warị-warị-warị mie àrị ẹrị yee, gbala opu ama ọkụ.

Kịẹn-aḅịḅị 21:20

anịsakị Bamọtị ḅụ ịn mu Mohabụ iri ḅụ simearị tụndụ ogboku mẹ lam, Pisiga Tụndụ sịḅị ọgọnọ tẹ ḍiki ideri ma-mu ịkpa mẹ ọgọnọ laarị pakịrị ḅụ.

Kịẹn-aḅịḅị 23:14

Tẹ ọ̀ nwẹnị ori ọkị Zafimu ḅẹ piri-ḅio Pisiga Tụndụ sịḅị ọgọnọ mu, tẹ sọnọma agbamịẹ-anga nama, tẹ agbamịẹ-anga ma gbọrụ ye, gbọrụ ye ọgọnọ gbọrụ owi-nambulo na, gbọrụ anana na kẹ agba mịẹ.

Kịẹn-aḅịḅị 27:12

KỊNỊNYANAḄỌ ḅe nwẹnị Mozizi ḅẹẹ, “Abarimu ḅẹ tụndụ mẹ kpọlị iwo, ọgọnọ-jụ muu, tẹ ama mẹ tẹ à kẹ Izirẹlịapụ ma pịrị tẹ ama mẹ ẹrịị.

Kịẹn-aḅịḅị 33:47

Alịmọnị-dibilatayimu ḅụ ịn saakị mẹnjịm, tẹ Abarimu ḅẹ tụndụ ma ḅio tẹrẹmẹ mu Nebo tụndụ la ḅụ akpụrụ-warị pike tẹ kobiri tẹ simem.

Ditẹrọnọmị 3:27

Pisiga Tụndụ mẹ kpọlị iwo mu sịḅị mẹ la, tẹ tọrụ saakị ịrụa-ideriarị-anga na, ọgọnọ-jụ pakịrị na, suku-jụ pakịrị na, ịrụa-saakịarị-anga na daa tẹ ị́ atọrụngbọ kẹ anị ḍikii; kẹ gotẹ ọkọ ḅẹẹarị, ị́ mị Jodanị mẹ saḅa-ḅọrọ ḅịa.

Ditẹrọnọmị 32:49

Mie Abarimu ḅẹ tụndụ, ịn kẹ Nebo sịn Tụndụ mẹ tẹ Mohabụ ḅẹ ama ḅụ Jeriko na dama-dama wararị tụndụ mẹ kpọlị iwoo, tẹ Kenanị ḅẹ ama mẹ tẹ à nyana gotẹ kẹ Izirẹlịapụ ma pịrị ḅẹ ama mẹ ḍikii;

Ditẹrọnọmị 32:52

Ị́ gbala tọrụngbọ kẹ ị́ tọrọkọ simearị ama mẹ ẹrị; kụma anịjụ, ama mẹ tẹ à kẹ Izirẹlịapụ pịrị ama mẹ ḅio ị́ sọ-mu ḅịa.

Ditẹrọnọmị 34:4

KỊNỊNYANAḄỌ ḅe nwẹnị ọ̀ ḅẹẹ, “Mie à ye karị ḅara kẹ minini Ebira-amụ na, Ayịzịkị na, Jekọbụ na pịrịm, ‘À kẹ ị́ ḅụụ ḅụ paka-ḅo apụ ma pịrị ḅa’ ama mẹ; àrị ị́ mịẹ tẹ ị́ ị́ atọrụngbọ kẹ anị ẹrị tẹẹ, kụma ị́ saḅa anịjụ mu ḅịa.”

Jọsụwa 19:47

Danị furo-ḅẹ-apụ ma ye-yọ mẹ fa ịn piri tẹso, Danị furo-ḅẹ-apụ ma nwẹnị iwo mu tẹ Lẹsẹmụ na owu sọ, ini anị ọkị tẹ okologie kẹ anị fama, tẹ anị ọkị nyana tẹ anị ḅio koro anga tẹso, ịn nwẹnị ịna atẹngịḅọ ẹrẹ Danị kẹ Lẹsẹmụ kuro.

Jọsụwa 22:9

Anieḅụ Rubẹnị furo-ḅẹ-apụ ma na, Gadi furo-ḅẹ-apụ ma na, Manasẹ furo mẹ kẹ maa anga ḍiya ḅẹ gbọrụ pakịrị mẹ na nwẹnị Silo tẹ Kenanị sẹ mẹ ḅio simearị ama mẹ ḅụ kirikọn Izirẹlịapụ ma ḅụ pịkịma-so. Ịn nwẹnị Gilẹdị ịna soku-ḅẹ ama mẹ tẹ KỊNỊNYANAḄỌ ḅe Mozizi ḅụ ḅọrọtẹ tọn ḅara ḅụ ịn ḅarana nyana tẹ ama mẹ mu.

Mịẹfinji 21:10

Tẹmẹ ḅe nwẹnị ị̀ ḅụụ sọ, tẹ ḅẹrẹtọn ị̀ pịrị, tẹ enjẹlị ḅe nwẹnị ị̀ kẹ mu gele lamatẹ gbọrụ tụndụ ọgọnọ ḅẹ kunoma jụ la tẹ Jeruselemu, Fịafịa Opu Ama mẹ, kẹ ì ḍie, anị Tamụnọ ḅara sime tẹ So-ḅio koro-ḅoarị,

Ḅẹrẹkọn-apụ 18:29

Ịn nwẹnị ịna atẹngịḅọ Danị ẹrẹ kẹ anị kuro, tẹ Danị kẹ ẹrẹ kẹ anị sịn, oriḅe tẹ Izirẹlị ḅụ ini iyi ḅọ ḅe; kụma tarị sakị ḅụ opu ama mẹ ẹrẹ anie Lahisi.